Siddharth: పాన్ ఇండియా అంటే ఫన్నీగా ఉంది.. హీరో సిద్ధార్థ్ సంచలన వ్యాఖ్యలు
కేజీఎఫ్ 2 సినిమా ప్రపంచవ్యాప్తంగా బాక్సాఫీస్ పై దండయాత్ర కొనసాగిస్తున్న సంగతి తెలిసిందే. విడుదలై నెల గడిచిన థియేటర్లలో
Updated on: May 19, 2022 | 3:46 PM
కొన్ని ప్రాంతీయ చిత్రాలను పాన్ ఇండియా సినిమాలు అని పిలవడం చాలా ఫన్నీగా ఉందన్నారు టాలెంటెడ్ హీరో సిద్ధార్థ్. కన్నడ రాకింగ్ స్టార్ యశ్.. డైరెక్టర్ ప్రశాంత్ నీల్ కాంబోలో )(Prashanth neel) వచ్చిన కేజీఎఫ్ 2 సినిమా ప్రపంచవ్యాప్తంగా బాక్సాఫీస్ పై దండయాత్ర కొనసాగిస్తున్న సంగతి తెలిసిందే. విడుదలై నెల గడిచిన థియేటర్లలో కేజీఎఫ్ 2 హావా మాత్రం తగ్గడం లేదు.. రికార్డ్ స్థాయిలో వసూళ్లు సాధించి అద్భుతంగా దూసుకుపోతుంది. ఈ సినిమాపై స్పందించారు హీరో సిద్ధార్త్. తన తదుపరి చిత్రం ఎస్కేప్ లైవ్ సిరీస్ ప్రమోషన్లలో భాగంగా ఇండియా టూడేకు ఇచ్చిన ఇంటర్వ్యూలో సిద్ధార్థ్ కేజీఎఫ్ 2 సినిమా భారతీయ సినిమా అని పిలవాలంటూ చెప్పుకొచ్చారు.
కరోనా మహామ్మారి కారణంగా ఎన్నోసార్లు వాయిదా పడిన కేజీఎఫ్ 2 ఏప్రిల్ 14న విడుదలైన బాక్సాఫీస్ను షేక్ చేస్తుంది. ప్రపంచవ్యాప్తంగా ఈ సినిమా అత్యథిక వసూళ్లు సాధించి రూ. 1000 కోట్ల క్లబ్లో చేరింది. తాజాగా ఇండియా టూడేకు ఇచ్చిన ఇంటర్వ్యూలో… పాన్ ఇండియా అంటే ఫన్నీగా ఉందని.. అలా పిలుస్తున్నప్పుడు అగౌరవంగా అనిపిస్తుందంటూ ఆసక్తికర వ్యాఖ్యలు చేశాడు…
సిద్ధార్థ్ మాట్లాడుతూ.. ” నాకు చాలా ఫన్నీగా అనిపిస్తోంది.. నేను 15 సంవత్సరాలకుపైగా పలు భాషల్లో పనిచేస్తున్నాను.. నా గొంతుతోనే ఇప్పటివరకు మాట్లాడాను.. నాకు ఎవరు డబ్బింగ్ చెప్పలేదు.. తమిళంలో తమిళుడిగా.. తెలుగులో అచ్చమైన తెలుగు కుర్రాడిగా.. హిందీలో భగత్ సింగ్ లా కూడా మాట్లాడుతాను. అందుకే నాకు పాన్ ఇండియా అనే అగౌవరంగా అనిపిస్తుంది..అందుకు బదులుగా భారతీయ సినిమా అని పిలవాలని కోరుకుంటున్నానను.. ఈ మాటలు ఎవరినో ఇబ్బంది పెట్టాలని అనుకోవడం లేదు. హిందీ చిత్రాలకు ప్రాధాన్యతను ఇస్తారు.. అవి సూపర్ హిట్ అయితే బాలీవుడ్ సినిమా అని మాత్రమే అంటారు.. కానీ ప్రాంతీయ చిత్రాలు ప్రేక్షకులను ఆదరించినప్పటికీ వాటిని ఎందుకు పాన్ ఇండియా చిత్రాలు అంటున్నారు.. భారతీయ సినిమా అనొచ్చు కదా.. కేజీఎఫ్ సినిమా ప్రయాణాన్ని గౌరవించండి.. ఆ చిత్రాన్ని కన్నడ సినిమా అని పిలవండి. ఆ సినిమాను క్రియేట్ చేసిన ఇంపాక్ట్ ను దృష్టిలో ఉంచుకునైనా దాన్ని ఇండియన్ ఫిల్మ్ అని చెప్పొచ్చు. అందుకే పాన్ ఇండియా కాదు.. భారతీయ సినిమా అనండి.. పాన్ అనే పదం నాకు అర్థం కావడం లేదు.. తమాషాగా అనిపిస్తుంది. ” అంటూ చెప్పుకొచ్చారు.
