Manchu Lakshmi: కరోన బారిన పడిన మంచువారమ్మాయి.. కలరీ స్కిల్స్‌తో వైరస్‌ను కిక్ చేస్తానంటూ పోస్ట్..

Manchu Lakshmi: కరోన బారిన పడిన మంచువారమ్మాయి.. కలరీ స్కిల్స్‌తో వైరస్‌ను కిక్ చేస్తానంటూ పోస్ట్..

సినిమా పరిశ్రమలో కరోనా కలకలం రేపుతోంది. బాలీవుడ్‌, టాలీవుడ్‌, కోలీవుడ్‌.. ఇలా అన్ని పరిశ్రమలకు చెందిన ప్రముఖులు ఈ వైరస్‌ బారిన పడుతున్నారు. టాలీవుడ్‌ విషయానికొస్తే.. కొద్ది రోజుల క్రితం

Basha Shek

|

Jan 06, 2022 | 7:28 PM

సినిమా పరిశ్రమలో కరోనా కలకలం రేపుతోంది. బాలీవుడ్‌, టాలీవుడ్‌, కోలీవుడ్‌.. ఇలా అన్ని పరిశ్రమలకు చెందిన ప్రముఖులు ఈ వైరస్‌ బారిన పడుతున్నారు. టాలీవుడ్‌ విషయానికొస్తే.. కొద్ది రోజుల క్రితం మంచు మనోజ్‌ కుమార్‌ ఈ మహమ్మారి బాధితుల జాబితాలో చేరగా.. తాజాగా అతని సోదరి మంచు లక్ష్మి కరోనాకు గురైంది. ఆమే స్వయంగా ఈ విషయాన్ని ప్రకటించింది. ‘రెండేళ్ల నుంచి బూచోడు లాంటి కరోనా వైరస్‌ నుంచి తప్పించుకుని తిరుగుతున్నాను. కానీ చివరికి దాని చేతిక చిక్కక తప్పలేదు. దానితో పోరాడేందుకు ఎంతో ప్రయత్నించాను. కానీ దానికి వేరే ప్రణాళికలు ఉన్నాయనుకుంటాను. అందుకే నన్ను విడిచిపెట్టలేదు. కరోనాకు చికిత్స తీసుకుంటున్నాను. నాకు ఉన్న కలరీ స్కిల్స్‌తో దాన్ని ఎలాగైనా దూరంగా పంపిస్తాను’ అని రాసుకొచ్చింది మంచు లక్ష్మి.

దీంతో పాటు కరోనా రక్షణకు సంబంధించి తన అభిమానులకు కొన్ని జాగ్రత్తలు సూచించిందీ మల్టీ ట్యాలెంటెడ్‌ నటి. ‘అందరూ ఇంట్లో సురక్షితంగా ఉండండి. మాస్కులు తప్పనిసరిగా ధరించండి. వ్యాక్సిన్‌ తీసుకోవడం మర్చిపోవద్దు. ఒకవేళ మీరు ఇప్పటికే రెండు డోసుల టీకా తీసుకొనిఉంటే.. బూస్టర్‌( మూడో డోస్‌) కూడా తీసుకునేందుకు ప్రయత్నించండి. అలాగే టైమ్‌ పాస్‌ కోసం మీకు నచ్చిన టాప్‌-3 సినిమాలు, షోలు, ప్యాడ్‌కాస్ట్‌లు ఉంటే చెప్పండి. చూసి ఆనందిస్తాను’ అని వరుస ట్వీట్లు పెట్టింది. దీంతో ఆమె త్వరగా కోలుకోవాలని అభిమానులు, నెటిజన్లు కోరుతూ కామెంట్లు పెడుతున్నారు.

Also Read:

Viral news: నాపేరు కొవిడ్‌.. నేను వైరస్‌ను కాదు.. నెట్టింట్లో మార్మోగుతున్న బెంగళూర్ ఎంటర్ ప్రెన్యూర్ పేరు..

Viral news: కొవిడ్‌ వ్యాక్సిన్‌ గురించి ఆలుమగల మధ్య గొడవ.. పిల్లల్ని కిడ్నాప్‌ చేసిందని భార్యపై భర్త ఫిర్యాదు..

Viral video: అభిమాని బట్టతలపై ఆటోగ్రాఫ్‌ ఇచ్చిన ఇంగ్లండ్‌ స్పిన్నర్‌.. నవ్వులు పూయిస్తోన్న ఫన్నీ వీడియో..

Follow us on

Related Stories

Most Read Stories

Click on your DTH Provider to Add TV9 Telugu