NTR 30: ఎన్టీఆర్ అభిమానులకు గుడ్ న్యూస్.. ఎట్టకేలకు కొరటాల శివ సినిమా అప్డేట్ వచ్చేసింది..
గతంలో శివ.. తారక్ కాంబోలో వచ్చిన జనతా గ్యారెజీ సినిమా బ్లాక్ బస్టర్ హిట్ కావడంతో.. మరోసారి ఈ హిట్ కాంబో రిపీట్ కావడంతో ఈ ప్రాజెక్ట్ పై అంచనాలు భారీగానే ఉన్నాయి.
ఆర్ఆర్ఆర్ (RRR) సినిమాతో బ్లాక్ బస్టర్ హిట్ అందుకున్నారు తారక్.. ఈ మూవీ తర్వాత ఎన్టీఆర్ మాస్ డైరెక్టర్ కొరటాల శివ (Koratala Shiva) దర్శకత్వంలో ఓ సినిమా చేయబోతున్న సంగతి తెలిసిందే. మెగాస్టార్ చిరంజీవితో డైరెక్టర్ కొరటాల శివ తెరకెక్కిస్తున్న ఆచార్య సినిమా విడుదల తర్వాత తారక్ మూవీ పట్టాలెక్కనున్నట్లు ముందు నుంచి వినిపిస్తున్న వార్త. గతంలో శివ.. తారక్ కాంబోలో వచ్చిన జనతా గ్యారెజీ సినిమా బ్లాక్ బస్టర్ హిట్ కావడంతో.. మరోసారి ఈ హిట్ కాంబో రిపీట్ కావడంతో ఈ ప్రాజెక్ట్ పై అంచనాలు భారీగానే ఉన్నాయి. ఎన్టీఆర్ కెరీర్లో 30వ సినిమాగా రాబోతున్న ఈ సినిమా ఎలా ఉండబోతుందో తెలుసుకోవడానికి ఫ్యాన్స్ తెగ ఆసక్తి చూపిస్తున్నారు. ఈ మూవీ అప్డేట్స్ కోసం వేయి కళ్లతో ఎదురుచూస్తున్న సంగతి తెలిసిందే. తాజాగా ఎన్టీఆర్ ఫ్యాన్స్కు శుభవార్త అందించారు మేకర్స్.
ఎన్టీఆర్.. కొరటాల శివ కాంబోలో రాబోతున్న ఎన్టీఆర్ 30 సినిమాకు సంబంధించిన పూర్తి వివరాలను ఈరోజు (మే 19న) సాయంత్రం 7.02 గంటలకు అధికారికంగా ప్రకటించన్నాట్లు ట్వీట్ చేస్తూ.. ఓ పోస్టర్ విడుదల చేశారు. అందులో వర్షంలో నిల్చున్న వ్యక్తి చేతిలో రక్తంతో తడిసిన కత్తి కనిపిస్తోంది. పోస్టర్ చూస్తుంటే మరోసారి తారక్, కొరటాల శివ కాలయికలో యాక్షన్ డ్రామా రాబోతున్నట్లుగా తెలుస్తోంది. ఈ చిత్రాన్ని యువసుధ ఆర్ట్స్, ఎన్టీఆర్ ఆర్ట్స్ బ్యానర్లు సంయుక్తంగా నిర్మిస్తున్నాయి. ఈ సినిమాలో ఎన్టీఆర్ సరసన బాలీవుడ్ బ్యూటీ అలియా భట్ నటిస్తున్నట్లుగా గతంలో వార్తలు చక్కర్లు కొట్టాయి. కానీ అనుహ్యంగా ఇప్పుడు రష్మిక మందన్నా పేరు వినిపిస్తోంది. ఈ సినిమా తర్వాత డైరెక్టర్ ప్రశాంత్ నీల్ దర్శకత్వంలో ఎన్టీఆర్ ఓ సినిమా చేయనున్నాడు..
ట్వీట్..
The Lightning is all set to strike ⚡
Most awaited #NTR30 update at 7:02 PM Today ?
Stay tuned!@tarak9999 #KoratalaSiva @NTRArtsOfficial @YuvasudhaArts pic.twitter.com/txPAPrs15W
— NTR Arts (@NTRArtsOfficial) May 19, 2022
