Nithiin : మరోసారి భీష్మ కాంబినేషన్.. ఈ సారి నెక్స్ట్ లెవల్‌లో సినిమా ఉంటుందట

అప్పుడెప్పుడో భీష్మ సినిమాతో మంచి విజయం అందుకుంది. ఆ తర్వాత ఆరెంజ్ హిట్ అందుకోలేక పోయాడు నితిన్. మధ్యలో రంగ్ దే సినిమా మంచి టాక్ అందుకున్నా.. సూపర్ హిట్ గా నిలువలేక పోయింది.

Nithiin : మరోసారి భీష్మ కాంబినేషన్.. ఈ సారి నెక్స్ట్ లెవల్‌లో సినిమా ఉంటుందట
Nithin, Rashmika
Follow us

|

Updated on: Mar 22, 2023 | 5:50 PM

యంగ్ హీరో నితిన్ హిట్ రుచి చూసి చాలా కాలం అయ్యింది. అప్పుడెప్పుడో భీష్మ సినిమాతో మంచి విజయం అందుకుంది. ఆ తర్వాత ఆరెంజ్ హిట్ అందుకోలేక పోయాడు నితిన్. మధ్యలో రంగ్ దే సినిమా మంచి టాక్ అందుకున్నా.. సూపర్ హిట్ గా నిలువలేక పోయింది. దాంతో ఇప్పుడు ఎలాగైన హిట్ కొట్టాలన్న కసి మీద ఉన్నాడు. ఈ క్రమంలోనే మరోసారి భీష్మ టీమ్ తో చేతులు కలిపాడు. భీష్మ సినిమాను వెంకీ కుడుములదర్శకత్వం వహించారు. ఈ సినిమాలో హీరోయిన్ గా రష్మిక మందన్న హీరోయిన్ గా నటించింది. భీష్మ రొమాంటిక్ , కామెడీ ఎంటర్టైనర్ గా తెరకెక్కింది. ఈ సినిమాతో మంచి విజయాన్ని అందుకుంది. ఇక ఇప్పుడు మరోసారి ఈ కాంబో రిపీట్ కానుంది.

తాజాగా ఉగాది సందర్భంగా ఒక వీడియోను రిలీజ్ చేశారు. ఈ వీడియోలో నితిన్, రష్మిక, జీవి ప్రకాష్ వెంకీ కుడుములు కనిపించారు. వెంకీ కథ అద్భుతంగా ఉంచింది అంటే.. కామెడీ మూవీనా.. అని నితిన్, రొమాంటిక్ మూవీనా అని రష్మిక.. చలో, భీష్మ సినిమాల్లా ఉంటుందా అని జీవి ప్రకాష్ అడగ్గా.. కాదు ఈ సినిమా నెక్స్ట్ లెవల్ లో ఉంటుంది అని వెంకీ చెప్తాడు.

ఇక ఈ సినిమాను మైత్రి మూవీ మేకర్స్ నిర్మిస్తున్నారు. త్వరలోనే ఈ సినిమాకు సంబంధించిన అప్డేట్స్ ఇవ్వనున్నారు. ఈ సినిమాలో నితిన్ డిఫరెంట్ లుక్ లో కనిపించనున్నాడని తెలుస్తోంది.