Pushpa 2: రామ్ చరణ్, అల్లు అర్జున్లతో కాదు.. పుష్ప 2 తర్వాత డైరెక్టర్ సుకుమార్ ప్రాజెక్టు ఇదే!
‘పుష్ప 2’ సినిమా విజయంతో ఫుల్ ఖుషీలో ఉన్న సుకుమార్ తన తర్వాతి ప్రాజెక్టు గ్లోబర్ స్టార్ రామ్ చరణ్ (ఆర్సీ 17 వర్కింగ్ టైటిల్ ) తో చేయాల్సి ఉంది. అలాగే పుష్ప 3 కూడా ఉంటుందని ఇప్పటకే అనౌన్స్ చేశారు. అయితే వీటికి ముందే సుకుమార్ ఓ క్రేజీ ప్రాజెక్టను తెరకెక్కించనున్నారని తెలుస్తోంది.
Updated on: Dec 11, 2024 | 3:59 PM
టాలీవుడ్ ఐకాన్ స్టార్ అల్లు అర్జున్ నటించిన ‘పుష్ప 2′ గత వారం విడుదలై భారీ విజయాన్ని అందుకుంది. ఇప్పుడీ సినిమా బాక్సాఫీస్ వద్ద రికార్డు స్థాయిలో వసూళ్లు రాబడుతోంది. ఇప్పటికే ఈ సినిమా వసూళ్లు వెయ్యి కోట్లకు చేరువలో ఉన్నాయి. కాగా ‘పుష్ప2 ’ సినిమాతో మరో బ్లాక్ బస్టర్ ఖాతాలో వేసుకున్నాడు డైరెక్టర్ సుకుమార్. ఇప్పుడు సినిమా ఇండస్ట్రీలో రాజమౌళి తో సమానంగా సుకుమార్ కు క్రేజ్ ఉంది. ‘ఆర్య’, 100% లవ్’, ‘ఆర్య 2’, వన్.. నేనొక్కడినే, ‘రంగస్థలం’ వంటి ఎన్నో సూపర్ హిట్ సినిమాలు సుకుమార్ ఖాతాలో ఉన్నాయి. ఇక ‘పుష్ప’, ‘పుష్ప 2’ చిత్రాలతో బాక్సాఫీస్ లెక్కలు కూడా సరిచేశాడీ లెక్కల మాస్టార్. కాగా పుష్ప 2 తర్వాత సుకుమార్ ఆశ్చర్యకరంగా కమర్షియల్ సినిమా కాకుండా ఓ డాక్యుమెంటరీని తెరకెక్కిస్తారని ప్రచారం జరుగుతోంది. సుకుమార్ ఈ డాక్యుమెంటరీకి దర్శకత్వం వహించడానికి కారణం ఆయన తెరకెక్కించిన ‘పుష్ప’ సినిమానే. ఈ సినిమా కథ అల్లడానికి ఎర్రచందనంపై సుకుమార్ చాలా రీసెర్చ్ చేసాడు. ఎర్ర చందనం ఎక్కడ పెరుగుతుంది? దానిని ఎలా సేకరించాలి? ఎలా అక్రమంగా రవాణా చేస్తున్నారు? ఈ ఎర్రచందనమంతా ఎక్కడికి వెళుతుంది? ఎవరు కొనుగోలు చేస్తారు? ఏ ఉత్పత్తులను తయారు చేస్తారు విషయాలపై పూర్తిగా అవగాహన తెచ్చుకున్నాడు.
అయితే ‘పుష్ప’ సినిమాలో సుకుమార్ ఈ మొత్తం సమాచారాన్ని కథలో చేర్చలేకపోయాడు. అందుకే ఇప్పుడు ఎర్రచందనంపై డాక్యుమెంటరీ తీసేందుకు సుకుమార్ రెడీ అయ్యారని సమాచారం. ఓటీటీ దిగ్గజం నెట్ఫ్లిక్స్ కోసం సుకుమార్ ఈ డాక్యుమెంటరీని తెరకెక్కిస్తున్నారని సమాచారం. ఎర్ర చందనం స్మగ్లింగ్ చరిత్ర, వీటి వెనకనున్న కార్మికుల జీవితం తదితర అంశాలను ఈ డాక్యుమెంటరీ చూపించనున్నారట. వచ్చే ఏడాది ఏప్రిల్ నాటికి ఈ డాక్యుమెంటరీ విడుదలయ్యే అవకాశం ఉంది.
1000 కోట్లకు చేరువలో..
BIGGEST INDIAN FILM is the BIGGEST WILDFIRE AT THE BOX OFFICE 💥💥#Pushpa2TheRule becomes the FASTEST INDIAN FILM to cross 800 CRORES Gross worldwide with a 4 day collection of 829 CRORES ❤🔥
RULING IN CINEMAS.
Book your tickets now! 🎟️ https://t.co/eJusnmNS6Y#Pushpa2… pic.twitter.com/aGgoUrOy92
— Pushpa (@PushpaMovie) December 9, 2024
‘పుష్ప 2’ సినిమా విజయంతో ఫుల్ ఖుషీలో ఉన్న సుకుమార్ తన తర్వాతి ప్రాజెక్టు గ్లోబర్ స్టార్ రామ్ చరణ్ (ఆర్సీ 17) తో చేయాల్సి ఉంది. అయితే అంతకంటే ముందు ఎర్రచందనంపై ఓ డాక్యుమెంటరీకి తెరకెక్కించనున్నాడని సమాచారం. ‘పుష్ప 2’ తర్వాత విజయ్ దేవరకొండతో సినిమా చేస్తానని సుకుమార్ ప్రకటించాడు. అయితే ‘పుష్ప 3’ సినిమా అనౌన్స్ చేయడంతో అందులో విజయ్ కూడా నటించవచ్చని తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.
