Gurtunda Seethakalam: వాలెంటైన్స్ డే రోజున మరో స్పెషల్ అప్డేట్.. అందమైన ప్రేమకథ గుర్తుందా శీతాకాలం ట్రైలర్ రేపే..

టాలెంటెడ్ హీరో సత్యదేవ్ (Sathyadev).. మిల్కీ బ్యూటీ తమన్నా (Thamannah) జంటగా నటిస్తోన్న లేటేస్ట్ చిత్రం గుర్తుందా శీతాకాలం(Gurthunda Seethakalam).

Gurthunda Seethakalam

Rajitha Chanti |
Updated on: Feb 13, 2022 | 9:09 PM

టాలెంటెడ్ హీరో సత్యదేవ్ (Sathyadev).. మిల్కీ బ్యూటీ తమన్నా (Thamannah) జంటగా నటిస్తోన్న లేటేస్ట్ చిత్రం గుర్తుందా శీతాకాలం(Gurthunda Seethakalam). ఈ చిత్రానికి డైరెక్టర్ నాగ శేఖర్ దర్శకత్వం వహిస్తుండగా.. నాగ‌శేఖ‌ర్ మూవీస్ బ్యాన‌ర్, మణికంఠ ఎంటర్‌టైన్మెంట్స్, వేదాక్షర ఫిల్మ్స్ బ్యానర్స్‌పై భావ‌న‌ ర‌వి, నాగశేఖర్, రామారావు చింతపల్లి, ఎమ్ ఎస్ రెడ్డి, చిన‌బాబు సంయుక్తంగా నిర్మిస్తున్నారు. ఇప్పటికే షూటింగ్ పూర్తిచేసుకున్న ఈ సినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది. ఇప్పటికే ఈ సినిమా నుంచి విడులైనన పోస్టర్స్ సినిమాపై మరింత ఆసక్తిని క్రియేట్ చేశాయి. తాజాగా ఈ మూవీ నుంచి మరో ఇంట్రెస్టింగ్ అప్డేట్ ఇచ్చారు మేకర్స్.

వాలెంటైన్స్ డే సందర్భంగా రేపు (ఫిబ్రవరి 14న) ఈ సినిమా ట్రైలర్ విడుదల చేస్తున్నట్లు ప్రకటించింది చిత్రయూనిట్. ఈ మేరకు గుర్తుందా శీతాకాలం నుంచి ఇంట్రెస్టింగ్ పోస్టర్ విడుదల చేసింది. ఈ చిత్రాన్ని త్వరలోనే ప్రేక్షకుల ముందుకు తీసుకువచ్చేందుకు సన్నాహాలు చేస్తున్నారు మేకర్స్. ఈ మూవీలో మేఘా ఆకాష్, కావ్యశెట్టి తదితరులు ఈ సినిమాలో నటిస్తున్నారు. ఈ చిత్రానికి కీరవాణి తనయుడు కాలభైరవ సంగీతం అందిస్తున్నారు. ఈ సినిమా కన్నడ హిట్ మూవీ ‘లవ్ మాక్‌టైల్’కు రీమేక్‌గా ఈ చిత్రం తెరకెక్కుతోంది. ఇదిలా ఉంటే.. ప్రస్తుతం తమన్నా.. మెగాస్టార్ చిరంజీవి నటిస్తోన్న భోళా శంకర్ సినిమాలో నటిస్తోంది. అలాగే.. వెంకటేష్.. వరుణ్ తేజ్ కాంబోలో వస్తున్న ఎఫ్ 3 మూవీలో నటిస్తోంది.

Celebrate Valentine’s Day with the tantalizing trailer of #GurtundaSeetakalam ?? tomorrow @ActorSatyaDev @tamannaahspeaks @nagshekar @akash_megha @kaalabhairava7 @IAmKavyaShetty @nagshekarmov @SriVedaakshara @anandaudioTolly pic.twitter.com/xI66OLmZy3

— Tamannaah Bhatia (@tamannaahspeaks) February 13, 2022