Anasuya: మరో ప్రయోగానికి సిద్ధమైన అందాల యాంకర్.. వేశ్య పాత్రలో నటించనున్న అనసూయ..
Anasuya Playing Challenging Role: న్యూస్ రీడర్గా కెరీర్ ప్రారంభించి యాంకర్గా మారింది అనసూయ. ఇక జబర్ధస్త్ కామెడీ షోతో ఈ యాంకర్ ఎక్కడలేని క్రేజ్ సంపాదించుకుంది. అంతటితో ఆగకుండా వెండితెరపై కూడా...
Updated on: Feb 17, 2021 | 8:35 AM
Anasuya Playing Challenging Role: న్యూస్ రీడర్గా కెరీర్ ప్రారంభించి యాంకర్గా మారింది అనసూయ. ఇక జబర్ధస్త్ కామెడీ షోతో ఈ యాంకర్ ఎక్కడలేని క్రేజ్ సంపాదించుకుంది. అంతటితో ఆగకుండా వెండితెరపై కూడా ప్రత్యక్షమై సినీ లవర్స్ ఆకట్టుకుంటోందీ అందాల తార. ఓ వైపు తన అందంతో ఆకట్టుకుంటూనే మరో వైపు నటనకు ప్రాధాన్యత ఉన్న పాత్రల్లోనూ నటిస్తోంది. క్షణం సినిమాలో పోలీస్ ఆఫీసర్ పాత్రలో నెగిటివ్ షేడ్లో ఉన్న పాత్రలో ఆకట్టుకున్నా.. రంగస్థలంలో రంగమ్మత్త పాత్రలో నటనతో మ్యాజిక్ చేసినా అనసూయకే చెందింది. ఆలస్యంగా ఇండస్ట్రీకి ఎంట్రీ ఇచ్చిన తనకంటూ ఓ ప్రత్యేక గుర్తింపును సంపాదించుకుంటూ వరుస అవకాశాలు సొంతం చేసుకుంటోంది. ఇక తాజాగా అనసూయ మరో ఛాలెంజ్ రోల్లో నటించనున్నట్లు తెలుస్తోంది. గోపిచంద్ హీరోగా మారుతి దర్శకత్వంలో తెరకెక్కుతోన్న ‘పక్కా కమర్షియల్’ అనే సినిమాలో నటించే అవకాశాన్ని కొట్టేసింది అనసూయ. అయితే ఈ సినిమాలో అనసూయ వేశ్య పాత్రలో కనిపించనుందని తెలుస్తోంది. త్వరలోనే చిత్ర యూనిట్ ఈ విషయాన్ని అధికారికంగా ప్రకటించనుంది. అల్లు అరవింద్ సమర్పలో తెరకెక్కుతోన్న ఈ సినిమాకు సంబంధించిన పూర్తి వివరాలు తెలియాల్సి ఉంది. ఇక మరో ప్రయోగాత్మక పాత్రతో రాబోతున్న అనసూయ కెరీర్కు ఈ సినిమా ఎంతలా ఉపయోగపడుతుందో చూడాలి.
