Drushyam 2: హీరో వెంకటేష్‌కు ఓటీటీ వేదిక మరో హిట్ అందిస్తుందా..?

దృశ్యం’ సినిమాకు సీక్వెల్‌గా వెంకటేష్ దగ్గుబాటి హీరోగా ఈ చిత్రం రాబోతోంది. జీతూ జోసెఫ్ దర్శకత్వంలో రాబోతోన్న ఈ సినిమాలో మీనా, నదియ, నరేష్, కృతిక, ఈస్తర్ అనిల్, సంపత్ రాజ్, పూర్ణ నటించారు.

Venky

Rajeev Rayala | Edited By: Anil kumar poka

Updated on: Nov 14, 2021 | 8:20 AM

Drushyam 2: దృశ్యం’ సినిమాకు సీక్వెల్‌గా వెంకటేష్ దగ్గుబాటి హీరోగా ఈ చిత్రం రాబోతోంది. జీతూ జోసెఫ్ దర్శకత్వంలో రాబోతోన్న ఈ సినిమాలో మీనా, నదియ, నరేష్, కృతిక, ఈస్తర్ అనిల్, సంపత్ రాజ్, పూర్ణ నటించారు. ఇండియా, ప్రపంచ వ్యాప్తంగా 240 దేశాల్లో ఉన్న ప్రైమ్ మెంబర్స్ నవంబర్ 25న తెలుగు థ్రిల్లర్ అయిన దృశ్యం 2 సినిమాను చూడబోతోన్నారు. వెంకటేష్ దగ్గుబాటి నటించిన తెలుగు థ్రిల్లర్ దృశ్యం 2 సినిమా నవంబర్ 25న విడుదల కాబోతోన్నట్టు అమెజాన్ వీడియో నేడు ప్రకటించింది. ఇండియాతో పాటుగా 240 దేశాల్లో ఈ చిత్రం ప్రపంచ వ్యాప్తంగా విడుదల కాబోతోంది ఈ సినిమా. జీతూ జోసెఫ్ దర్శకత్వంలో రాబోతోన్న ఈ చిత్రాన్ని.. ఆంటోని పెరంబవూర్, రాజ్ కుమార్ సేతుపతి, సురేష్ బాబు కలిసి సురేష్ ప్రొడక్షన్స్, రాజ్ కుమార్ థియేటర్స్ అండ్ మ్యాక్స్ మూవీస్ బ్యానర్ల మీద సంయుక్తంగా నిర్మిస్తున్నారు.

“ఆరేళ్ల తరువాత రాంబాబు జీవితంలో మళ్లీ ఎలాంటి మార్పులు చోటు చేసుకున్నాయి.. కేస్ ఇన్వెస్టిగేషన్ ఎలా మలుపు తిరిగింది.. తన కుటుంబాన్ని కాపాడుకునేందుకు రాంబాబు ఎలాంటి ఎత్తులు వేశాడు? ఎలాంటి ప్రయత్నాలు చేశాడు? కథలో ప్రతీ మలుపు అందరినీ ఆకట్టుకునేలా ఉంటుంది. సీటు అంచున కూర్చోబెట్టేలా కథనం ఉంటుంది. ఇదిలా ఉంటే మలయాళంలో మోహన్ లాల్ నటించిన ఈ సీక్వెల్ కూడా ఓటీటీ వేదికగానే విడుదలైంది. అయితే మొదటి పార్ట్ తోపోల్చుకుంటే రెండో పార్ట్ అంతగా ఆకట్టుకోలేకపోయిందనే టాక్ వినిపించింది. అయితే ఇప్పుడు తెలుగులో ఈ సీక్వెల్ రాబోతుంది. మరి తెలుగు ప్రేక్షకులను దృశ్యం 2 ఆకట్టుకుంటుందా లేక మలయాళం మాదిరిగానే యావరేజ్ అనిపించుకుంటుందా అన్న అనుమానాలు వ్యక్తం అవుతున్నాయి. అయితే తెలుగు ప్రేక్షకులు థ్రిల్లర్ కథాంశాలను ప్రోత్సహిస్తారు కాబట్టి దృశ్యం 2 హిట్ అవ్వడం ఖాయం అంటున్నారు విశ్లేషకులు. ఇటీవలే అసురన్ రీమేక్ నారప్పతో సాలిడ్ హిట్ అనుకున్న వెంకీ .. దృశ్యం 2 తో కూడా విజయాన్ని తన ఖాతాలో వేసుకుంటారని అంటున్నారు. చూడాలి మరి ఏంజరుగుతుందో..

మరిన్ని ఇక్కడ చదవండి :