పుష్ప: బన్నీ, రష్మిక పాత్రల గురించి షాకింగ్ న్యూస్‌..!

అల్లు అర్జున్‌తో సుకుమార్ తెరకెక్కిస్తోన్న క్రేజీ చిత్రం పుష్ప. ఎర్రచందనం కథాంశంతో తెరకెక్కబోతోన్న ఈ మూవీపై అటు ఫ్యాన్స్‌తో పాటు ఇటు సాధారణ ప్రేక్షకుల్లోనూ భారీ అంచనాలు ఉన్నాయి. ఇక ఇందులో బన్నీ లారీ డ్రైవర్‌గా కనిపించనుండగా.. రష్మిక గిరిజన యువతి పాత్రలో నటించబోతున్నట్లు తెలుస్తోంది. అయితే వీరిద్దరి పాత్రలకు సంబంధించిన ఆసక్తికర వార్త ఒకటి టాలీవుడ్‌లో చక్కర్లు కొడుతోంది. అదేంటంటే.. ఇందులో వీరిద్దరి మధ్య రొమాన్స్‌ ఉండదట.

ఇంతవరకు తాను తెరకెక్కించిన ప్రతి చిత్రంలో హీరో, హీరోయిన్ మధ్య కచ్చితంగా రొమాన్స్‌ను పెడుతూ వస్తున్నారు సుకుమార్. కానీ ఈ సినిమాను లెక్కల మాస్టర్ విభిన్నంగా తెరకెక్కించబోతుండగా.. ఈ క్రమంలోనే హీరో, హీరోయిన్ మధ్య రొమాన్స్‌ లేకుండా పెడుతున్నట్లు తెలుస్తోంది. ఇక మరోవైపు ఈ మూవీలో రెండో హీరోయిన్ పాత్ర కోసం నివేథా థామస్‌ను సంప్రదిస్తున్నట్లు కూడా సమాచారం. అలాగే కియారా అద్వానీ గానీ, ఊర్వశీ రౌతెలా గానీ ఈ మూవీలో స్పెషల్ పాత్రలో కనిపించబోతున్నారని.. బాలీవుడ్ స్టార్ నటుడు విలన్‌గా నటించబోతున్నారని టాక్‌. మైత్రీ మూవీ మేకర్స్‌, ముత్తంశెట్టి క్రియేషన్స్ సంయుక్తంగా ఈ చిత్రాన్ని నిర్మిస్తున్నారు. దేవీ శ్రీ ప్రసాద్ సంగీతం అందిస్తోన్న ఈ మూవీని ఐదు భాషల్లో విడుదల చేయబోతున్నారు.

Read This Story Also: Breaking: ఛానెల్‌ సబ్‌ ఎడిటర్‌, సీనియర్ పాత్రికేయుడికి కరోనా..!