Sumanth’s Malli Modalaindi: ఓటీటీకే ఓటేసిన అక్కినేని హీరో.. డైరెక్ట్ డిజిటల్ రిలీజ్‌కు రెడీ అయిన ‘మళ్లీ మొదలైంది’.

Sumanth: అక్కినేని హీరో సుమంత్ స్లో అండ్ స్టడీగా సినిమాలు చేస్తూ ఆకట్టుకుంటున్నారు. మళ్ళీ రావా సినిమాతో మంచి విజయాన్ని అందుకున్న సుమంత్ మళ్లీ అలాంటి హిట్ కోసం ఎదురుచూస్తున్నారు. ఈ క్రమంలోనే ఇటీవల మళ్లీ మొదలైంది అనే సినిమా చేస్తున్నారు. ఈ సినిమా త్వరలోనే ప్రేక్షకుల ముందుకు రానుంది. టీజీ కీర్తి కుమార్ దర్శకత్వంలో తెరకెక్కుతున్న ఈ సినిమాలో నైనా గంగూలీ హీరోయిన్‌గా నటిస్తోంది. అలాగే మరో ముఖ్య పాత్రలో యాంకర్ వర్షిణి నటించింది. ఈ సినిమా విడాకుల తర్వాత ఓ మగాడి జీవితం ఎలా ఉంటుందన్న కాన్సెప్ట్‌తో తెరకెక్కింది. ఇప్పటికే విడుదలైన ఈ సినిమా ఫస్ట్ లుక్ పోస్టర్స్, టీజర్, ట్రైలర్ ప్రేక్షకులను ఆకట్టుకున్నాయి. రెడ్ సినిమాస్ బ్యానర్ పై రాజశేఖర్ రెడ్డి ఈ మూవీని నిర్మించారు. థియేటర్ లో రిలీజ్ చేయాలనుకున్న నిర్మాత ప్రస్తుత పరిస్థితుల నేపథ్యంలో ఈ మూవీని ఓటీటీలో రిలీజ్ చేయాలని చూస్తున్నారని తెలుస్తుంది.

ప్రస్తుతం ఉన్న కరోనా పరిస్థితుల్లో చాలా మంది థియేటర్స్ కు నో చెప్పి ఓటీటీకి ఓకే చెప్తున్నారు. ఈ క్రమంలోనే మళ్లీ మొదలైంది సినిమా కూడా ఓటీటీ లో విడుదల కానుందని తెలుస్తుంది. ఈ సినిమా ఓటీటీ రైట్స్ ను ప్రముఖ ఓటీటీ సంస్థ దక్కించుకుందని తెలుస్తుంది. వచ్చే నెలలో ఈ సినిమా స్ట్రీమింగ్ అవ్వనుంది. న్యూ ఏజ్ రొమాంటిక్ కామెడీ అండ్ ఫ్యామిలీ ఎంటర్టైనర్ రూపొందుతున్నఈ సినిమా ప్రేక్షకులను ఆకట్టుకుంటుందని చిత్రయూనిట్ ధీమా వ్యక్తం చేస్తున్నారు.  ఈ చిత్రంలోని ఇతర ప్రధాన పాత్రల్లో సుహాసిని పోసాని కృష్ణ మురళి, మంజుల, వర్షిణి సౌందర్ రాజన్ అన్నపూర్ణమ్మ, వెన్నెల కిషోర్, పృథ్విరాజ్ నటించారు. మరి ఈ సినిమా సుమంత్ కు మరో హిట్ అందిస్తుందేమో చూడాలి.

మరిన్ని ఇక్కడ చదవండి :

Pushpa Srivalli Dance: శ్రీవల్లి పాటకు స్టెప్పులేసి టీమిండియా క్రికెటర్లు.. అదరగొట్టేశారుగా.!

Anasuya Bharadwaj: అనసూయ తమిళ్ మూవీ నయా పోస్టర్ చూశారా.. ఆకట్టుకుంటోన్న అందాల భామ..

Dil Raju : సోదరుడి కుమారుడు రెండో సినిమా కోసం సుకుమార్‌ను రంగంలోకి దింపిన దిల్ రాజు..