Renu Desai: రేణు దేశాయ్‌కు గాయాలు.. వేళ్ళు బాగా చితికిపోయాయి అంటూ..

బద్రి సినిమాతో హీరోయిన్ గా పరిచయం అయ్యారు రేణు దేశాయ్.. పవర్ స్టార్ తో రిలేషన్ లో ఉన్న సమయంలో ఆమె సినిమాలకు దూరంగా ఉన్నారు ఆ తర్వాత పవన్ తో కలిసి జానీ సినిమాలో నటించారు. ఆ తర్వాత ఆమె సినిమాలకు పూర్తిగా దూరం అయ్యారు పవన్ ను పెళ్ళాడి ఇద్దరు పిల్లలకు జన్మానించారు. ఇక పవన్ తో విడిపోయిన తర్వాత ఆమె పిల్లలతో కలిసి ఉంటున్నారు. సింగిల్ పేరెంట్ గా తన పిల్లలను పెంచుతున్నారు రేణు దేశాయ్. ఇక తన కొడుకు అకీరానందన్ ను త్వరలోనే హీరోగా పరిచయం చేయనున్నారు రేణు. అలాగే ఆమె కూడా సినిమాలతో బిజీ కానున్నారు. ఇప్పటికే రేణు దేశాయ్ ఓ సినిమాలో కీలక పాత్రలో కనిపించనున్నారు.

మాస్ మహారాజ్ రవితేజ నటిస్తోన్న టైగర్ నాగేశ్వరరావు సినిమాలో రేణు దేశాయ్ కీలక పాత్రలో నటిస్తున్నారు. ఇప్పటికే ఈ సినిమానుంచి అధికారిక ప్రకటన కూడా వచ్చింది. చాలా కాలం తర్వాత రేణు సినిమాల్లో నటిస్తుండటంతో అందరిలోనూ ఆసక్తిగా ఎదురుచూస్తున్నారు.

ఇక రేణు దేశాయ్ సోషల్ మీడియాలో చాలా యాక్టివ్ గా ఉంటారు. నిత్యం తన పిల్లల ఫోటోలను షేర్ చేస్తూ అభిమానులను ఆకట్టుకుంటూఉంటారు. రీసెంట్ గా రేణు దేశాయ్ షేర్ చేసిన అకీరా నందన్ వర్కూట్స్ వీడియో సోషల్ మీడియాలో తెగ వైరల్ అయ్యాయి. తాజాగా మరో పోస్ట్ ను షేర్ చేశారు రేణు దేశాయ్. రెండు రోజుల క్రితం తన కాలికి తీవ్రమైన గాయం తగిలిందని తెలిపారు రేణు. దానివల్ల తన కాలి మూడు వేళ్ళు చాలా దెబ్బతిన్నాయని తెలిపారు. వాటిలో వేలు చాలా చితికిపోయింది అంటూ చెప్పుకొచ్చారు రేణు దేశాయ్. దాంతో జాగ్రత్తగా ఉండండి మేడం అటు కామెంట్స్ చేస్తున్నారు అభిమానులు.

View this post on Instagram

A post shared by renu desai (@renuudesai)