Pallavi Prashanth: పల్లవి ప్రశాంత్‌ రిలీజ్‌.. గ్రాండ్‌గా పార్టీ చేసుకున్న శివాజీ, భోలే.. వీడియో చూశారా?

ల్లవి ప్రశాంత్‌కు బెయిల్‌ రావడంలో ప్రముఖ సింగర్‌ భోలే షావలి కీలక పాత్ర పోషించాడు. అలాగే శివాజీ, ప్రిన్స్‌ యావర్‌, అశ్విని శ్రీ, టేస్టీ తేజా, ప్రియాంక జైన్‌తో పాటు పలువురు ప్రముఖులు రైతు బిడ్డకు అండగా నిలిచారు. ఈ నేపథ్యంలో ప్రశాంత్‌ జైలు నుంచి రిలీజ్‌ కావడంతో బిగ్‌ బాస్‌ కంటెస్టెంట్స్‌ మళ్లీ కలుసుకున్నారు.

Bigg Boss 7 Telugu Contestants

Basha Shek |

Updated on: Dec 25, 2023 | 3:16 PM

బిగ్‌బాస్‌ తెలుగు ఏడో సీజన్‌ విజేత పల్లవి ప్రశాంత్‌ బెయిల్‌పై విడుదలయ్యాడు. గ్రాండ్‌ ఫినాలే అనంతరం జరిగిన అల్లర్ల కేసులో రైతు బిడ్డపై కేసులు నమోదయ్యాయి. పోలీసులు అతనిని అరెస్ట్‌ చేసి రిమాండ్‌ నిమిత్తం చంచల్ గూడ జైలుకు తరలించారు. అయితే నాంపల్లి కోర్టు బెయిల్‌ మంజూరు చేయడంతో శనివారం (డిసెంబర్‌ 24) సాయంత్ర జైలు నుంచి విడుదలయ్యాడు. పల్లవి ప్రశాంత్‌కు బెయిల్‌ రావడంలో ప్రముఖ సింగర్‌ భోలే షావలి కీలక పాత్ర పోషించాడు. అలాగే శివాజీ, ప్రిన్స్‌ యావర్‌, అశ్విని శ్రీ, టేస్టీ తేజా, ప్రియాంక జైన్‌తో పాటు పలువురు ప్రముఖులు రైతు బిడ్డకు అండగా నిలిచారు. ఈ నేపథ్యంలో ప్రశాంత్‌ జైలు నుంచి రిలీజ్‌ కావడంతో బిగ్‌ బాస్‌ కంటెస్టెంట్స్‌ మళ్లీ కలుసుకున్నారు. శివాజీ, ప్రిన్స్‌ యావర్‌, టేస్టీ తేజా, భోలే షావలి, శుభ శ్రీ రాయగురు, నయని పావని అందరూ ఒకే చోట చేరారు. పల్లవి ప్రశాంత్‌ను కలిసి క్షేమ సమచారాలు అడిగి తెలుసుకున్నారు. ఈ సందర్భంగా తనకు బెయిల్‌ రావడంలో ప్రధాన పాత్ర పోషించిన భోలేపై తన అభిమానాన్ని చాటుకున్నాడు రైతు బిడ్డ. పాట బిడ్డను ఆప్యాయంగా హత్తుకున్నాడు. బదులుగా భోలే కూడా ప్రశాంత్‌కు ముద్దు పెట్టి భావోద్వేగానికి గురయ్యాడు. అనంతరం అందరూ కలిసి ముచ్చట్లు చెప్పుకుంటూ భోజనాలు చేశారు.

అనంతరం శివాజీతో పాటు కంటెస్టెంట్స్ అందరూ ఇన్‌స్టాగ్రామ్‌ లైవ్‌లో మాట్లాడారు. ‘నా గురించి ఈ పాటికే మీకు తెలిసే ఉంటుంది. నేను లోపల ఒక రకంగా, బయట ఒక రకంగా ఉండను. ఏదో ఒక ఎగ్జైట్‌మెంట్‌ ప్రశాంత్‌ కొన్ని పొరపాట్లు చేసి ఉండొచ్చు. వాటిని సరిదిద్దుకుంటాడు. చట్టమే న్యాయం చేస్తుంది. ప్రశాంత్‌కి న్యాయం జరిగింది కాబట్టే తనకి బెయిల్ వచ్చింది. ప్రశాంత్‌ కు నేను చేతనైనంత చెబుతాను. ఇదేమీ మర్డర్ కేసో, క్రిమినల్ కేసో కాదు’ అని శివాజీ చెప్పుకొచ్చాడు. ఆ తర్వాత పల్లవి ప్రశాంత్ మాట్లాడుతూ ‘శివన్న ఎప్పుడూ నా గుండెల్లో ఉంటాడు.. మీ అందరి ప్రేమాభిమానాలు గెలుచుకున్నందుకు ఎంతో సంతోషంగా ఉంది’ అని ఎమోషనల్‌ అయ్యాడు. ఇలా బిగ్‌ బాస్‌ కంటెస్టె్ంట్స్‌ అందరూ కలిసి సెలబ్రెట్ చేసుకున్న వీడియోలు సోషల్ మీడియాలో వైరల్ అవుతున్నాయి.

ఇవి కూడా చదవండి