Allu Arjun Arrest Live Updates: ఇంటికి చేరుకున్న అల్లు అర్జున్..

అన్నపూర్ణ స్డూడియోస్ వద్ద భారీ బందో బస్తు

గత సీజన్‌ గ్రాండ్ ఫినాలే సందర్భంలో జరిగిన అల్లర్లను దృష్టిలో ఉంచుకుని ఈసారి అన్న పూర్ణ స్టూడియోస్ వద్ద భారీ బందోబస్తు ఏర్పాటు చేశారు. ఎటువంటి ర్యాలీలు, విజయోత్సవాలకు పర్మిషన్ ఇవ్వలేదు.  అలాగే విన్నర్, రన్నర్‌ని రాత్రికి అన్నపూర్ణ స్టుడియోస్‌లోనే ఉంచి.. తెల్లవారుజామున 3 తరువాతే  బయటకు పంపించనున్నారు

నేను బాగున్నాను.. ఆందోళన చెందకండి.. అల్లు అర్జున్..

నేను బాగానే ఉన్నాను.. ఆందోళన చెందకండి. నేను చట్టాన్ని గౌరవిస్తాను. పోలీసులకు సహకరిస్తాను. చనిపోయిన మహిళ కుటుంబానికి ప్రగాడ సానుభూతి తెలియజేస్తున్నాను. అనుకోకుండా ఆ ఘటన జరిగింది. అలా జరగడం దురదృష్టకరం. ఆ కుటుంబానికి నేనెప్పుడు అండగా ఉంటాను. గత 20 ఏళ్లుగా ఆ థియేటర్‏కు వెళ్లి నా సినిమా చూస్తుంటాను. నాకు మద్దతు తెలిపిన ప్రతి ఒక్కరికి ధన్యవాదాలు. అని అన్నారు అల్లు అర్జున్.

ఇంటికి చేరుకున్న అల్లు అర్జున్..

గీతా ఆర్ట్స్ కార్యాలయం నుంచి తన నివాసానికి చేరుకున్నారు అల్లు అర్జున్. తన తండ్రిని చూసి ఎదురువచ్చి హాగ్ చేసుకున్నాడు తనయుడు అల్లు అయాన్.

సినీ రచయిత చిన్ని కృష్ణ కామెంట్స్

అల్లు అర్జున్ అరెస్టు అన్యాయమని అన్నారు రచయిత చిన్నికృష్ణ. తెలంగాణ ప్రభుత్వం కక్షతోనే ఈ అరెస్టు చేసిందని.. ఈ అరెస్టుపై తగిన మూల్యం చెల్లించుకోవాల్సి వస్తుందని అన్నారు. అల్లు అర్జున్ అంటే నాకు ప్రాణం.. గంగోత్రి సినిమాకి నేనే రచయితను అంటూ భావోద్వేగానికి గురయ్యారు.

గీతా ఆర్ట్స్ ఆఫీస్ కు చేరుకున్న అల్లు అర్జున్

జైలు నుంచి విడుదలైన అల్లు అర్జున్…నేరుగా జూబ్లీహిల్స్ లోని గీతా ఆర్ట్స్ ఆఫీస్ కు చేరుకున్నారు. అక్కడినుంచి మరికొద్ది సేపట్లో నివాసానికి చేరుకునే అవకాశం ఉంది.

తండ్రి కోసం అర్హ వెయిటింగ్..

ఈరోజు తెల్లవారుజాము నుంచి తన తండ్రి కోసం ఎదురుచూస్తుంది అర్హ. ఇందుకు సంబంధించిన వీడియోస్ సోషల్ మీడియాలో వైరల్ గా మారాయి. కాసేపటి క్రితమే జైలు నుంచి విడుదలైన అల్లు అర్జున్.. ఇంటికి బయలుదేరారు. బన్నీ వెంటే అల్లు అరవింద్ ఉన్నారు.

విడుదలైన అల్లు అర్జున్..

సినీ హీరో అల్లు అర్జున్ చంచల్ గూడా జైలు నుంచి విడుదలయ్యారు. నిన్న అరెస్ట్ అనంతరం నాంపల్లి కోర్టులో హాజరుపరచగా..14 రోజుల రిమాండ్ విధించింది. దీంతో బన్నీని చంచల్ గూడ జైలుకు తరలించారు. దీంతో భారీ సంఖ్యలో అభిమానులు జైలు వద్దకు చేరుకున్నారు అభిమానులు. ప్రొసీజర్ ఆలస్యం కావడంతో రాత్రంతా జైలులోనే ఉన్నారు అల్లు అర్జున్.

కాసేపట్లో విడుదల కానున్న అల్లు అర్జున్..

