Nagachaitanya: ‘ఆ కారణంతోనే బాలీవుడ్ సినిమాలకు నో చెప్పాను’.. అసలు విషయం చెప్పేసిన చైతూ..

ప్రస్తుతం ఈ మూవీ ప్రమోషన్లు జోరుగా సాగుతున్నాయి. గత కొద్ది రోజులుగా లాల్ సింగ్ చద్దా ప్రమోషన్లలో భాగంగా వరుస ఇంటర్వ్యూలలో పాల్గొంటున్నాడు.

Nagachaitanya: 'ఆ కారణంతోనే బాలీవుడ్ సినిమాలకు నో చెప్పాను'.. అసలు విషయం చెప్పేసిన చైతూ..
Chaitu
Rajitha Chanti

|

Aug 02, 2022 | 11:45 AM

లాల్ సింగ్ చద్దా సినిమాతో బాలీవుడ్‏లోకి ఎంట్రీ ఇస్తున్నాడు యువసామ్రాట్ నాగచైతన్య. కెరీర్ ప్రారంభించిన దశాబ్దం తర్వాత బీటౌన్ మిస్టర్ ఫర్ఫెక్ట్ అమీర్ ఖాన్ సినిమాతో హిందీ ప్రేక్షకులను అలరించనున్నాడు చైతూ. ఇప్పటికే అన్ని కార్యక్రమాలు పూర్తిచేసుకున్న ఈ మూవీ ఆగస్ట్ 11న విడుదల కానుంది. ప్రస్తుతం ఈ మూవీ ప్రమోషన్లు జోరుగా సాగుతున్నాయి. గత కొద్ది రోజులుగా లాల్ సింగ్ చద్దా ప్రమోషన్లలో భాగంగా వరుస ఇంటర్వ్యూలలో పాల్గొంటున్నాడు. ఈ క్రమంలోనే తాను ఇప్పటివరకు హిందీ సినిమాలలో నటించకపోవడానికి గల కారణాలను చెప్పుకొచ్చారు చైతూ.

ఇవి కూడా చదవండి

గత కొద్ది కాలంగా తనకు హిందీ సినిమా ఆఫర్స్ వస్తున్నాయని.. వాటన్నింటిని తాను రిజెక్ట్ చేసినట్లు చెప్పారు. ” నేను చెన్నైలో పెరిగాను. ఆ తర్వాత హైదరాబాద్ కు మారాను. నేను హిందీలో అంత ఫర్ఫెక్ట్ కాదు. ఈ విషయంలో నేను చాలా కాలం నమ్మకంగా లేను. అందుకే హిందీ సినిమా ఆఫర్స్ రిజెక్ట్ చేశాను. కానీ లాల్ సింగ్ చద్దా ఆఫర్ వచ్చినప్పుడు వారికి ముందు నో అని చెప్పాను. అందుకు అమీర్ సర్ సైతం ఓకే అన్నారు. కానీ ఈ సినిమాలో నేను సౌత్ నుంచి నార్త్ వెళ్లే అబ్బాయిగా కనిపిస్తాను. అక్కడి నుంచే మా ఇద్దరి ప్రయాణం ప్రారంభమవుతుంది. నేను మాట్లాడే విధానంలో దక్షిణాది కుర్రాడిగా ఉండాలని చెప్పారు. హిందీ మాట్లాడతాను. కానీ అక్కడక్కడ తెలుగు పదాలు, తెలుగు యాసను తీసుకువచ్చినప్పుడు దర్శకుడు కూడా ఓకే అన్నాడు. అంతేకాకుండా సౌత్ అబ్బాయి పాత్ర అని తెలుగు రుచిని తీసుకురావాడనికి కొన్నిచోట్ల తెలుగు పదాలను చేర్చాము.” అంటూ చెప్పుకొచ్చారు. సూపర్ హిట్ హాలీవుడ్ సినిమా ఫారెస్ట్ గంప్ కి రీమేక్ గా వస్తున్న ఈ సినిమాలో కరీనా కపూర్ హీరోయిన్ గా నటిస్తోంది. ఇందులో ఆర్మీ ఆఫీసర్ బోడి బాలరాజు పాత్రలో చైతూ కనిపించనున్నాడు. ఈ సినిమా తెలుగు వెర్షన్ ను మెగాస్టార్ చిరంజీవి సమర్పిస్తు్న్నారు.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu