Tollywood: ఈ టాలీవుడ్ హీరోయిన్‌ను గుర్తు పట్టారా? ఇప్పుడేంటిలా మారిపోయింది! ఒక్క సినిమాతో ఓవర్ నైట్ స్టార్

హీరోలతో పోల్చితే సినిమా ఇండస్ట్రీలో హీరోయిన్ల కెరీర్ చాలా తక్కువగా ఉంటుంది. పెళ్లి, పిల్లలు అంటూ త్వరగానే సినిమాలకు గుడ్ బై చెప్పేస్తారు చాలామంది. కొందరు హీరోయిన్లు అయితే ఒకటి, రెండు సినిమాలతోనే సరిపెట్టుకుంటారు. ఈ హీరోయిన్ కూడా సరిగ్గాఈ కోవకే చెందుతుంది.

Tollywood Actress

Basha Shek |

Updated on: Nov 22, 2024 | 5:50 PM

పై ఫొటోలో కనిపిస్తోన్నదెవరో గుర్తు పట్టారా? ఆమె ఒకప్పుడు దక్షిణాదిలో క్రేజీ హీరోయిన్. తన అందం, అభినయంతో అడియన్స్ మనసులను కొల్లగొట్టింది. ఇక తెలుగులో చాలామంది ఆడియెన్స్ కు ఫేవరెట్ హీరోయిన్ ఆమె. అలాగనీ ఆమె తెలుగులో పెద్దగా సినిమాలేమీ చేయలేదు. కేవలం ఒక్క సినిమాలోనే హీరోయిన్ గా కనిపించింది. అయితేనేం.. తన క్యూట్ యాక్టింగ్ తో ఆడియెన్స్ మనసులు కొల్లగొట్టింది. ముఖ్యంగా సినిమాలో పెద్ద గొంతేసుకొని ఆమె చెప్పిన డైలాగులకు తెలుగు ప్రేక్షకులు ఫిదా అయిపోయారు. అయితే మరిన్ని సినిమాల్లో ఈ అందాల తారను చూడాలనకున్నవారికి నిరాశే ఎదురైంది. ఒకే ఒక్క సినిమాతోనే టాలీవుడ్ లో తన ప్రస్థానాన్ని ముగించింది. మరి ఈ హీరోయిన్ ఎవరో గుర్తు పట్టారా? కష్టంగా ఉంది కదా.. అయితే మేమే సమాధానం చెబుదాం లెండి. ఆమె మరెవరో కాదు గీతాంజలి సినిమా హీరోయిన్ గిరిజా షెట్టార్. అవును.. గీతాంజలి సినిమాలో ఎంతో అందంగా కనిపించిన ఆమె ఇప్పుడు గుర్తు పట్టలేనంతగా మారిపోయింది. ఆమెకు సంబంధించిన ఫొటోలు, వీడియోలు ప్రస్తుతం సామాజిక మాధ్యమాల్లో బాగా వైరలవుతున్నాయి. వీటిని చూసిన నెటిజన్లు ‘గీతాంజలి హీరోయిన్ ఇలా మారిపోయిందేంటి? అసలు నమ్మలేకున్నాం’ అంటూ కామెంట్స్ పెడుతున్నారు.

1969లో బ్రిటన్‌లో జన్మించిన గిరిజ సెట్టార్ కు భరత నాట్యంలోనూ అనుభవముంది. 2003లో యోగా తత్వశాస్త్రం, ఆధ్యాత్మిక మనస్తత్వశాస్త్రంలో డాక్టరల్ థీసెస్ పూర్తి చేసింది. ఇదే సమయంలో గీతాంజలి సినిమా కోసం మణిరత్నం ఆమెను ఇండియా తీసుకొచ్చారు. దీంతో పాటు మలయాళం, హిందీ భాషల్లో కూడా చెరో రెండు సినిమాల్లో నటించింది.

ఇవి కూడా చదవండి

గీతాంజలి సినిమాలో గిరిజ..

View this post on Instagram

A post shared by Girija Shettar (vegan/non-prejudiced) (@girijaejshettar)

2003లో ఒక హిందీ సినిమాలో నటించిన గిరిజ ఆ తర్వాత వెండి తెరపై కనిపించలేదు. అయితే ఈ ఏడాది ఒక కన్నడ సినిమాలో మెరిసిందామె. రక్షిత్ శెట్టి సొంత నిర్మాణ సంస్థ పరమవ స్టూడియోస్ నిర్మించిన కన్నడ చిత్రం ‘బ్బని తబ్బిడ ల్లెలి’ చిత్రంలో కీలకపాత్రలో నటించింది గిరిజా. అయితే ప్రస్తుతం గిరిజ పూర్తిగా మెడిటేషన్ వైపు మళ్లింది. దేశవిదేశాల్లో యోగాపై అవగాహన క్లాసులు నిర్వహిస్తోంది.