చంచల్ గూడా జైలు నుంచి సినీహీరో అల్లు అర్జున్ కాసేపట్లో విడుదల కానున్నారు. నిన్న రాత్రి విడుదల కావాల్సిన బన్నీ ప్రొసిజర్ ఆలస్యం కావడంతో రాత్రంతా జైలులోనే ఉన్నారు. మంజీరా బ్యారక్ లో బన్నీ ఉన్నట్లు సమాచారం.

అల్లు అర్జున్ విడుదల పై కొనసాగుతున్న ఉత్కంఠ

అల్లు అర్జున్ విడుదల పై కొనసాగుతున్న ఉత్కంఠ. ఈరోజు విడుదల కావడం కష్టమే అంటున్న జైలు అధికారులు. అల్లు అర్జున్ రాత్రంతా జైల్లోనే ఉండే అవకాశం. ఇప్పటివరకూ తమకు అధికారికంగా బెయిల్ ఉత్తర్వులు అందలేదంటున్న జైలు అధికారులు. బెయిల్ ఉత్తర్వుల కాపీలు ఇంకా ఆన్‌లైన్‌లో అప్‌లోడ్ కాలేదంటున్న అధికారులు. అల్లు అర్జున్ తరపున లాయర్లు తెచ్చిన బెయిల్ కాపీ సరిగ్గా లేదంటున్న జైలు అధికారులు. చంచల్ గూడా జైలు ముందు ఆందోళనలో అభిమానులు

అల్లు అర్జున్ విడుదలలో మరింత ఆలస్యం.

జైల్ అధికారులకు అధికారికంగా అందరి అల్లు అర్జున్ ఆర్డర్ కాఫీ.  ఆర్డర్ కాఫీలో తప్పుల సవరణతో అధికారులకు ఇంకా అందని ఆర్డర్ కాపీ. కింద కోర్టులో సమర్పించాల్సిన షూరిటీ కోర్టు డైరెక్షన్స్ తో జైల్ సూపర్డెంట్ కి వ్యక్తిగత సమర్పణ. వ్యక్తిగత పూచి కత్తు సమర్పణ ఉండటంతో కూడా మరింత ఆలస్యం అవుతున్న ప్రాసెస్.

సంధ్య థియేటర్ లో ఘటనపై పోలీసుల క్లారిటీ

భారీ ఈవెంట్లకు ముందస్తు అనుమతి అడగడం తప్పనిసరి . భారీ కార్యక్రమాలకు నిర్వాహకులు నేరుగా అధికారుల దగ్గరికి వచ్చి అనుమతి తీసుకోవాలి. కానీ ఈ ఘటనలో ఇన్వార్డ్ సెక్షన్ లో ఒక లెటర్ ని ఇచ్చి సంధ్య థియేటర్ యాజమాన్యం వెళ్లిపోయారు. హీరో రాక గురించి ఎలాంటి సమాచారం ఇవ్వకపోయినా, మేమే ముందస్తు చర్యలో భాగంగా బందోబస్తు ఏర్పాటు చేశాం. అల్లు అర్జున్ వచ్చేవరకు పబ్లిక్ క్రౌడ్ అంతా నార్మల్గానే ఉంది. అల్లు అర్జున్ వచ్చాకే పరిస్థితి అదుపుతప్పింది. థియేటర్ లోకి ఎంటర్ అయ్యే ముందు తన కారులో నుండి బయటికి వచ్చి అల్లు అర్జున్ అభివాదం చేశారు. ఆయన అభివాదం చేయటంతో జనాల తాకిడి ఒక్కసారిగా అదుపుతప్పింది. అతని ప్రైవేట్ సెక్యూరిటీ పబ్లిక్ని తోసేసారు. అప్పటికే అక్కడి నుండి వెళ్లిపోవాలని అల్లు అర్జున్ కు సూచించాము. కానీ అల్లు అర్జున్ థియేటర్ లోపలికి వెళ్లి 2 గంటల పాటు ఉన్నారు. ఘటన జరిగి తొమ్మిది రోజులు అవుతున్న బాబు ఇంకా హాస్పిటల్ లో చికిత్స పొందుతూనే ఉన్నాడు.

అరెస్టు చేసిన విధానం పైన క్లారిటీ ఇచ్చిన పోలీసులు

పోలీసులు ఎక్కడ అల్లు అర్జున్ తో దురుసుగా ప్రవర్తించలేదు. పోలీసు తన ఇంటికి వెళ్ళినప్పుడు బట్టలు మార్చుకునేందుకు సమయం కావాలని కోరాడు. ఆయన బెడ్ రూమ్ లో ఉన్నప్పుడు పోలీసులు బయటే వైట్ చేశారు. ఆయన బయటికి వచ్చినప్పుడే పోలీసులు అనని అదుపులోకి తీసుకున్నారు. అతని కుటుంబ సభ్యులతో మాట్లాడేందుకు తగిన సమయం కూడా ఇచ్చాము. తనంతట తానుగా వచ్చి పోలీసు వాహనం ఎక్కాడు.

