Allu Arjun: అల్లు అర్జున్ అరెస్ట్ పై అభిమానుల ఆగ్రహం.. పోలీస్ స్టేషన్‏కు చేరుకుంటున్న ఫ్యాన్స్..

అల్లు అర్జున్ ను చిక్కడపల్లి పోలీసులు అరెస్ట్ చేయడంతో అభిమానులు షాకయ్యారు. సంధ్య థియేటర్ ఘటనలో తమ హీరోను అరెస్ట్ చేయడంతో భారీ సంఖ్యలో చిక్కడపల్లి పోలీస్ స్టేషన్‏కు చేరుకుంటున్నారు. ప్రజాస్వామ్యం ప్రమాదంలో ఉందని..

Allu Arjun Fans

Rajitha Chanti |
Updated on: Dec 13, 2024 | 1:35 PM

అల్లు అర్జున్ ను చిక్కడపల్లి పోలీసులు అరెస్ట్ చేయడంతో అభిమానులు షాకయ్యారు. సంధ్య థియేటర్ ఘటనలో తమ హీరోను అరెస్ట్ చేయడంతో భారీ సంఖ్యలో చిక్కడపల్లి పోలీస్ స్టేషన్‏కు చేరుకుంటున్నారు. ప్రజాస్వామ్యం ప్రమాదంలో ఉందని.. అక్కడ క్రౌడ్ కంట్రోల్ చేయకపోవడం అల్లు అర్జున్ తప్పు కాదని.. ఈ ఘటనలో తమ హీరోను ఎలా అరెస్ట్ చేస్తారంటూ సోషల్ మీడియా వేదికగా పోస్టులు చేస్తున్నారు. మరోవైపు బన్నీని రిమాండ్ కు తరలించేందుకు రిమాండ్ రిపోర్ట్ రెడీ చేస్తున్నారు పోలీసులు. ఇప్పటికే అల్లు అర్జున్ స్టేట్మెంట్ రికార్డ్ చేస్తున్నారు.

ఈనెల 4న సంధ్య థియేటర్ వద్ద పుష్ప-2 ప్రీమియర్ షో సందర్భంగా అల్లు అర్జున్ అక్కడికి వెళ్లారు. ఆ సమయంలో అభిమానులు ఒక్కసారిగా ఎగబడ్డారు. దాంతో అక్కడ జరిగిన తొక్కిసలాటలో రేవతి మహిళ మృతి చెందగా.. ఆమె కొడుకు ఆసుపత్రి పాలయ్యాడు. ఈ ఘటనపై అల్లు అర్జున్ పై, సినిమా యూనిట్ పై, థియేటర్ యాజమాన్యంపై చిక్కడపల్లి పోలీసులు కేసు నమోదు చేశారు. తమకు ఎలాంటి సమాచారం ఇవ్వలేదని అలాగే సెక్యూరిటీని ఏర్పాటు చేయలేదని పోలీసులు తెలిపారు. కాగా ఈ కేసులో ఇప్పటికే ముగ్గురిని పోలీసులు అరెస్ట్ చేశారు.