Bigg Boss : బిగ్‏బాస్‏లో చరిత్రలోనే తొలిసారి.. ఫస్ట్ కంటెస్టెంట్‏గా శునకం.. బుల్లితెరపై సందడి చేయనున్న ‘చార్లీ’..

బిగ్‏బాస్‏ సీజన్ 7 ఉల్టా పుల్టా అంటూ తెలుగు ప్రేక్షకులను అలరిస్తోంది. మరోవైపు హిందీలోనూ బిగ్‏బాస్ షో స్టార్ట్ కాబోతుంది. దేశవ్యాప్తంగా ఈ షోకు ఉన్న ఆదరణ గురించి చెప్పక్కర్లేదు. తెలుగు, హిందీ కాకుండా.. తమిళం, కన్నడలోనూ బిగ్‏బాస్ షోకు మంచి రెస్పాన్స్ వస్తుంటుంది. మలయాళంలో ఐదో సీజన్ పూర్తయింది. అటు తమిళంలో ఏడో సీజన్ త్వరలోనే షూరు కానుంది. ఇక కన్నడలో మాత్రం పదవ సీజన్ స్టార్ట్ కాబోతుంది. అక్టోబర్ 8 నుంచి ఈ షో ప్రారంభంకానుంది. ఈ క్రమంలోనే కొద్ది రోజులుగా బిగ్‏బాస్ కన్నడలో ఎంట్రీ ఇవ్వబోయే కంటెస్టెంట్స్ గురించి సోషల్ మీడియాలో చర్చ జరుగుతుంది. ఈసారి రాబోయే స్టార్స్ వీళ్లేనంటూ రూమర్స్ చక్కర్లు కొడుతున్నాయి. ఈసారి మొత్తం 17 మంది కంటెస్టెంట్స్ ప్రవేశించనున్నట్లు తెలుస్తోంది. తాజాగా బిగ్‏బాస్ హౌస్ లోకి వెళ్లనున్న తొలి కంటెస్టెంట్ ఎవరన్నది ముందుగానే ప్రకటించారు.

‘777 చార్లీ’ సినిమాలోని చార్లీ శునకం బిగ్‏బాస్‏ హౌస్ లోకి అడుగుపెట్టబోతుంది. ఈమూవీ డైరెక్టర్ కిరణ్ రాజ్ వేదికపై ఉన్నారు. ఇప్పటివరకు వెండితెరపై అలరించిన చార్లీ.. ఇప్పుడు కిరణ్ బిగ్‏బాస్‏ ఇంట్లో జాయిన్ కాబోతున్నారని అనుపమ గౌడ వెల్లడించారు. కన్నడ టెలివిజన్ చరిత్రలో ఇదే తొలిసారి. ఒక శునకం కంటెస్టెంట్ గా రావడం. బిగ్‏బాస్‏ ఇంట్లో కొన్ని నియమాలున్నాయి. బిగ్‌బాస్‌ పాటను ప్లే చేసినప్పుడు మీరు లేవాలి. టాస్క్ కొట్రే చేయాలి. మీరు టాస్క్ చేస్తేనే లగ్జరీ బడ్జెట్ పొందవచ్చు. లగ్జరీ బడ్జెట్ వస్తేనే బోన్ దొరుకుతుందని అనుపమ అన్నారు.

View this post on Instagram

A post shared by Colors Kannada Official (@colorskannadaofficial)

777 చార్లీ సినిమాలో హీరో రక్షిత్ శెట్టితో కలిసి చార్లీ చేసిన అల్లరి ప్రేక్షకులకు ఎంతగానో నచ్చింది. అలాగే నవ్విస్తూనే జనాలను ఏడిపించింది చార్లీ. తన చేష్టలతో హీరోపై ఎంతో ప్రేమను కురిపించిన చార్లీ.. ఇప్పుడు బిగ్‏బాస్‏ లోకి వస్తుంది. దాదాపు 100 రోజులు చార్లీ ఎలా ఉంటుంది అనేది చూడాలి.

View this post on Instagram

A post shared by Rakshit Shetty (@rakshitshetty)

మరిన్ని సినిమా వార్తల కోసం ఇక్కడ క్లిక్ చేయండి.