Peddi Pre-Release Event Updates: నేను చనిపోయే వరకు మిమ్మల్ని ఎంటర్టైన్ చేస్తూనే ఉంటా : రామ్ చరణ్

దివ్యేందు శర్మ మాట్లాడుతూ

దివ్యేందు శర్మ మాట్లాడుతూ.. ఇది నా తెలుగు మొదటి సినిమా.. నాకు చాలా ఆనందంగా ఉంది. ఇది బుచ్చిబాబు వల్లే అయ్యింది. ఈ సినిమా చేసేటప్పుడు చాలా సంతోషంగా అనిపించింది. తెలుగు ప్రేక్షకులు చాలా ఆదరించారు. రామ్ చరణ్ గురించి ఏం చెప్పినా తక్కువే.. అతనితో కలిసి నటించడం అంత ఈజీ కాదు.. ఆయన నన్ను చాలా బాగా చూసుకున్నారు.  ఇది కేవలం ఒక ఏరియా సినిమా కాదు.. ఇది పాన్ ఇండియా సినిమా..

పెద్ది సినిమా నాకు చరణ్‌తో నటించే ఛాన్స్ ఇచ్చింది: జాన్వీ కపూర్

జాన్వీ కపూర్ మాట్లాడుతూ..  నా జీవితానికి అర్ధం మిమ్మల్ని అలరించడం, సినిమాలు చేయడం.. నా ఐడెంటిటీ ఈ భూమితో, మీతో కనెక్ట్ అయ్యి ఉంది. మేము చేసిన ఈ సినిమా మీకు నచ్చుతుందని అనుకుంటున్నా.. ఈ సినిమా నాకు చాలా ఇచ్చింది. చరణ్ తో నటించే ఛాన్స్ ఇచ్చింది.. బుచ్చి బాబు నాకు తెలిసిన మోస్ట్ ప్యాషినేట్ డైరెక్టర్.. సినిమా టీమ్ అందరూ సినిమా కోసం బెస్ట్ ఇచ్చారు.

కొత్త సాంగ్ పాడిన ఏ‌ఆర్ రెహమాన్

ఇప్పటివరకు విడుదల కానీ బ్యాగ్రౌండ్ సాంగ్ ను స్టేజ్ పై పాడిన సింగర్స్.. ఇంగ్లీష్ లిరిక్స్ తో అదిరిపోయిన సాంగ్ అండ్ మ్యూజిక్

లైవ్ పర్ఫామెన్స్ తో అదరగొట్టిన ఏఆర్ రెహమాన్

లైవ్ పర్ఫామెన్స్ తో అదరగొట్టిన ఏఆర్ రెహమాన్.. పెద్ది సాంగ్స్ తో స్టేడియంలో ఉర్రుతలూగించిన రెహమాన్ అండ్ సింగర్స్

జగపతిబాబు మాట్లాడుతూ..

జగపతిబాబు మాట్లాడుతూ.. 1962లో బెజవాడ బెంజ్‌ సర్కిల్‌ దగ్గర సరోజినీ దేవి హాస్పిటల్‌లో నేను పుట్టాను. ‘పెద్ది’ సినిమా సినిమా ఇండస్ట్రీలోని వారికి పెద్ద దిక్కు అవుతుంది. అందరి ఆకలి, దాహం తీర్చే మూవీ ఇది. నాకు చాలా మంచి కేరక్టర్‌ వచ్చి 8 ఏళ్లయింది.  అరవింద సమేత తర్వాత పెద్ది కేరక్టర్‌ నా బెస్ట్, సినిమా కూడా బెస్ట్ మూవీ అవుతుంది అని జగపతిబాబు అన్నారు.  రామ్‌చరణ్‌ మెగా పవర్‌ ఏంటో ఈ సినిమాలో చూపిస్తాడు. ఏ స్టేట్‌కి వెళ్లినా, కంట్రీకి వెళ్లినా సిక్స్ కొట్టాడు..  ప్రతి షాటూ ఈ సినిమాలో సిక్స్ పడుతుంది. చరణ్‌ అంటే నాకు చాలా ఇష్టం.

బుచ్చిబాబు పోర్టబుల్‌ సైజులో ఉంటాడు. బఠానీ సైజ్‌లో ఇంతుంటాడు.. కానీ అతను అన్‌స్టాపబుల్‌!  ప్రతి పాత్రనూ తను డిజైన్‌ చేసిన విధానం బావుంటుంది. నా అదృష్టం సెకండ్‌ ఇన్నింగ్స్ లో ఇలాంటి వాళ్లతో పనిచేస్తున్నాను. జాన్వీ చాలా బాగా యాక్ట్ చేసింది అని అన్నారు

రామ్ చరణ్ ను చూసేందుకు ఎగబడ్డ అభిమానులు

రామ్ చరణ్ ను చూసేందుకు ఆయనను ఫోటోలు తీసేందుకు ఎగబడ్డ అభిమానులు

మాస్ ఎంట్రీ ఇచ్చిన రామ్ చరణ్

పెద్ది ప్రీ రిలీజ్ ఈవెంట్ కు గ్రాండ్ మాస్ ఎంట్రీ ఇచ్చిన మెగా పవర్ స్టార్ రామ్ చరణ్..

ఎంట్రీ ఇచ్చిన దర్శకుడు బుచ్చిబాబు

దర్శకుడు బుచ్చిబాబు పెద్ది ఈవెంట్ కు హాజరయ్యారు.

