Boys Hostel OTT: ఓటీటీలోకి రీసెంట్‌ సూపర్‌హిట్‌ సినిమా.. ‘బాయ్స్‌ హాస్టల్‌’ స్ట్రీమింగ్‌ ఎప్పుడు, ఎక్కడంటే?

జులై 21న రిలీజైన ఈ మూవీ బాక్సాఫీస్‌ వద్ద భారీ కలెక్షన్లను రాబట్టింది. సరిగ్గా నెల తర్వాత ఇదే సినిమాను 'బాయ్స్‌ హాస్టల్‌' పేరుతో తెలుగులో కూడా విడుదల చేశారు. ఇక్కడి ప్రేక్షకులకు తగ్గట్టుగా తెలుగు వెర్షన్‌లో చాలా మార్పులు చేసి రిలీజ్‌ చేశారు. ఒరిజనల్‌ వెర్షన్‌లో రిష‌బ్ శెట్టి, ర‌మ్య పోషించిన పాత్రలను తెలుగులో తరుణ్‌ భాస్కర్‌, రష్మీ గౌతమ్‌లు కనిపించడం విశేషం. దీంతో బాయ్స్‌ హాస్టల్‌ మూవీకి మంచి స్పందన వచ్చింది

Boys Hostel Movie

Basha Shek |
Updated on: Sep 12, 2023 | 7:14 AM

ఇటీవల కన్నడ సినిమాలు కూడా పాన్‌ ఇండియా రేంజ్‌లో హిట్‌ అవుతున్నాయి. కేజీఎఫ్‌-1,2, చార్లీ, కాంతారా తదితర సినిమాలు అన్ని భాషల ప్రేక్షకులను ఆకట్టుకున్నాయి. అలా ఇటీవల కన్నడలో రిలీజై సూపర్‌హిట్‌గా నిలిచిన చిత్రం హాస్ట‌ల్ హుదుగురు బెక‌గిద్దారే. ఎలాంటి అంచనాలు లేకుండా చిన్న సినిమాగా విడుదలైన ఈ యూత్‌ఫుల్‌ కామెడీ ఎంటర్‌టైనర్‌ కన్నడ ఆడియెన్స్‌ను అమితంగా ఆకట్టుకుంది. జులై 21న రిలీజైన ఈ మూవీ బాక్సాఫీస్‌ వద్ద భారీ కలెక్షన్లను రాబట్టింది. సరిగ్గా నెల తర్వాత ఇదే సినిమాను ‘బాయ్స్‌ హాస్టల్‌’ పేరుతో తెలుగులో కూడా విడుదల చేశారు. ఇక్కడి ప్రేక్షకులకు తగ్గట్టుగా తెలుగు వెర్షన్‌లో చాలా మార్పులు చేసి రిలీజ్‌ చేశారు. ఒరిజనల్‌ వెర్షన్‌లో రిష‌బ్ శెట్టి, ర‌మ్య పోషించిన పాత్రలను తెలుగులో తరుణ్‌ భాస్కర్‌, రష్మీ గౌతమ్‌లు కనిపించడం విశేషం. దీంతో బాయ్స్‌ హాస్టల్‌ మూవీకి మంచి స్పందన వచ్చింది. కలెక్షన్లు కూడా ఓ మోస్తరుగా వచ్చాయి. యూత్‌ను థియేటర్లకు రప్పించిన బాయ్స్‌ హాస్టల్‌ మూవీ ఇప్పుడు డిజిటల్‌ స్ట్రీమింగ్‌కు సిద్ధమైంది. ప్రముఖ ఓటీటీ ప్లాట్‌ఫామ్‌ జీ 5 బాయ్స్‌ హాస్టల్‌ సినిమా డిజిటల్‌ స్ట్రీమింగ్‌ హక్కులను కొనుగోలు చేసింది. సెప్టెంబర్‌ 15 నుంచి ఈ సినిమా ఓటీటీలోకి అందుబాటులోకి రానుంది.

ఇవి కూడా చదవండి

వార్దెన్‌ శవంతో ఏం చేశారంటే?

బాయ్స్‌ హాస్టల్‌ సినిమాకు నితిన్‌ కృష్ణమూర్తి దర్శకత్వం వహించారు. తెలుగులో ఛాయ్ బిస్కెట్ ఫిల్మ్స్‌ తో క‌లిసి అన్న‌పూర్ణ స్టూడియోస్ సంయుక్తంగా ఈ కామెడీ ఎంటర్‌టైనర్‌ను విడుదల చేశాయి. కాంతార, విరూపాక్ష సినిమాలకు స్వరాలు సమకూర్చిన అజనీష్ లోక్‌నాథ్ ఈ సినిమాకు స్వరాలు అందించారు. ఇక బాయ్స్ హాస్టల్‌ సినిమా కథ విషయానికి వస్తే.. హాస్టల్ లో ఉండే అజిత్‌కు షార్ట్ ఫిల్మ్ తీయాలనుకుంటాడు. స్టోరీని హాస్టల్‌ రూమ్‌మేట్స్‌కు చెబుతుంటాడు. అయితే షార్ట్‌ఫిల్మ్‌లో మాదిరిగానే నిజంగానే వారి హాస్ట‌ల్ వార్డెన్ చ‌నిపోతాడు. అతని వద్ద ఒక సూసైడ్‌ లెటర్‌ కూడా లభిస్తుంది అందులో అజిత్‌తో పాటు అతని స్నేహితుల పేర్లు రాసి ఉంటాయి. మరి వార్డెన్‌ శవాన్ని దాచి పెట్టేందుకు హాస్టల్‌ బాయ్స్‌ ఎలాంటి ప్రయత్నాలు చేశారు. ఈక్రమంలో వారికి ఎదురైన అనుభవాలను చక్కటి హాస్యంతో తెరకెక్కించారు. ఆద్యంతం ఫన్‌ఫుల్‌ ఎంటర్‌టైనర్‌గా సాగే ఈ మూవీని థియేటర్లలో మిస్‌ అయ్యుంటే ఓటీటీలో చూసి కడుపుబ్బా నవ్వుకోండి.