అల్లు అర్జున్ అరెస్ట్‌పై బీజేపీ ఎంపీ, సినీ నటుడు రవి కిషన్ స్పందన

అల్లు అర్జున్ అంతర్జాతీయ కళాకారుడు. ఆయన పట్ల ఈ రకమైన ప్రవర్తన ఊహించలేనిది. అతను పెద్దమనిషి, పెద్ద పన్ను చెల్లింపుదారుడు కూడా. బట్టలు కూడా వేసుకోనివ్వకుండా పిల్లలు, తల్లిదండ్రుల ముందే తీసుకెళ్లారు. వ్యక్తిగత ద్వేషంతోనే ఆయనపై ఈ పని చేసినట్లు తెలుస్తోంది. దీనికి తెలంగాణ కాంగ్రెస్ ప్రభుత్వం, ముఖ్యమంత్రి రేవంత్ రెడ్డి సమాధానం చెప్పాలి. ఓ అంతర్జాతీయ కళాకారుడి పట్ల పోలీసులు ఈ విధంగా ఎలా ప్రవర్తించారనే దానిపై విచారణ జరగాలి అని రవి కిషన్ అన్నారు.

అల్లు అర్జున్ అరెస్ట్ పై బీజేపీ ఏపీ అధ్యక్షురాలు పురంధేశ్వరి

పుష్ప-2 సినిమా పట్ల ప్రజల్లో విపరీతమైన క్రేజ్ ఏర్పడింది. అది తొక్కిసలాటకు దారితీసి ఒక మహిళ చనిపోయింది. ఇది చాలా దురదృష్టకరమైన ఘటన. జరకుండా ఉండాల్సింది. అరెస్టు వార్త ఇప్పుడే తెలిసింది. బెయిల్ కూడా వచ్చిందని తెలిసింది. చట్టప్రకారం ఏం జరగాలో అది జరుగుతుందని నేను అనుకుంటున్నాను. ఇందులో రాజకీయ కుట్ర ఉందని నేను అనుకోవడం లేదు

జైల్ అధికారులకు అందిన అల్లు అర్జున్ బెల్ ఆర్డర్ కాపీ.

ఆన్లైన్లో అప్లోడ్ చేసిన తరువాత, ఫిసికల్ కాపీని జైలు అధికారులకు అందించిన అల్లు అర్జున్ తరఫున లాయర్లు. ఆర్డర్ కాపీ అందిన తరువాత సాధారణంగా గంటా గంటన్నర ప్రొసీజర్ టైం. స్పెషల్ రిక్వెస్ట్ మేరకు వీలైనంత తొందరగా ప్రక్రియను పూర్తి చేస్తున్న అధికారులు.

సినీ హీరో అల్లు అర్జున్ అరెస్టుపై స్పందించిన మాజీ మంత్రి ఎర్రబెల్లి దయాకర్ రావు

రేవంత్ రెడ్డి అసమర్ధ పాలన , ప్రభుత్వ అసమర్థత ,పోలీసుల వైఫల్యం వల్లనే తొక్కిసలాట లో నిండు ప్రాణం పోయింది. ఇది ముమ్మాటికీ రేవంత్ రెడ్డి కక్ష్య సాధింపు చర్య దీనికి తగిన మూల్యం రేవంత్ రెడ్డి చెల్లించుకోక తప్పదు. ప్రభుత్వం వైఫల్యం వల్లనే ఒక నిండు ప్రాణం పోయింది కాబట్టి బేషరతుగా కేసు వాపాస్ తీసుకొని అల్లు అర్జున్ గారికి క్షమాపణలు చెప్పవలసిందిగా వారు డిమాండ్ చేశారు.