పెద్ది ఈవెంట్ కు హాజరైన జగపతిబాబు

రామ్ చరణ్ పెద్ది ప్రీ రిలీజ్ ఈవెంట్ కు జగపతిబాబు హాజరయ్యారు

సినిమాటోగ్రాఫర్‌ రత్నవేలు మాట్లాడుతూ..

ఐమ్యాక్స్ వెర్షన్‌లో రిలీజ్‌ కానుంది ‘పెద్ది’.  విజయవాడ నాకు నచ్చడానికి మూడు రీజన్స్ ఉన్నాయి.  సినిమాలో ఫిల్మ్ నెగటివ్‌ వాడాం.. ఢిల్లీలో ఎమోషనల్‌ పోర్షన్‌ ఉంది. దానికి ఆర్గానిక్‌ ఫీల్‌ రావడానికి ఫిల్మ్ నెగటివ్‌ వాడాం.. నేను ఫిల్మ్ నెగటివ్‌ వాడిన లాస్ట్ సినిమా ‘రోబో’. యుఎస్‌ నుంచి ఫిల్మ్ నెగటివ్‌ స్టాక్‌ తెప్పించాం..  క్రికెటర్‌ నుంచి పెహల్వాన్‌ కి రామ్ చరణ్ బాడీ ట్రాన్స్ఫర్మేషన్‌ సూపర్‌. నైట్‌ ఎఫెక్ట్ లో రెయిన్‌లో గద పట్టుకున్నప్పుడు గూస్‌బంప్స్ వచ్చాయి.

జాన్వీ కపూర్ ఎంట్రీ..

బాలీవుడ్ భామ జాన్వీ కపూర్ ఎంట్రీ ఇచ్చింది.. చీరకట్టులో చందమామలా మెరిసింది జాన్వీ కపూర్

అనంత్ శ్రీరామ్ మాట్లాడుతూ..

గాయాలైనా షూటింగ్‌లో పాల్గొన్నారు చరణ్..  అయ్యప్ప మాలలో ఉన్నా మల్లయోధుడిగా మెప్పించారు. చరణ్‌ కన్నా పెద్ద హీరో ‘పెద్ది’ కథ.  ‘పెద్ది’ కొండ కింది ఊరి రామాయణం, రామాయణం లాగా ‘పెద్ది కథ కూడా అంత బావుంటుంది.  పదేళ్లకు ఓ సారి వచ్చే సినిమాలా నిలిచిపోతుందని లిరిసిస్ట్ అనంత్ శ్రీరామ్ చెప్పుకొచ్చారు.

ఎంట్రీ ఇచ్చిన నటుడు దివ్యేందు శర్మ

నటుడు దివ్యేందు శర్మ ప్రీ రిలీజ్ ఈవెంట్ కు ఎంట్రీ ఇచ్చాడు. అతన్ని చూసి అభిమానులు కోలాహంతో అరుపులతో హోరెత్తించారు

యాంకర్ సుమ ఎంట్రీ..

పెద్ది ఈవెంట్ ను హోస్ట్ చేస్తున్న సుమ.. తన ఎనర్జీతో ఈవెంట్ మొదలుపెట్టిన సుమ కనకాల

పెద్ది ఈవెంట్ కు హాజరవుతున్న మూవీ టీమ్

పెద్ది ఈవెంట్ కు హాజరవుతున్న సినీ ప్రముఖులు, మూవీ టీమ్..  మరికాసేపట్లో హీరో, హీరోయిన్ ఈవెంట్ కు రానున్నారు.

పెద్ది నినాదాలతో హోరెత్తుతున్న స్టేడియం

పెద్ది ప్రీ రిలీజ్ ఈవెంట్‌కు భారీగా చేరుకున్న అభిమానులు.. స్టేడియం మొత్తం రామ్ చరణ్ పేరుతో మారుమ్రోగుతుంది.. పెద్ది పెద్ది అంటూ నినాదాలు చేస్తున్న అభిమానులు

భారీబందోబస్త ఏర్పాటు చేసిన పోలీసులు.. 

పెద్ది ఈవెంట్ గ్రాండ్ జరగనుండటంతో భారీగా అభిమానులు చేరుకోవడంతో.. ఎలాంటి అవాంఛనీయ సంఘటనలు జరగకుండా పోలీసులు భారీ బందోబస్త్ ఏర్పాటు చేశారు..

రామ్ చరణ్ కటౌట్స్‌తో పాటు బుచ్చిబాబు క్రేజీ కటౌట్స్

విజయవాడలో గ్రాండ్ గా ప్రీ రిలీజ్ ఏర్పాటు చేసిన మూవీ టీమ్.. రామ్ చరణ్ కటౌట్స్ తోపాటు బుచ్చిబాబు, జాన్వీకపూర్ కటౌట్స్ ప్రత్యేక ఆకర్షణగా నిలిచాయి. ముఖ్యంగా బుచ్చిబాబు పహిల్వాన్ గెటప్ లో ఉన్న కటౌట్స్ వైరల్ అవుతున్నాయి

మరికాసేపట్లో పెద్ది ప్రీరిలీజ్ ఈవెంట్

మరికాసేపట్లో పెద్ది ప్రీరిలీజ్ ఈవెంట్ మొదలు కానుంది. ఇప్పటికే స్టేడియం కు భారీగా అభిమానులు చేరుకున్నారు