Allu Sirish: మొత్తానికి కొత్త సినిమా అనౌన్స్ చేసిన అల్లు యంగ్ హీరో..

అల్లు ఫ్యామిలీ నుంచి వచ్చిన హీరోల్లో అల్లు అర్జున్ పాన్ ఇండియా స్టార్ గా గుర్తింపు తెచ్చుకోగా అల్లు శిరీష్ మాత్రం ఇంకా హిట్స్ కోసం ఎదురుచూస్తూనే ఉన్నాడు. అన్న బాటలోనే హీరోగా ఎంట్రీ ఇచ్చి ప్రేక్షకుల అలరిస్తున్నాడు అల్లు శిరీష్. గౌరవం అనే సినిమాతో హీరోగా పరిచయం అయ్యాడు ఈ యంగ్ హీరో. ఆ తర్వాత వరుస సినిమాలు చేస్తూ ప్రేక్షకులను ఆకట్టుకుంటున్నాడు. ఈ క్రమంలోనే శ్రీరస్తు శుభమస్తు అనే సినిమాతో మంచి హిట్ అందుకున్నాడు. మొన్నటివరకు బ్యాక్ టు బ్యాక్ సినిమాలతో ఆకట్టుకున్న శిరీష్.. ఆ మధ్య చిన్న గ్యాప్ తీసుకున్నాడు.  ఉర్వశివో రాక్షసివో అనే సినిమాతో ప్రేక్షకుల ముందుకు వచ్చాడు ఈ యంగ్ హీరో. ఈ సినిమా కూడా ప్రేక్షకులను ఆశించిన స్థాయిలో ఆకట్టుకోలేకపోయింది. ఇప్పుడు మరో ఇంట్రెస్టింగ్ సినిమాతో ప్రేక్షకులను అలరించడానికి రెడీ అవుతున్నాడు శిరీష్.

శిరీష్ ఇండస్ట్రీకి వచ్చి దాదాపు పదేళ్ల  అవుతోంది. ఏడు సినిమాలు చేశాడు శిరీష్. ఇక ఇప్పుడు మరో సినిమాతో రాబోతున్నాడు. కో స్టార్ టెడ్డీ బేర్ తో మెట్రో ట్రైన్ లో ఉన్న ఒక పోస్టర్ ని షేర్ చేస్తూ తన నెక్స్ట్ సినిమా గురించి అనౌన్స్ చేశాడు శిరీష్.

ఈ రోజు సాయంత్రం ఈ మూవీ నుంచి అప్డేట్ ను ఇవ్వనున్నాడు. ఈ సినిమాకు దర్శకుడు ఎవరు.? ఈ సినిమా ఎలా ఉండబోతుందా అని ప్రేక్షకుల్లో ఆసక్తి  నెలకొంది.

View this post on Instagram

A post shared by Allu Sirish (@allusirish)