Tollywood: సముద్రంపై సాహసాలు చేస్తోన్న టాలీవుడ్ హీరోయిన్.. ఎవరో గుర్తుపట్టారా..?

ఇప్పుడిప్పుడే టాలీవుడ్ ఇండస్ట్రీలో గుర్తింపు తెచ్చుకుంటుంది. అందం, అభినయంతో అడియన్స్ కు దగ్గరైన ఈ ముద్దుగుమ్మకు అనుకున్నంతగా అవకాశాలు మాత్రం రావడం లేదు. తెలుగులో చేసింది రెండు సినిమాలే అయిన తనకంటూ స్పెషల్ ఇమేజ్ క్రియేట్ చేసుకుంది. ఇంతకీ ఆ బ్యూటీ ఎవరంటే..

Actress

Rajitha Chanti |
Updated on: Dec 08, 2024 | 2:58 PM

సోషల్ మీడియాలో సినీతారలు ఎక్కువగా సందడి చేస్తుంటారు. తమ సినిమా అప్డేట్స్, పర్సనల్ విషయాలు నిత్యం షేర్ చేస్తుంటారు. తాజాగా ఓ హీరోయిన్ షేర్ చేసిన ఫోటోస్ చూసి అభిమానులు షాకవుతున్నారు. ఇప్పుడు సముద్రంపై తాను చేసిన సాహసంకు సంబంధించిన ఫోటోస్ షేర్ చేసి అందరినీ సర్ ప్రైజ్ చేసింది ఆ హీరోయిన్. ఇన్నాళ్లు వెండితెరపై తనదైన నటనతో మెప్పించే ఈ చిన్నది.. ఇప్పుడు సముద్రంపై ఇలాంటి సాహసాలు చేయడం చూసి ఆశ్చర్యపోతున్నారు ఫ్యాన్స్. ఇంతకీ ఆ ముద్దుగుమ్మ ఎవరో గుర్తుపట్టారా.. ? తనే హీరోయిన్ ఆషికా రంగనాథ్. కన్నడ సినీపరిశ్రమకు చెందిన ఈ బ్యూటీ.. 2016లో క్రేజీ బాయ్ సినిమాతో ఇండస్ట్రీలోకి అడుగుపెట్టింది. కెరీర్ తొలినాళ్లల్లో ఎక్కువగా కన్నడ సినిమాల్లోనే కనిపించింది. కానీ 2022లో తొలిసారిగా తమిళంలో ఓ ప్రాజెక్ట్ చేసింది.

పట్టతు ఆసరన్ సినిమాతో కోలీవుడ్ ఇండస్ట్రీలో గుర్తింపు తెచ్చుకుంది. కన్నడ, తమిళంలో వరుస ఆఫర్స్ అందుకుంటున్న ఈ బ్యూటీ.. తెలుగులో అమిగోస్ సినిమాతో పరిచయమైంది. నందమూరి కళ్యాణ్ రామ్ నటించిన ఈ సినిమా అంతగా ఆకట్టుకోలేదు. దీంతో అటు ఆషికాకు కూడా నిరాశే మిగిలింది. భారీ అంచనాల మధ్య విడుదలైన ఈ సినిమా డిజాస్టర్ కావడంతో ఆషికాకు ఆశించిన స్థాయిలో ఆఫర్స్ రాలేదు. చాలా కాలం గ్యాప్ తీసుకున్న తర్వాత కింగ్ నాగార్జున సరసన నా సామిరంగ సినిమాతో హిట్ అందుకుంది ఆషిక. ఇందులో ఆమె నటనకు మంచి మార్కులే వచ్చాయి. కానీ ఈ సినిమా తర్వాత తెలుగులో ఆఫర్స్ మాత్రం రాలేదు.

ప్రస్తుతం మెగాస్టార్ చిరంజీవి, డైరెక్టర్ వశిష్ట దర్శకత్వంలో రూపొందుతున్న విశ్వంభర చిత్రంలో నటిస్తుంది. అయితే దీనిపై ఇప్పటివరకు ఎలాంటి క్లారిటీ రాలేదు. ఈ చిత్రంలో చిరు జోడిగా త్రిష నటిస్తుంది. అటు సినిమాలు అంతగా లేకపోయినా.. సోషల్ మీడియాలో మాత్రం చాలా యాక్టివ్ గా ఉంటుంది. నిత్యం ఏదోక పోస్ట్ చేస్తూ నెటిజన్లను ఆకట్టుకుంటుంది.