Hero Ram Injured: సినిమా షూటింగ్‌లో ప్రమాదం.. హీరో రామ్‌కు గాయాలు..

Hero Ram Injured: ఎన‌ర్జిటిక్ డాన్సులు, తన ఫెర్ఫామెన్స్‌తో ప్రేక్షకుల‌ను ఆక‌ట్టుకునే టాలీవుడ్‌ యంగ్ హీరోల్లో రామ్ పోతినేని ఒక‌రనే చెప్పాలి. ఓ సినిమా షూటింగ్‌లో రామ్‌కు గాయాలయ్యాయి. వివ‌రాల్లోకెళ్తే.. రామ్ హీరోగా ద‌ర్శకుడు లింగుస్వామి డైరెక్షన్‌లో ఓ సినిమా చిత్రీకరిస్తున్న విషయం తెలిసిందే. ఈ సినిమా కోసం రామ్ త‌న లుక్‌ను పూర్తిగా మార్చుకుంటున్నాడు. బాడీని పెంచుకుంటున్నాడు. ఈ క్రమంలో ఎక్సర్ సైజులు సైతం చేస్తున్న ఆయ‌న‌ మెడ‌కు గాయ‌మైంది. దీంతో షూటింగ్ నిలిచిపోయింది. మెడ‌కు బ్యాండేజ్ ఉన్న ఫొటో ఇప్పుడు సోష‌ల్ మీడియాలో తెగ వైర‌ల్ అవుతుంది. ‘రాపో 19’ గా తెరకెక్కుతున్న ఈ సినిమా ప్రస్తుతం సెట్స్‌పై ఉంది.

‘సీటీమార్’ చిత్రాన్ని నిర్మించిన శ్రీనివాస్ చిట్టూరి రామ్ 19 చిత్రాన్ని నిర్మిస్తున్నారు. పందెంకోడి చిత్రంతో తెలుగులోనూ మంచి క్రేజ్ తెచ్చుకున్న తమిళ దర్శకుడు ఎన్.లింగుసామి ఈ సినిమాను తెరకెక్కిస్తున్నారు. ద్విభాషా చిత్రంగా తెలుగు, తమిళ భాషల్లో సినిమా షూటింగ్‌ జరుపుకొంటోంది. ఉప్పెన ఫేమ్ కృతిశెట్టి హీరోయిన్‌గా నటిస్తుంది. రీసెంట్‌గానే ఈ మూవీ సెకండ్ షెడ్యూల్ షూటింగ్‌ను ప్రారంభించారు. ఇస్మార్ట్ శంకర్‌తో మాస్ ఇమేజ్ తెచ్చుకున్న హీరో రామ్‌ను తమిళ ప్రేక్షకులకు కూడా దగ్గర చేయాలనే ఉద్దేశంతోనే లింగుసామి ఓ మాస్ చిత్రాన్ని తెరకెక్కిస్తున్నారు. ఇప్పటికే దాదాపు 50 శాతంకుపైగా షూటింగ్‌ పూర్తయ్యింది.

రామ్ ఈ సినిమా కోసం సిక్స్ ప్యాక్ చేస్తున్నాడు. ఇస్టార్ట్ శంకర్ కంటే ఈ సినిమాలో ఇంకా బీస్ట్ లుక్‌లో కనిపించాలని రామ్ గట్టిగానే ప్రయత్నాలు చేస్తున్నాడు. జిమ్‌లో గట్టిగానే కసరత్తులు కూడా చేశాడు. ఇందులో రామ్ తొలిసారి పోలీస్ ఆఫీసర్‌గా కనిపించబోతున్నాడని తెలుస్తోంది.

View this post on Instagram

A post shared by RAm POthineni (@ram_pothineni)

Ustaad @ramsayz‘s #RAPO19 shoot halted due to his Neck injury during body transformation.

Will be back soon with double the energy ? pic.twitter.com/kIevHAgPYU

— Pulagam Chinnarayana (@PulagamOfficial) October 4, 2021