అల్లు అర్జున్ పై సీఎం రేవంత్ రెడ్డి కామెంట్స్

తాజాగా ఓ నేషనల్ మీడియాకు ఇచ్చిన ఇంటర్వ్యూలో తెలంగాణ ముఖ్యమంత్రి రేవంత్ రెడ్డి మాట్లాడుతూ.. అల్లు అర్జున్ థియేటర్ కు వచ్చి సినిమా చూసి వెళ్లిపోలేదు. అతను కారు సన్‌రూఫ్ నుంచి బయటకు వచ్చి, అభిమానులను ఉత్సాహపరుస్తూ, అభివాదం చేశాడు. దీంతో పరిస్థితి అదుపు తప్పింది. అల్లు అర్జున్ భార్య అల్లు స్నేహారెడ్డి తనకు బంధువు అయినప్పటికీ, అల్లు అర్జున్ ను అరెస్టు చేయాలనే నిర్ణయం తీసుకునే దానిలో ఎక్కడా కుటుంబాన్ని రానివ్వలేదని రేవంత్ పేర్కొన్నారు. సినిమావాళ్లు సరిహద్దుల్లో యుద్దాలు చేశారా.? విజయాలు తెచ్చారా.? డబ్బులు తీసుకొని సినిమాలు చేశారు. సంపాదించుకున్నారు అంతే.. ఎవ్వరు చేసిన తప్పు తప్పే.. చట్టం తనపని తాను చేసుకుపోతుంది అని రేవంత్ అన్నారు.

అల్లు అర్జున్‌కి మద్దతుగా వెల్లువెత్తుతున్న ట్వీట్లు

అల్లు అర్జున్‌ తరఫున నిలబడుతానన్న మెహర్‌ రమేష్‌, అరెస్టును ఖండిస్తున్నానన్న మెహర్‌. జరిగిన ఘటన దురదృష్టకరం.. కానీ దానికి ఒక్కరినే బాధ్యుడిని చేయడం బాధాకరం…. అల్లు అర్జున్‌ తో మేమున్నాం అంటున్న ఆది సాయికుమార్‌. తొక్కిసలాటకు ఒక్కర ఎలా బాధ్యులవుతారంటూ ప్రశ్నించిన సందీప్‌ కిషన్‌. లవ్‌ యూ అల్లు అర్జున్‌ అన్నా అంటూ ట్వీట్‌. ఘటన బాధాకరమే, కానీ ఒక్కడినే బాధ్యుడిని చేయడం బాలేదన్న గోపీచంద్‌ మలినేని. ప్రజా రక్షణ అందరి బాధ్యత.. మేం అల్లు అర్జున్‌ వైపున్నామంటున్న శ్రీవిష్ణు

అల్లు అర్జున్ అరెస్ట్ పై అడివి శేష్ స్పందన

సంధ్యా థియేటర్లో జరిగిన ఘటన ఏదైతే ఉందో అది నిజంగా దురదృష్టకరం, దారుణం.. ఒక తల్లి ఆరోజు ప్రాణాలు కోల్పోయింది.. కానీ ఈరోజు అల్లు అర్జున్ గారి పట్ల జరిగింది మాత్రం చాలా కఠినమైన చర్య.. ఒక దారుణమైన ఘటనతో ఇంకోటి ఫాలో అయింది అని అడివి శేష్ అన్నారు.

అల్లు అర్జున్ అరెస్టుపై స్పందించిన బొత్స సత్యనారాయణ

అల్లు అర్జున్ అరెస్టుపై  బొత్స సత్యనారాయణ స్పందించారు. అల్లు అర్జున్ వ్యవహారంలో ప్రభుత్వం సమన్వయం పాటించాలి..సందర్భాన్ని బట్టి ఆలోచించాలి.. తొక్కిసలాట ఘటన దురదృష్టకరం. ఘటనపై అల్లు అర్జున్ కూడా విచారం వ్యక్తం చేశారు. నేను వెనకేసుకు రావడం లేదు.. వాస్తవ పరిస్థితులు ఏంటి ఆలోచన చేయాలి.. తొందరపాటు చర్యలు తీసుకోరాదు . ఇందులో పోలీస్ వైఫల్యం ఎందుకు కాదు.. మీ ఇంటెల్ జెన్స్ ఏమైంది. వాస్తవ పరిస్థితిని పరిశీలించాలి.. ఈ విషయం లో తొందర పాటు నిర్ణయాలు తీసుకోరాదు అని అన్నారు బొత్స

అల్లు అర్జున్ అరెస్టును ఖండిస్తూ కేంద్రమంత్రి కిషన్ రెడ్డి ట్వీట్

ప్రముఖ సినీనటుడు అల్లు అర్జున్ అరెస్టు ప్రభుత్వ బాధ్యతారాహిత్యానికి నిదర్శనం. కార్యక్రమ నిర్వాహకులు సంబంధిత అధికారులకు ముందుగానే సమాచారం ఇచ్చినప్పటికీ.. అరెస్టు చేయడం ఉద్దేశపూర్వకమేనని అర్థమవుతోంది. కార్యక్రమ వేదిక వద్ద భద్రత కల్పించాల్సిన బాధ్యత పోలీసులది. కానీ అది చేయకుండా వ్యక్తిగతంగా టార్గెట్ చేయడం సరికాదు. రాష్ట్రంలో సినీ నటులను ఉద్దేశపూర్వకంగా టార్గెట్ చేస్తున్నారనేది మరోసారి నిరూపితమైంది. ఈ అరెస్టును, పాలకుల అధికార దుర్వినియోగాన్ని తీవ్రంగా ఖండిస్తున్నాను.

