Bigg Boss 7 Telugu: నాలుగో పవరాస్త్ర కోసం సిత్ర విచిత్రాలు.. కంటెస్టెంట్స్ రకరకాల వేషాలు..

బిగ్‏బాస్ నాలుగో పవరాస్త్ర కోసం పోటీపడుతున్నారు కంటెస్టెంట్స్. ప్రతి సీజన్ మాదిరిగా కాకుండా ఈసారి ఉల్టా పుల్టా అంటూ ఎప్పటికప్పుడు సరికొత్త టాస్కులతో కంటెస్టెంట్లను అల్లాడిస్తున్నాడు. ఇప్పటికే బిగ్‏బాస్ బ్యాంక్, కాయిన్స్ అంటూ కంటెస్టెంట్లను ఆటాడించగా.. ప్రశాంత్, ప్రిన్స్ యావర్‏లకు గాయాలయ్యాయి. ఇప్పుడు వీరిద్దరు నాలుగో పవరాస్త్ర దక్కించుకోవడానికి అడుగు దూరంలో ఉన్నారు. ఇంతకు ముందు పెట్టిన బ్యాంక్ హూస్ట్ టాస్కులో వీరిద్దరు గెలిచారు. దీంతో వీరిద్దరిని నాలుగో పవరాస్త్ర కోసం పోటీ పడే కంటెండర్లుగా ప్రకటించాడు బిగ్‏బాస్. అయితే ఇక్కడే మరో ట్విస్ట్ ఇచ్చినట్లుగా తెలుస్తోంది. తాజాగా విడుదలైన ప్రోమోలో కంటెస్టెంట్లతో విచిత్ర వేషాలు వేయించాడు.

తాజాగా విడుదలైన ప్రోమోలో.. బిగ్‏బాస్ హౌస్ లో గాలా ఈవెంట్ జరుగుతుంది. ఇందులో కంటెస్టెంట్ వినూతన్నంగా.. చిత్ర విచిత్రంగా రెడీ అయి కనిపించాలి. ఎవరైతే ఫన్నీగా కనిపిస్తారో వారిలో ఒకరిని పవరాస్త్ర సాధించేందుకు మూడో కంటెండర్ గా ప్రకటిస్తామన్నారు బిగ్‏బాస్. ఇంకేముంది కంటెస్టెంట్స్ రెచ్చిపోయారు. ఒళ్లంతా కూరగాయలతో టేస్టీ తేజ చిత్రంగా రెడీ కాగా.. రైతు బిడ్డ పల్లవి ప్రశాంత్ ప్లేట్స్, స్పూన్స్, వస్తువులతో విచిత్రంగా తయారయ్యాడు. ఇక బిగ్‏బాస్ దెయ్యంగా ప్రియాంక రెడీ కాగా.. రతిక, అమర్, యావర్ , సుబ్బు ఒక్కొక్క గెటప్ లో కనిపించారు.

View this post on Instagram

A post shared by STAR MAA (@starmaa)

ఇక ఈ గాలా ఈవెంట్ కు సందీప్, శోభా శెట్టి హోస్ట్స్ గా వ్యవహరించారు. అలాగే శివాజీ రిపోర్టర్ అవతారంలో వారిని ఫన్నీగా ప్రశ్నలు అడగాల్సి ఉంటుంది. ఇక ఈ ఈవెంట్ లో తమ వేషాధారణతో ఎంటర్టైన్ చేసిన వారిలో ఒకరిని బిగ్‏బాస్ నాలుగో పవరాస్త్ర కోసం పోటీ పడే కంటెండర్ గా ప్రకటించనున్నారు. ఆ తర్వాత పల్లవి ప్రశాంత్, యావర్ తోపాటు మరొకరు నాలుగో పవరాస్త్ర కోసం పోటీ పడనున్నారు. మరీ ఈ ముగ్గురికి ఎలాంటి టాస్క్ ఇస్తారో చూడాలి. లేదా వారిలో వారే ఒకరిని ఎన్నుకోవాలని సూచిస్తారో చూడాలి.

మరిన్ని సినిమా వార్తల కోసం ఇక్కడ క్లిక్ చేయండి.