ఇది నిజమే.. శివ నిర్వాణతో దేవరకొండ

‘నిన్ను కోరి’, ‘మజిలీ’ సినిమాలతో బ్యాక్ టు బ్యాక్ హిట్స్ కొట్టాడు దర్శకుడు శివ నిర్వాణ. ఇక ఈ దర్శకుడు హీరో విజయ్ దేవరకొండ తో కలిసి ఓ సినిమా చేయనున్నాడని సోషల్ మీడియాలో వార్తలు వచ్చాయి. తాజాగా ఆ వార్తలు నిజమేనని సమాచారం. ఇప్పటికే శివ, విజయ్ కు స్టోరీ లైన్ ను చెప్పడం.. దానికి విజయ్ ఓకే చెప్పడం జరిగిపోయాయని తెలుస్తోంది. దీనితో వీరిద్దరి కాంబినేషన్ లో సినిమా రావడం దాదాపు ఫిక్స్ అయిపోయినట్లే అని ఫిలిం నగర్ టాక్. కాగా ఈ చిత్రం త్వరలోనే సెట్స్ మీదకు వెళ్లనుందట.

మజిలీ చిత్రాన్ని నిర్మించిన షైన్ స్క్రీన్ ప్రొడక్షన్స్ ఈ చిత్రాన్ని నిర్మించనుంది. మొదటి రెండు చిత్రాలు ఎమోషనల్ లవ్ స్టోరీస్ గా తెరకెక్కించిన శివ.. విజయ్ కోసం ఎలాంటి కథను సిద్ధం చేస్తాడో వేచి చూడాలి.