అల్లు అర్జున్ ఎమోషనల్..

పోలీసు వాహనంలో అల్లు అర్జున్ కన్నీళ్లు పెట్టుకున్నారు. అరెస్ట్ అవ్వడం, ఆపై బెయిల్ పై బయటకు రావడంతో అల్లు అర్జున్ ఎమోషనల్ అయ్యారు.

మధ్యంతర బెయిల్ మంజూరు చేసిన కోర్టు

అల్లు అర్జున్‌కు బిగ్ రిలీఫ్.. మధ్యంతర బెయిల్ మంజూరు చేసిన కోర్టు. వెంటనే విడుదల చేయాలని ఆదేశం

అల్లు అర్జున్ ఇంటికి చేరుకున్న దగ్గుపాటి రానా…

అల్లు అర్జున్ ఇంటికి ఒకొక్కరుగా సినీ సెలబ్రెటీలు చేరుకుంటున్నారు. తాజాగా అల్లు అర్జున్ ఇంటికి  చేరుకున్నారు దగ్గుపాటి రానా…

హైకోర్టులోనూ అల్లు అర్జున్‌కు బిగ్ షాక్.. చంచల్‌గూడ జైలుకు..

హైకోర్టులోనూ అల్లు అర్జున్‌కు బిగ్ షాక్.. చంచల్‌గూడ జైలుకు అల్లు అర్జున్ ను తరలిస్తున్న పోలీసులు

అల్లు అర్జున్ ఇంటి నుండి వెళ్లిన చిరంజీవి దంపతులు..

అల్లు అర్జున్ ఇంటి నుంచి చిరంజీవి దంపతులు వెళ్లిపోయారు. దాదాపు మూడు గంటల పాటు అల్లు అర్జున్ ఇంట్లో ఉన్నారు చిరంజీవి .. అల్లు అర్జున్ కుటుంబానికి ధైర్యం చెప్పి ఇప్పుడు అక్కడి నుంచి చిరంజీవి దంపతులు వెళ్లిపోయారు..

అల్లు అర్జున్ అరెస్ట్‌పై నటుడు బ్రహ్మాజీ ఆగ్రహం

దేశంలో ఎన్నో తొక్కిసలాటలు జరిగాయన్నారు బ్రహ్మాజీ. ఇంతవరకు ఎవరినైనా అరెస్ట్ చేశారా.? అని ప్రశ్నించారు. తొక్కిసలాట కేసులో అరెస్ట్ చేస్తే సగం మంది పొలిటీషియన్స్‌ జైల్లో ఉండేవారన్నారు బ్రహ్మాజీ.

ఏ 11 కి పోలీసులు అల్లు అర్జున్ పై కేసు నమోదు

అల్లు అర్జున్ కు 14 రోజులు రిమాండ్ విధించింది కోర్టు. చంచలగూడా జైలుకు అల్లు అర్జున్ ను తరలించనున్నారు పోలీసులు. ఏ 11 కి పోలీసులు అల్లు అర్జున్ పై కేసు నమోదు చేశారు.

బెయిల్ నిరాకరణ.. అల్లు అర్జున్ కు 14 రోజులు రిమాండ్.. చంచల్‌గూడ జైలు

అల్లు అర్జున్ కు 14 రోజులు రిమాండ్.. చంచల్‌గూడ జైలుకు అల్లు అర్జున్.

కోర్టు వెళ్లిన అల్లు అరవింద్, త్రివిక్రమ్

అల్లు అర్జున్ ను నాంపల్లి కోర్టులో పోలీసులు హాజరుపరిచారు. ఈ క్రమంలో కోర్టు దగ్గర పోలీసులు భారీ బందోబస్తును ఏర్పాటు చేశారు. కాగా ఇప్పటికే కోర్టుకు అల్లు అరవింద్, త్రివిక్రమ్  చేరుకున్నారని తెలుస్తుంది.

