BiggBossTelugu6: గెట్ రెడీ ఆడియన్స్.. బిగ్ బాస్ నయా సీజన్ రాబోతుంది.. అఫీషియల్గా అనౌన్స్ చేసిన యాజమాన్యం
తెలుగులో రియాలిటీ షోల్లో నెంబర్ వన్ గా దూసుకుపోయిన గేమ్ షో బిగ్ బాస్. పలు భాషల్లో విజయవంతంగా టెలికాస్ట్ అయిన బిగ్ బాస్ తెలుగులోనూ టాప్ రేటింగ్ తో దూసుకుపోతోన్న విషయం తెలిసిందే.
Updated on: Aug 04, 2022 | 9:30 PM
తెలుగులో రియాలిటీ షోల్లో నెంబర్ వన్ గా దూసుకుపోయిన గేమ్ షో బిగ్ బాస్( BiggBoss). పలు భాషల్లో విజయవంతంగా టెలికాస్ట్ అయిన బిగ్ బాస్ తెలుగులోనూ టాప్ రేటింగ్ తో దూసుకుపోతోన్న విషయం తెలిసిందే. ఇప్పటికే బిగ్ బాస్ సీజన్స్ 5 పూర్తయిన విషయం తెలిసిందే. మోడై షోకు యంగ్ టైగర్ ఎన్టీఆర్ హోస్ట్ గా చేసి అదరగొట్టారు, సినిమాల్లో నటనతో ఆకట్టున్న తారక్, బిగ్ బాస్ హోస్ట్ గా తనదైన ముద్ర వేశారు. మొదటి సీజన్ ను సూపర్ డూపర్ గా రన్ చేశారు. ఆతర్వాత నేచురల్ స్టార్ నాని బిగ్ బాస్ సీజన్ 2 కు హోస్ట్ గా వ్యవహరించారు. అయితే సీజన్ వన్ తో పోల్చుకుంటే సీజన్ 2 కాస్త పేలగా సాగిందనే చెప్పాలి. ఇక ఆ తర్వాత బిగ్ బాస్ బాధ్యతను తీసుకున్నారు కింగ్ నాగార్జున.
నాగార్జున హోస్ట్ గా బిగ్ బాస్ సీజన్ 3,4,5 లను హోస్ట్ చేశారు. అలాగే ఈ మధ్య వచ్చిన బిగ్ బాస్ నాన్ స్టాప్ కు కూడా నాగార్జున హోస్ట్ గా చేశారు. ఇక ఇప్పుడు సీజన్ 6తో సిద్దమయ్యింది బిగ్ బాస్. తాజాగా సీజన్ 6 త్వరలోనే ప్రారంభం కానుందని అనౌన్స్ చేసింది స్టార్ మా యాజమాన్యం. త్వరలోనే ఈ సీజన్ 6 ప్రారంభం అవ్వనుందని.. బిగ్ బాస్ లోగోను రిలీజ్ చేసింది. దాంతో ప్రేక్షకుల్లో ఆసక్తి నెలకొంది. ఈసారి హౌస్ లోకి ఎవరు వెళ్లనున్నారన్న చర్చ మొదలైంది. మరి ఈసారి బిగ్ బాస్ లో ఏ తారలు సందడి చేస్తారో చూడాలి. అలాగే ఈ సీజన్ కు నాగార్జునే హోస్ట్ గా వ్యవహరిస్తారా లేక మరో హీరో ఎంట్రీ ఇస్తాడేమో చూడాలి..
#BiggBossTelugu6 makes it more captivating to all audiences of Telugu. The color palette used for the fluidic lines comes together to create an intense emotional experienced when it begins. This time, #BiggBoss eye is alluring Season of Entertainment begins soon on #StarMaa. pic.twitter.com/EmjwkdKFps
— starmaa (@StarMaa) August 4, 2022
