OTT Movies: ఎంటర్టైన్మెంట్ డబుల్ ఫన్.. ఫిబ్రవరిలో ఓటీటీలోకి వచ్చే బ్లాక్‌బస్టర్ చిత్రాలివే!
ఫిబ్రవరిలో ఓటీటీ వేదికగా ప్రేక్షకులను అలరించేందుకు బ్లాక్‌బస్టర్ మూవీస్ సిద్దంగా ఉన్నాయి. థియేటర్లలో సందడి చేసిన సినిమాలు..
Updated on: Jan 26, 2023 | 6:55 PM
ఫిబ్రవరిలో ఓటీటీ వేదికగా ప్రేక్షకులను అలరించేందుకు బ్లాక్‌బస్టర్ మూవీస్ సిద్దంగా ఉన్నాయి. థియేటర్లలో సందడి చేసిన సినిమాలు.. కొన్ని 4 వారాలకు ఓటీటీల్లోకి స్ట్రీమింగ్‌కు అందుబాటులోకి వస్తే.. మరికొన్ని 8 వారాలకు రిలీజ్ అవుతాయి. అయితే వచ్చే నెలలో మాత్రం సంక్రాంతి సినిమాలు ఓటీటీలోకి వస్తాయని తెలుస్తోంది. మరి ఏ సినిమా ఎక్కడ స్ట్రీమింగ్ కానుందో.? ఇప్పుడు తెలుసుకుందామా.?
-
బ్లాక్ పాంథర్(వఖండా ఫరెవర్):
బ్లాక్ పాంథర్ సిరీస్ నుంచి వచ్చిన రీసెంట్ చిత్రం ‘వఖండా ఫరెవర్’. ఈ సినిమా 2022, నవంబర్ 11న విడుదలై.. ప్రపంచవ్యాప్తంగా సూపర్ హిట్ అయ్యింది. ఇక ఇప్పుడు ఈ చిత్రం ఓటీటీలో స్ట్రీమింగ్‌కు సిద్దమైంది. ఫిబ్రవరి 1 నుంచి డిస్నీ+ హాట్‌స్టార్‌లో అందుబాటులో ఉండనుంది.
-
వరిసు:
దళపతి విజయ్, దర్శకుడు వంశీ పైడిపల్లి కాంబినేషన్‌లో తెరకెక్కిన చిత్రం ‘వరిసు’. ఈ చిత్రం తమిళంలో జనవరి 11న.. తెలుగులో జనవరి 14న విడుదలైంది. రెండు భాషల్లో సూపర్ హిట్ టాక్ తెచ్చుకుని బాక్సాఫీస్ దగ్గర భారీ కలెక్షన్లు రాబట్టింది. ఇందులో విజయ్ సరసన రష్మిక మందన్నా హీరోయిన్‌గా నటించింది. థియేటర్ల సందడి చేసిన ఈ చిత్రం అమెజాన్ ప్రైమ్ వీడియోలో ఫిబ్రవరి 10న స్ట్రీమింగ్ కానుందని సమాచారం. అయితే దీనిపై ఇంకా అధికారిక ప్రకటన రావాల్సి ఉంది.
-
తునివు:
అజిత్ కుమార్, మంజు వారియర్ జంటగా దర్శకుడు హెచ్. వినోత్ రూపొందించిన చిత్రం ‘తునివు’. సంక్రాంతి కానుకగా జనవరి 11న ఈ చిత్రం తమిళం, తెలుగు భాషల్లో విడుదలైంది. మాస్, యాక్షన్ ఎంటర్టైనర్గా తెరకెక్కిన ఈ మూవీ బాక్సాఫీస్ దగ్గర సూపర్ హిట్‌గా నిలిచింది. ఇక ఈ సినిమా ఫిబ్రవరి 10న నెట్‌ఫ్లిక్స్ వేదికగా స్ట్రీమింగ్ కానుందని సమాచారం. దీనిపై త్వరలోనే అధికారిక ప్రకటన రానుంది.
వీటితో పాటు చిరంజీవి నటించిన ‘వాల్తేరు వీరయ్య’ ఫిబ్రవరి సెకండ్ వీక్‌లో నెట్‌ఫ్లిక్స్ వేదికగా.. బాలకృష్ణ హీరోగా వచ్చిన ‘వీరసింహరెడ్డి’ డిస్నీ+ హాట్‌స్టార్‌లో ఫిబ్రవరి మూడో వారం నుంచి స్ట్రీమింగ్ అవుతాయని తెలుస్తోంది. అయితే అఫీషియల్ అనౌన్స్‌మెంట్ మాత్రం రావాల్సి ఉంది. ఒకవేళ ఈ చిత్రాలకు వచ్చే నెలలో డేట్స్ కన్ఫర్మ్ అయితే.. ఫ్యాన్స్‌కు మాస్ జాతరేనని చెప్పాలి.
మరిన్ని ఎంటర్టైన్మెంట్ న్యూస్ కోసం..