అల్లు అర్జున్ అరెస్టు చేసిన తీరును తీవ్రంగా ఖండిస్తున్న…: కౌశిక్ రెడ్డి

అల్లు అర్జున్ అరెస్టు చేసిన తీరును తీవ్రంగా ఖండిస్తున్న. అల్లు అర్జున్ ఫ్యాన్ ఇండియా స్టార్.. ఆయన్ను బెడ్ రూమ్ వరకు వెళ్లి అరెస్ట్ చేయడం కరెక్ట్ కాదు. అల్లు అర్జున్ అరెస్టు చేయాల్సిన అవసరం ఏముంది..?పుష్ప సినిమా విడుదల రోజు క్రౌడ్ విపరీతంగా ఉంటుందని ప్రభుత్వానికి తెలియదా.? రేవంత్ రెడ్డి చేసే ఇలాంటి పనులు తెలంగాణ రాష్ట్రానికే చెడ్డ పేరు తెస్తున్నాయని కౌశిక్ రెడ్డి అన్నారు.

అల్లు అర్జున్ అరెస్ట్ పై రియాక్ట్ అయిన బాలీవుడ్ హీరో వరుణ్ ధావన్

అల్లు అర్జున్ అరెస్ట్ పై బాలీవుడ్ హీరో వరుణ్ ధావన్ రియాక్ట్ అయ్యాడు. జైపూర్‌లో జరిగిన ఈవెంట్‌లో మాట్లాడాడు వరుణ్‌. యాక్టర్‌ ఒక్కరే అన్ని విషయాలు చూసుకోలేరు. జరిగిన ఘటన చాలా దురదృష్టకరం. కానీ ఈ ఘటనకు ఒక్కళ్లనే బాధ్యులను చేయటం సరికాదు

#VarunDhawan Reacts to #AlluArjun‘s Arrest :

“Actors cannot take everything upon themselves, they can only advise those around them to take care. My condolences to them, but it is unfair to place everything on one person.” pic.twitter.com/pFKXMGlWvn

— Gulte (@GulteOfficial) December 13, 2024

జాతీయ అవార్డు విజేత అల్లు అర్జున్ అరెస్టును తీవ్రంగా ఖండిస్తున్నాం: హరీష్ రావు

అసలు బెన్ఫిట్ షోలకు అనుమతి ఇచ్చింది ఎవరు..? , ముందస్తు జాగ్రత్తలు తీసుకోకుండా సినిమా ప్రదర్శించింది ఎవరు?, సినిమా కోసం వెళ్లి తొక్కిసలాట జరిగి రేవతి అనే మహిళ ప్రాణాలు కోల్పోవడం అత్యంత బాధాకరం. దీనికి అసలు కారకులు, రాష్ట్ర పాలకులే. చర్యలు తీసుకోవలసింది ముమ్మాటికీ కాంగ్రెస్ ప్రభుత్వం పైనే.. జాతీయ అవార్డు విజేత అల్లు అర్జున్ అరెస్టును తీవ్రంగా ఖండిస్తున్నాం అన్నారు హరీష్ రావు

మేజిస్ట్రేట్ ముందు అల్లు అర్జున్

మేజిస్ట్రేట్ ముందు అల్లు అర్జున్ ను హాజరుపరిచిన పోలీసులు. జడ్జ్ కు కేసు వివరాలను తెలుపుతున్నారు పోలీసులు.

నాంపల్లి కోర్టుకు చేరుకున్న అల్లు అర్జున్.

నాంపల్లి కోర్టుకు చేరుకున్న అల్లు అర్జున్. 14 రోజులు రిమాండ్ కోరేందుకు పోలీసులు సిద్ధంగా ఉన్నారని తెలుస్తుంది.

అల్లు అర్జున్ అరెస్ట్‌ను ఖండించిన కేఏ పాల్

చంద్రబాబు నాయుడు కందుకూరు వెళ్ళినపుడు తొక్కిసలాటలో 8 మంది, గుంటూరులో ముగ్గురు, పుష్కరాల్లో 23 మంది చనిపోయారు. మరి చంద్రబాబు నాయుడును అరెస్ట్ చేశారా? రాజకీయ నాయకులకు ఒక న్యాయం.. నటులకు, సామాన్య ప్రజలకు ఒక న్యాయమా? – కేఏ పాల్

అల్లుఅర్జున్‌కు ముగిసిన వైద్య పరీక్షలు

గాంధీ ఆసుపత్రిలో అల్లుఅర్జున్‌కు ముగిసిన వైద్య పరీక్షలు. నాంపల్లి కోర్డుకు అల్లు అర్జున్‌ తరలింపు.

అల్లు అర్జున్ అరెస్ట్ దుర్మార్గమైన చర్య, అగౌరవకరం: బండి సంజయ్

జాతీయ అవార్డు గ్రహీత, ప్రముఖ నటుడు అల్లు అర్జున్ ను కనీసం బట్టలు మార్చుకోవడానికి కూడా సమయం ఇవ్వకుండా నేరుగా బెడ్ రూం నుండి తీసుకెళ్లడం దుర్మార్గమైన చర్య, అగౌరవకరం.సంధ్య థియేటర్ వద్ద జరిగిన తొక్కిసలాటలో ఓ మహిళ దుర్మరణం చెందడం చాలా దురదృష్టకరం, అయితే భారీ జనసందోహాన్ని అదుపు చేయడంలో విఫలమైన కాంగ్రెస్ ప్రభుత్వ వైఫల్యాన్ని ఇది ఎత్తిచూపుతోందని బండి సంజయ్ అన్నారు.

