Akhil Akkineni: శ్రీను వైట్ల డైరెక్షన్ లో అక్కినేని యంగ్ హీరో సినిమా.. మరి ఈసారైనా హిట్ పడేనా..

అక్కినేని యంగ్ హీరో అఖిల్ చాలా కాలంగా సరైన హిట్ కోసం ఎదురుచూస్తున్నాడు. ఇప్పటివరకు చేసిన సినిమాలు ఆశించిన స్థాయిలో విజయాలను సాధించలేక పోయాయి. మొదటి సినిమానే యాక్షన్ డైరెక్టర్ వివి వినాయక్ డైరెక్షన్ లో చేసాడు అఖిల్.

Akhil

Updated on: Jul 01, 2021 | 8:41 AM

Akhil Akkineni: అక్కినేని యంగ్ హీరో అఖిల్ చాలా కాలంగా సరైన హిట్ కోసం ఎదురుచూస్తున్నాడు. ఇప్పటివరకు చేసిన సినిమాలు ఆశించిన స్థాయిలో విజయాలను సాధించలేక పోయాయి. మొదటి సినిమానే యాక్షన్ డైరెక్టర్ వివి వినాయక్ డైరెక్షన్ లో చేసాడు అఖిల్. ఈ సినిమా ప్రేక్షకులను నిరాశపరిచింది. అలాగే ఈసినిమా తర్వాత విక్రమ్ కుమార్ డైరెక్షన్లో ‘హలో’ అనే సినిమా చేసాడు. ఈ సినిమా కూడా బాక్సాఫీస్ దగ్గర బోల్తా కొట్టింది. ఆతర్వాత ఎన్నో ఆశలు పెట్టుకున్న ‘మిస్టర్ మజ్ను’ సినిమా కూడా ఫట్ మంది. వెంకీ అట్లూరి దర్శకత్వం వహించిన ఈ సినిమా పై అఖిల్ తోపాటు అక్కినేని అభిమానులు కూడా ఆశలు పెట్టుకున్నారు. కానీ వారి అంచనాలను సినిమా అందుకోలేక పోయింది. ఇక ఇప్పడు అఖిల్ స్పీడ్ పెంచాడు. వరుస గా రెండు సినిమాలను లైన్ లో పెట్టాడు. బొమ్మరిల్లు భాస్కర్ దర్శకత్వంలో ‘మోస్ట్ ఎలిజిబుల్ బ్యాచిలర్’ సినిమా చేస్తున్నాడు అఖిల్. ఈ సినిమా షూటింగ్ కంప్లీట్ చేసుకొని రిలీజ్ కు రెడీ అవుతుంది. ఈ సినిమాలో అఖిలుల్ కు జోడీగా బుట్టబొమ్మ పూజ హెగ్డే నటిస్తుంది. అలాగే సురేందర్ రెడ్డి దర్శకత్వంలో ఓ సినిమా చేస్తున్నాడు అఖిల్. ‘ఏజెంట్’ అనే ఇంటరెస్టింగ్ టైటిల్ తో ఈ సినిమా తెరకెక్కుతుంది. ఈ సినిమా కంప్లీట్ యాక్షన్ ఎంటర్టైనర్ గా తెరకెక్కుతోందని తెలుస్తుంది.

ఇదిలా ఉంటే ఇప్పుడు అఖిల్ మరో సినిమా చేయడానికి సిద్ధంగా ఉన్నాడని తెలుస్తుంది. ఒకప్పుడు సూపర్ హిట్లతో దూసుకుపోయిన శ్రీను వైట్ల దర్శకత్వంలో అఖిల్ సినిమా చేస్తున్నాడని వార్తలు వినిపిస్తున్నాయి. మైత్రీ మూవీ మేకర్స్ ఈ సినిమాను నిర్మించనున్నారని తెలుస్తుంది. శ్రీను వైట్ల చెప్పిన కథ మైత్రీవారికి నచ్చిందని , త్వరలోనే అఖిల్ కు కథను వినిపించనున్నారని అంటున్నారు. మైత్రీ మేకర్స్ ఆల్రెడీ అఖిల్ కి అడ్వాన్స్ ఇచ్చి ఉన్నారనీ .. ఈ ప్రాజెక్టు ఆయన చేసే అవకాశాలు ఉన్నాయని అంటున్నారు. మరో వైపు శ్రీను వైట్ల మంచు విష్ణు తో ‘ఢీ’ సీక్వెల్ చేస్తున్నాడు.

మరిన్ని ఇక్కడ చదవండి: