Akkineni Nagarjuna: మరోసారి తనయుడితో కలిసి నటించనున్న నాగార్జున.. కానీ
అక్కినేని నాగార్జున ఇటీవలే బంగార్రాజు సినిమాతో మంచి హిట్ అందుకున్న విషయం తెలిసిందే. ఇక ఇప్పుడు ది గోస్ట్ సినిమాతో ప్రేక్షకుల ముందుకు రావడానికి రెడీ అవుతున్నారు
Updated on: Aug 16, 2022 | 4:18 PM
అక్కినేని నాగార్జున(Akkineni Nagarjuna)ఇటీవలే బంగార్రాజు సినిమాతో మంచి హిట్ అందుకున్న విషయం తెలిసిందే. ఇక ఇప్పుడు ది గోస్ట్ సినిమాతో ప్రేక్షకుల ముందుకు రావడానికి రెడీ అవుతున్నారు. ప్రవీణ్ సత్తార్ దర్శకత్వం వహిస్తోన్న ఈ సినిమా విభిన్న కథతో తెరకెక్కుతోందనని తెలుస్తోంది. ఇప్పటికే విడుదల చేసిన ఈ సినిమా పోస్టర్లు ప్రేక్షకుల్లో ఆసక్తిని పెంచాయి శరవేగంగా షూటింగ్ జరుపుకుంటోన్న ఈ సినిమానుంచి త్వరలోనే అప్డేట్ ఇవ్వనున్నారు మేకర్స్ .. అయితే నాగార్జున మరోసారి తన తనయుడితో కలిసి నటించనున్నారని తెలుస్తోంది. గతంలో నాగార్జున నాగచైతన్యతో కలిసి మనం, బంగార్రాజు సినిమాల్లో నటించిన విషయం తెలిసిందే . అయితే ఇప్పుడు చైతూతో కాదట నాగ్ నటించేది. ఈసారి నాగరాజును అఖిల్ తో కలిసి నటించనున్నారని తెలుస్తోంది.
నాగార్జున , అఖిల్ కాంబినేషన్ లో త్వరలోనే సినిమా రానున్నదని టాక్ వినిపిస్తోంది. గోస్ట్ సినిమా తర్వాత నాగార్జున మోహన్ రాజా దర్శకత్వంలో సినిమా చేయనున్నారని టాక్. ప్రస్తుతం మెగాస్టార్ తో గాడ్ ఫాదర్ సినిమా తెరకెక్కిస్తోన్న మోహన్ రాజా.. నాగార్జున కోసం ఓ అదిరిపోయే కథను సిద్ధం చేశారట. ఈ సినిమాలో నాగ్ తో పాటు అఖిల్ కూడా నటించనున్నారని తెలుస్తోంది. అఖిల్ ప్రస్తుతం ఏజెంట్ సినిమాలో నటిస్తున్నాడు. సురేందర్ రెడ్డి దర్శకత్వంలో తెరకెక్కుతోన్న ఈ సినిమా ప్రస్తుతం షూటింగ్ దశలో ఉంది.. వచ్చే నెలలో ఈ మూవీని విడుదల చేయాలని మేకర్స్ సన్నాహాలు చేస్తున్నారు. ఇక ఇప్పుడు నాగ్ , అఖిల్ కలిసి నటించనున్నారన్న వార్త అక్కినేని అభిమానుల్లో సంతోషాన్ని నింపింది. మరి ఈ వార్తలో వాస్తవమెంత అన్నది తెలిసిల్సి ఉంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