అల్లు అర్జున్ అరెస్ట్ పై స్పందించిన సీఎం రేవంత్ రెడ్డి

అల్లు అర్జున్ విషయంలో చట్టం తన పని తాను చేసుకుపోతుంది. ఇందులో నా జోక్యం ఏమీ ఉండదు అని సీఎం రేవంత్ రెడ్డి అన్నారు.

ఆసక్తికరంగా మారిన సంధ్య థియేటర్ లేఖ

ఆసక్తికరంగా మారిన సంధ్య థియేటర్ లేఖ, ముందుగానే సీపీకి సెక్యూరిటీ  కోరాం అని లేఖలో పేరుకున్న సంధ్య థియేటర్.

అల్లు అర్జున్ ఇంటికి చేరుకున్న మెగాస్టార్

అల్లు అర్జున్ ఇంటికి చేరుకున్న మెగాస్టార్ చిరంజీవి ఆయన సతీమణి సురేఖ

గాంధీ ఆసుపత్రిలో దగ్గర భారీ బందోబస్త్

గాంధీ ఆసుపత్రిలో దగ్గర భారీగా పోలీసులను మోహరించారు. ఆసుపత్రి చుట్టూ భారీగా చేరుకున్న అల్లు అర్జున్ అభిమానులు.

గాంధీ హాస్పటల్‌కు అల్లు అర్జున్

గాంధీ హాస్పటల్ కు అల్లు అర్జున్ ను తరలించిన పోలీసులు. కొద్దిసేపట్లో అల్లు అర్జున్ కు వైద్య పరీక్షలు నిర్వహించనున్న వైద్యులు

అల్లు అర్జున్ క్వాష్ పిటిషన్‌పై విచారణ 4 గంటలకు

హైకోర్టులో అల్లు అర్జున్‌ క్వాష్‌ పిటిషన్ వేశారు.  తనపై నమోదైన ఎఫ్‌ఐఆర్‌లు క్వాష్‌ చేయాలని పేర్కొన్నారు. సాయంత్రం 4 గంటలకు విచారిస్తామని కోర్టు తెలిపింది.  అరెస్ట్ చేసిన విధానంపై కూడా వాదనలు వింటామని వెల్లడించింది.

అల్లు అర్జున్‌ను అరెస్ట్ చేసింది ఈ కేసులోనే.. FIR కాపీ

అల్లు అర్జున్‌ను రిమాండ్‌కు తరలించే ఏర్పాట్లు చేస్తున్నారు చిక్కడపల్లి పోలీసులు. మధ్యాహ్నం 2:30 గంటలకు వైద్య పరీక్షల కోసం ఉస్మానియా హాస్పిటల్‌కు అల్లు అర్జున్‌ను తరలించనున్న పోలీసులు.

అల్లు అర్జున్‌ను అరెస్ట్‌ చేశాం: సీపీ

అల్లు అర్జున్‌ను అరెస్ట్‌ చేశామని సీపీ సీవీ ఆనంద్‌ తెలిపారు. సంధ్య థియేటర్‌ తొక్కిసలాట కేసులో ఆయనను అదుపులోకి తీసుకున్నామని తెలిపారు.

కాసేపట్లో అల్లు అర్జున్‌ క్వాష్‌ పిటిషన్‌పై విచారణ..

కాసేపట్లో అల్లు అర్జున్‌ క్వాష్‌ పిటిషన్‌పై విచారణ.. సోమవారం వరకు అరెస్ట్ చేయకుండా ఆర్డర్‌ ఇవ్వాలని లంచ్‌ మోషన్‌ పిటిషన్‌ వేసిన అల్లు అర్జున్‌.. పిటిషన్‌పై మధ్యాహ్నం 2.30కి విచారిస్తామన్న హైకోర్టు

పోలీస్ స్టేషన్ కు చేరుకుంటున్న బన్నీ ఫ్యాన్స్..

అల్లు అర్జున్‏ను అరెస్ట్ చేయడంపై ఫ్యాన్స్ ఆగ్రహం వ్యక్తం చేస్తున్నారు. సంధ్య థియేటర్ తొక్కిసలట ఘటనలో బన్నీ నేరస్తుడు కాదంటూ ట్వీట్స్ చేస్తున్నారు. ఈ క్రమంలోనే చిక్కడపల్లి పోలీస్ స్టేషన్ కు చేరుకుంటున్నారు.

