Sree Leela: ఓటీటీలోకి వచ్చేసిన శ్రీలీల మొదటి సినిమా తెలుగు వెర్షన్.. ‘ఐలవ్యూ ఇడియట్‌’ ఎందులో చూడొచ్చంటే?
తెలుగులో పెళ్లి సందడి సినిమాతో ఎంట్రీ ఇచ్చిన శ్రీలీల అంతకు ముందే కన్నడ వెండి తెరకు పరిచయమైంది. 2019లో కిస్‌, భరాతే అనే రెండు సినిమాల్లో హీరోయిన్‌గా నటించిందీ ముద్దుగుమ్మ. ఈక్రమంలో కన్నడ, మళయాళ, తమిళంలో సూపర్‌హిట్‌ అయిన సినిమాల్ని తెలుగులో తీసుకోస్తోన్న ప్రముఖ ఓటీటీ ప్లాట్‌ ఫామ్‌ ఆహా
Updated on: Apr 07, 2023 | 1:32 PM
రెండు సినిమాలే చేసినప్పటికీ టాలీవుడ్‌లో సెన్సేషన్‌ క్రియేట్‌ చేసింది శ్రీలీల. పెళ్లి పందిరి, ధమకా సినిమాలతో బ్యాక్ టు బ్యాక్ హిట్లు అందుకున్న ఈ అందాల భామ ఇప్పుడు స్టార్ హీరోలతో సినిమాలు చేస్తోంది. పవన్‌ కల్యాణ్‌, మహేశ్‌బాబు, రామ్‌ పోతినేని, పంజా వైష్ణవ్‌, నితిన్‌, నవీన్‌ పొలిశెట్టి వంటి స్టార్ హీరోల సినిమాల్లో హీరోయిన్‌గా ఛాన్స్‌లు కొట్టేసింది. అదే సమయంలో ఎన్‌బీకే 108లో బాలయ్య కూతురిగా కనిపించనుంది. అయితే తెలుగులో పెళ్లి సందడి సినిమాతో ఎంట్రీ ఇచ్చిన శ్రీలీల అంతకు ముందే కన్నడ వెండి తెరకు పరిచయమైంది. 2019లో కిస్‌, భరాతే అనే రెండు సినిమాల్లో హీరోయిన్‌గా నటించిందీ ముద్దుగుమ్మ. ఈక్రమంలో కన్నడ, మళయాళ, తమిళంలో సూపర్‌హిట్‌ అయిన సినిమాల్ని తెలుగులో తీసుకోస్తోన్న ప్రముఖ ఓటీటీ ప్లాట్‌ ఫామ్‌ ఆహా శ్రీలీల ఫస్ట్ మూవీ కిస్‌ని ప్రేక్షకుల ముందుకు తీసుకొచ్చింది.
కాగా 2019లో వచ్చిన కిస్‌ మూవీ యావరేజ్ గా నిలిచినప్పటికీ.. శ్రీలీలకు మాత్రం మంచి క్రేజ్‌ తీసుకొచ్చింది. పైగా ఇందులో ఎంతో రొమాంటిక్‌గా కనిపించి కుర్రకారుకు నిద్రలేకుండా చేసిందీ యంగ్‌ బ్యూటీ. ఈక్రమంలో నాలుగేళ్ల క్రితం రిలీజైన కిస్‌ను ఐలవ్యూ ఇడియట్‌ పేరుతో తెలుగులోకి రిలీజ్‌ చేసింది ఆహా. ఇవాల్టి (ఏప్రిల్‌ 7) నుంచే ఈ రొమాంటిక్‌ సినిమాను స్ట్రీమింగ్‌ చేస్తున్నట్లు సోషల్‌ మీడియా వేదికగా అధికారికంగా ప్రకటించారు. మరి మొదటి సినిమాలో శ్రీలీల ఎలా ఉందో తెలుసుకోవాలంటే ఆహాలో స్ట్రీమింగ్‌ అవుతోన్న ఐలవ్యూ ఇడియట్‌ను చూసేయండి.
View this post on Instagram
మరిన్ని సినిమా వార్తల కోసం క్లిక్ చేయండి..
