Karthikeya 2: మరో ట్రైలర్ కు ముహూర్తం ఫిక్స్ చేసుకున్న కార్తికేయ 2.. రిలీజ్ ఎప్పుడంటే

ఎన‌ర్జిటిక్ యంగ్ హీరో నిఖిల్ ప్రస్తుతం వరుస సినిమాలతో దూసుకుపోతోన్నాడు. బ్యాక్ టు బ్యాక్ సినిమాలను లైనప్ చేసిన ఈ యంగ్ హీరో నుంచి రెండు సినిమాలు రిలీజ్ కు రెడీగా ఉన్నాయి.

Karthikeya 2

Rajeev Rayala |
Updated on: Aug 02, 2022 | 7:26 PM

ఎన‌ర్జిటిక్ యంగ్ హీరో నిఖిల్(Nikhil Siddhartha)ప్రస్తుతం వరుస సినిమాలతో దూసుకుపోతోన్నాడు. బ్యాక్ టు బ్యాక్ సినిమాలను లైనప్ చేసిన ఈ యంగ్ హీరో నుంచి రెండు సినిమాలు రిలీజ్ కు రెడీగా ఉన్నాయి. వీటిలో కార్తికేయ 2 ఒకటి 18 పేజెస్ సినిమా మరొకటి. ఇక వీటిలో చందు మొండేటి ద‌ర్శ‌క‌త్వంలో కార్తికేయకి సీక్వెల్ గా వస్తున్న కార్తికేయ‌ 2(Karthikeya 2)పై అంచనాలు భారీగా ఉన్నాయి. ఇప్పటికే విడుదలైన ఈ సినిమా పోస్టర్లు, టీజర్ , సాంగ్స్ ప్రేక్షకులను ఆకట్టుకున్నాయి. అలాగే రీసెంట్ గా వచ్చిన కార్తికేయ ట్రైలర్ 1 పై అద్భుతమైన స్పందన వచ్చింది. క‌మ‌ర్షియ‌ల్ చిత్రాల‌తో పాటు విభిన్నమైన కథలతో నిర్మాణాన్ని కొన‌సాగిస్తూ విజ‌యాలు సొంతం చేసుకుంటున్న‌ క్రేజీ నిర్మాణ సంస్థ‌లు పీపుల్స్ మీడియా ఫ్యాక్ట‌రి, అభిషేక్ అగ‌ర్వాల్ ఆర్ట్స్ బేన‌ర్స్ పై టి.జి. విశ్వ‌ప్ర‌సాద్, అభిషేక్ అగ‌ర్వాల్ ఈ చిత్రాన్ని సంయుక్తంగా నిర్మిస్తున్నారు.

‘శాంతను ఇది నువ్వు ఆపలేని యాగం.. నేను సమిధను మాత్రమే.. ఆజ్యం మళ్లీ అక్కడ మొదలైంది.. ప్రాణత్యాగం చేసే తెగింపు ఉంటేనే దీనిని పొందగలం’ అంటూ అదిరిపోయే డైలాగ్స్ తో సాగే ట్రైలర్ 1 ఆకట్టుకుంటుంది. ఈ నేపథ్యంలో ఆగష్టు 6న కార్తికేయ 2 థియేట్రికల్ ట్రైలర్ విడుదల చేయడానికి సన్నాహాలు జరుగుతున్నాయి. ట్రైలర్ 1తో ఈ సినిమా పై వచ్చిన అంచనాలకు మించే స్థాయిలో ఈ థియేట్రికల్ ట్రైలర్ ఉండనుందని తెలుస్తోంది. ఇక కాలభైరవ బ్యాగ్రౌండ్ స్కోర్ ఈ సినిమాకు అదనపు ఆకర్షణ. ప్రతీ ఫ్రేమ్ చాలా అద్భుతంగా చూపించారు సినిమాటోగ్రఫర్ కార్తికే ఘట్టమనేని. టెక్నీషియన్స్‌తో అద్బుతమైన ఔట్ పుట్ తీసుకున్నారు దర్శకుడు చందూ మొండేటి. కార్తికేయకు సీక్వెల్‌గా వస్తున్న కార్తికేయ 2 అంచనాలు అందుకోవడం కాదు.. మంచిపోయేలా తెరకెక్కిస్తున్నారు దర్శకుడు చందూ. ఈ చిత్రంలో ముగ్ధ పాత్రలో అనుపమ పరమేశ్వరన్.. నిఖిల్ కి జంట‌గా న‌టిస్తుంది. ప్రముఖ బాలీవుడ్ నటుడు అనుపమ్ ఖేర్ ఇందులో కీలక పాత్రలో నటిస్తున్నారు. ఈ సినిమాలో ఆసక్తికరమైన విషయం డాక్ట‌ర్ కార్తికేయ ప్ర‌యాణం. శ్రీకృష్ణుడు చ‌రిత్ర‌లోకి ఎంట‌ర‌వుతూ క‌నిపిస్తున్నారు. ఇక ఈ సినిమా అన్ని కార్య‌క్ర‌మాలు పూర్తి చేసుకుని ఆగస్ట్ 12న గ్రాండ్ గా విడుదల కానుంది.

ఇవి కూడా చదవండి