చిక్కడపల్లి పోలీస్ స్టేషన్ కు అల్లు అర్జున్ మామ..

చిక్కడపల్లి పోలీస్ స్టేషన్ కు అల్లు అర్జున్ మామ కె. చంద్రశేఖర్ రెడ్డి చిక్కడపల్లి పీఎస్ కు చేరుకున్నారు.

అల్లు అర్జున్‌ అరెస్ట్‌పై కేటీఆర్‌ రియాక్షన్

అల్లు అర్జున్ ను అరెస్ట్ చేయడం పాలకుల అభద్రతాభావానికి ఇది పరాకాష్ట అన్నారు కేటీఆర్. జరిగిన ఘటనకు నేరుగా బాధ్యుడు కాని అల్లు అర్జున్‌ను అరెస్ట్ చేయండి.. అలాగే సాధారణ నేరస్తుడిగా ట్రీట్‌ చేయడం సరికాదంటూ ట్వీట్ చేశారు. ప్రభుత్వ తీవ్రచర్యను ఖండిస్తున్నానని అన్నారు. హైడ్రా కూల్చివేతలతో ఇద్దరి చావుకు బాధ్యుడైన రేవంత్‌రెడ్డిని కూడా ఇదే లాజిక్‌తో అరెస్ట్‌ చేయాలని అన్నారు కేటీఆర్‌.

బన్నీ అరెస్ట్ సమయంలో స్నేహ భావోద్వేగం..

అల్లు అర్జున్‏ను అరెస్ట్ చేస్తున్న సమయంలో ఆయన భార్య స్నేహారెడ్డి భావోద్వేగానికి గురయ్యారు. ఆకస్మాత్తుగా పోలీసులు ఇంటికి రావడంతో టెన్షన్ పడిన స్నేహాకు భుజం తట్టి ధైర్యం చెప్పారు బన్నీ. అల్లు అర్జున్ ను స్టేషన్‌కి తీసుకెళ్లేప్పుడు కన్నీరుపెట్టుకున్నారు స్నేహారెడ్డి.

గాంధీ ఆసుపత్రికి అల్లు అర్జున్..

అల్లు అర్జున్‌‏ను చిక్కడపల్లి PS నుంచి గాంధీ ఆసుపత్రికి తరలించనున్నారు పోలీసులు. ఉస్మానియాలో వైద్య పరీక్షల తర్వాత బన్నీని నాంపల్లి కోర్టుకు తరలించనున్నారు. ఇప్పటికే అల్లు అర్జున్‌ రిమాండ్‌ రిపోర్ట్‌ రెడీ చేస్తున్నారు. ప్రస్తుతం బన్నీ స్టేట్‌మెంట్‌ రికార్డు చేస్తున్నారు పోలీసులు.

నాలుగు సెక్షన్స్ కింద కేసు నమోదు..

అల్లు అర్జున్‌పై నాలుగు సెక్షన్ల కింద కేసు నమోదైంది. 105, 118(1), రెడ్‌ విత్‌ 3/5 BNS సెక్షన్ల కింద కేసు నమోదు అయ్యాయి. 105 సెక్షన్‌ నాన్‌బెయిలబుల్ కేసు నమోదు అయింది.

అల్లు అర్జున్ అరెస్ట్ ఇలా జరిగింది..

• 11.45AM – అల్లు అర్జున్‌ ఇంటికెళ్లిన పోలీసులు
• 12PM – అరెస్ట్‌ చేస్తున్నామని అల్లుఅర్జున్‌కి చెప్పిన పోలీసులు
• 12:10PM – బెడ్రూమ్‌లోకి వచ్చేస్తారా అంటూ నిలదీసిన అల్లుఅర్జున్‌
• 12:15PM – అల్లు అర్జున్‌ అరెస్టు
• 12:20PM – జూబ్లీహిల్స్‌ నివాసం నుంచి తరలింపు
• 1PM – చిక్కడపల్లి పీఎస్‌కు అల్లు అర్జున్‌ తరలింపు
• 1:15PM – రిమాండ్‌ రిపోర్ట్ రెడీ చేస్తున్న పోలీసులు

పోలీసుల అదుపులో అల్లు అర్జున్

సంధ్య థియేటర్ తొక్కిసలట ఘటనలో అల్లు అర్జున్ ను అదుపులోకి తీసుకున్నారు చిక్కడపల్లి పోలీసులు. అనంతరం బన్నీని ఉస్మానియా ఆసుపత్రికి తరలించి వైద్య పరీక్షలు నిర్వహించారు.