ఆయన సినిమాలో నటించడానికి చేయి కోసుకుంటాను.. టాలీవుడ్ హీరోయిన్ షాకింగ్ కామెంట్స్

చాలా మంది హీరోయిన్స్ సినిమాల్లోని పాత్రల కోసం ఎలాంటి రిస్క్ అయినా చేస్తారు. కొంతమంది డీ గ్లామర్ రోల్స్ లో నటిస్తున్నారు. అలాగే ఇంకొంతమంది బరువు పెరగడం, లేదా తగ్గడం, జుట్టు కట్ చేసుకోవడం కూడా చేస్తుంటారు. తాజాగా ఓ హీరోయిన్ తన నటనతో ఏకంగా జాతీయ అవార్డునే సొంతం చేసుకుంది.

Actress

Rajeev Rayala |
Updated on: Jan 28, 2025 | 8:23 PM

టాలీవుడ్ లో ఎంతో మంది టాలెంటెడ్ హీరోయిన్స్ ఉన్నారు. వారిలో పైన కనిపిస్తున్న నటి ఒకరు. ఆమె నటన అందం గురించి ఎంత చెప్పిన తక్కువే. ఎలాంటి పాత్ర అయినా కూడా ఇట్టే ఒదిగిపోయి తన నటనతో ప్రేక్షకులను కవ్విస్తుంది ఈ అమ్మడు.అంతే కాదు తన నటనతో జాతీయ అవార్డు కూడా సొంతం చేసుకుంది ఈ ముద్దుగుమ్మ. తెలుగు, తమిళ్ తో పాటు రీసెంట్ గా హిందీలోనూ నటించి ఆకట్టుకుంది. తాజాగా అమ్మడు చేసిన కామెంట్స్ ఇప్పుడు నెట్టింట వైరల్ గా మారాయి. ఆయన సినిమాలో నటించడానికి అవసరమైతే చెయ్యి కూడా కట్ చేసుకుంటా అని షాకింగ్ కామెంట్స్ చేసింది. ఇప్పుడు ఈ కామెంట్స్ సోషల్ మీడియాలో తెగ వైరల్ అవుతున్నాయి. ఇంతకూ ఆమె ఎవరు .? ఆయన ఎవరో చూద్దాం.!

పైన కనిపిస్తున్న టాలెంటడ్ బ్యూటీ ఎవరో కాదు తన నటనతో ఎంతో మంది అభిమానులను సొంతం చేసుకున్న నటి ప్రియమణి. తెలుగుతో పాటు తమిళ్ లోనూ ఎన్నో సూపర్ హిట్ సినిమాల్లో నటించి ఆకట్టుకుంది. ఇక తెలుగులో పెళ్ళైన కొత్తలో సినిమాతో ప్రేక్షకులకు దగ్గరయింది. పరుత్తి వీరన్ సినిమాకు జాతీయ ఉత్తమ నటిగా అవార్డు అందుకున్న ఘనత కూడా ఈ ముద్దుగుమ్మ సొంతం.

అటు వెండితెర, ఇటు బుల్లితెరపై దూసుకుపోతోన్న ప్రియమణి సోషల్ మీడియాలోనూ చాలా యాక్టివ్ గా ఉంటుంది. ఇక ప్రియమణి ప్రస్తుతం సినిమాలు, టీవీ షోలు, వెబ్ సిరీస్ లతో బిజీ బిజీగా ఉంటోంది. తెలుగు, తమిళ్ సినిమాలతో పాటు ఇటీవలే హిందీలోనూ సినిమాలు చేస్తోంది. రీసెంట్ గా షారుఖ్ ఖాన్ హీరోగా నటించిన జవాన్ సినిమాలో నటించింది. ఇక ఈ అమ్మడు తాజాగా చేసిన కామెంట్స్ ఇప్పుడు సోషల్ మీడియాలో వైరల్ అవుతున్నాయి. ప్రియమణి మాట్లాడుతూ.. దర్శకుడు మణిరత్నం అంటే తనకు చాలా ఇష్టం అని తెలిపింది. గతంలో మణిరత్నం దర్శకత్వంలో రావన్ సినిమాలో నటించింది ప్రియమణి. ఆ సినిమాలో విక్రమ్ సోదరి పాత్రలో నటించింది. తాజగా మణిరత్నం గురించి మాట్లాడుతూ.. ‘మణి సార్ నుండి ఫోన్ రాగానే నేను ఆయన సినిమాలో నటించడానికి చేయి కోసుకుంటా అన్నట్టు సిద్ధంగా ఉంటాను. ఆయన సినిమాలో నటించడమే గొప్ప అదృష్టం. ఆయన చేసిన సినిమాలు, ఆయనకు ఉన్న ఎక్స్‌పీరియన్స్ చూస్తే ఎలాగైనా ఆయన సినిమాలో నటించాలనే కోరిక పుడుతుంది. అది ఎలాంటి పాత్ర అయినా సరే ’’ అని చెప్పుకొచ్చింది ప్రియమణి.