Sachin Shroff: 50 ఏళ్ల వయసులో రెండో పెళ్లి చేసుకున్న నటుడు.. కాబోయే భార్య వివరాలు గోప్యంగా ఉంచిమరీ..
నటుడు సచిన్ ష్రాఫ్ (50) రెండో వివాహం చేసుకున్నాడు. సచిన్ ష్రాప్‌ - చాందిని కోఠిల వివాహాన్ని సోషల్‌ మీడియా వేదికగా అధికారికంగా వెల్లడించాడు. ముంబాయ్‌లో అత్యంత సన్నిహితుల మధ్య..
నటుడు సచిన్ ష్రాఫ్ (50) రెండో వివాహం చేసుకున్నాడు. సచిన్ ష్రాప్‌ – చాందిని కోఠిల వివాహాన్ని సోషల్‌ మీడియా వేదికగా అధికారికంగా వెల్లడించాడు. ముంబాయ్‌లో అత్యంత సన్నిహితుల మధ్య శనివారం (ఫిబ్రవరి 25) వీరి వివాహం జరిగింది. వీరి రిసెప్షన్‌కు సంబంధించిన ఫొటోలు ప్రస్తుతం నెట్టింట వైరల్ అవుతున్నాయి. ఈ పెళ్లికి ముందు సచిన్ ష్రాఫ్ తనకుకాబోయే భార్య వివరాలను అత్యంత గోప్యంగా ఉంచాడు. ఆమె ఎవరో, కనీసం పేరైనా వెల్లడించలేదు. తాజా సమాచారం ప్రకారం సచిన్ సోదరి స్నేహితురాలని తెలుస్తోంది. గుట్టుచప్పుడుకాకుండా రెండో పెళ్లి చేసుకున్న సచిన్ రిసెప్షన్‌ ఫంక్షన్‌లో తన భార్య చాందినిని మీడియా ముందు పరిచయం చేశాడు. ఈవెంట్ ఆర్గనైజర్, ఇంటీరియర్ డిజైనర్‌ అయిన చాందిని వివరాలు అత్యంత గోప్యంగా ఉంచడంపై సర్వత్రా పలు గుసగుసలు వినిపిస్తున్నాయి.
కాగా సచిన్ 2009 ఫిబ్రవరిలో సహనటి అయిన జుహీ పర్మార్‌ను మొదటి వివాహం చేసుకున్న సంగతి తెలిసిందే. కొన్ని కారణాల రిత్య వీరు 2018లో విడాకులు తీసుకున్నారు. వీరికి 2013లో సమైరా ష్రాప్‌ అనే కుమార్తెకు జన్మనిచ్చారు. విడాకుల తర్వాత ఎవరి జీవితం వారు జీవిస్తున్నారు. ప్రస్తుతం అతను తారక్ మెహతా కా ఊల్తా చష్మాలో నటిస్తున్న సంగతి తెలిసిందే.
మరిన్ని సినిమా వార్తల కోసం క్లిక్‌ చేయండి.
