Manish Raisinghan: నేను తనకంటే 18 ఏళ్లు పెద్దవాడిని.. మాకు సిక్రెట్గా బిడ్డ జన్మించలేదు.. క్లారిటీ ఇచ్చిన అవికా స్నేహితుడు..
'చిన్నారి పెళ్లి కూతురు' ఫేమ్ అవికా గౌర్ ఇటీవల తన సహ నటుడు మనీష్ రాఘ్ సింఘన్ తో ఉన్న రిలేషన్ గురించి స్పందించిన సంగతి తెలిసిందే.
Updated on: Jun 25, 2021 | 6:23 AM
‘చిన్నారి పెళ్లి కూతురు’ ఫేమ్ అవికా గౌర్ ఇటీవల తన సహ నటుడు మనీష్ రాఘ్ సింఘన్ తో ఉన్న రిలేషన్ గురించి స్పందించిన సంగతి తెలిసిందే. గతంలో వీరిద్దరూ ప్రేమలో ఉన్నారని.. రహస్యంగా ఓ బిడ్డను కూడా కన్నారని రూమర్స్ వచ్చాయి. దీంతో అటు బాలీవుడ్ తోపాటు.. సోషల్ మీడియాలో కూడా ఈ విషయం హాట్ టాపిక్ గా మారింది. ఇక ఈ విషయంపై ఇటీవల ఓ ఇంటర్వ్యూలో మాట్లాడిన అవికా.. మనీష్ తన తండ్రి వయసు వాడని.. తామిద్దరం మంచి స్నేహితులం మాత్రమే అని.. మేము ఓ బిడ్డను కన్నామని, ఆ విషయాన్ని సీక్రెట్‌గా ఉంచామని అంటున్నారు. అది పూర్తిగా అవాస్తవం అంటూ రూమర్స్ కు చెక్ పెట్టింది అవికా.. తాజాగా ఇదే విషయంపై నటుడు మనీష్ స్పందించాడు.
ఓ ఇంటర్వ్యూలో మనీష్ మాట్లాడుతూ.. అవికా.. తను సిక్రెట్ గా రిలేషన్ లో ఉన్నామంటూ వస్తున్న వార్తల్ల ఏమాత్రం నిజం లేదని వెల్లడించాడు. అవికా తను మంచి స్నేహితులం మాత్రమే అని..తను చెప్పినట్లుగా.. మా ఇద్దరి మధ్య 18 ఏళ్ల వ్యత్యాసం ఉంది. నేను తనకంటే 18 ఏళ్లు పెద్దవాడిని. ససూరల్ సిమర్ కా సీరియల్ నుంచి మా మధ్య స్నేహబంధం కొనసాగుతుంది. మాకు రహస్యంగా బిడ్డ జన్మించిందని అనడం చాలా దారుణం. మొదట నేను ఈ వార్తలు విని షాక్ అయ్యాను. కానీ ఇలాంటి రూమర్స్ కూడా క్రియేట్ చేస్తారా అని నవ్వోచ్చింది. నాతో పాటు నా భార్య సంగీత కూడా నవ్వుకుంది అని చెప్పుకోచ్చాడు మనీష్. కాగా ఈ నటుడు గతేడాది జూన్ లో సంగీతను ప్రేమ వివాహం చేసుకున్నాడు. ఇక అవికా కూడా ప్రస్తుతం హైదరాబాద్‌కు చెందిన ఎమ్‌టీవీ రౌడీస్‌ కంటెస్టెంట్‌ మిలింద్‌ చంద్వాణీతో ప్రేమలో ఉన్నట్లు ఇటీవల అధికారికంగా ప్రకటించిన విషయం తెలిసిందే. త్వరలోనే తననే పెళ్లి చేసుకోబోతున్నట్లు ఇటీవల స్పష్టం చేసింది. ప్రస్తుతం అవికా.. నాగ చైతన్య, రాశీ ఖన్నా హీరోహీరోయిన్లుగా నటిస్తున్న థ్యాంక్యూ చిత్రంలో నటిస్తోంది.
Ram Gopal Varma: ప్యారేలాల్‌, సుబ్బారావ్‌, చింటూ.. పేర్లు పెట్టొచ్చుగా..? కోవిడ్ పేర్లపై వర్మ సెటైర్
