OTT Movies: ఓటీటీ ఆడియెన్స్ గెట్ రెడీ.. ఈ వారం స్ట్రీమింగ్‌కు 25కు పైగా సినిమాలు.. ఫుల్ లిస్ట్ ఇదిగో

ఈ వారం డార్లింగ్, పేక మేడలు వంటి చిన్న సినిమాలు మాత్రమే థియేటర్లలో రిలీజ్ అవుతున్నాయి. దీంతో సినిమా లవర్స్ ఓటీటీ రిలీజుపై దృష్టి సారించారు. ఈ వారం సుమారు 25కు పైగా సినిమాలు, వెబ్ సిరీస్ లు స్ట్రీమింగ్ కు రానున్నాయి. పృథ్వీరాజ్ సుకుమారన్ నటించిన బ్లాక్ బస్టర్ మూవీ ఆడు జీవితం ఈ వారం అందరి దృష్టిని ఆకర్షిస్తుంది.

Ott Movies

Updated on: Jul 15, 2024 | 10:31 AM

ప్రస్తుతం థియేటర్ల దగ్గర కల్కి హంగామానే కనిపిస్తోంది. గత వారం రిలీజైన భారతీయుడు 2 కు నెగెటివ్ టాక్ రావడంతో కొత్త మూవీస్ కోసం సినిమా లవర్స్ ఎదురుచూస్తున్నారు. కానీ ఈ వారం డార్లింగ్, పేక మేడలు వంటి చిన్న సినిమాలు మాత్రమే థియేటర్లలో రిలీజ్ అవుతున్నాయి. దీంతో సినిమా లవర్స్ ఓటీటీ రిలీజుపై దృష్టి సారించారు. ఈ వారం సుమారు 25కు పైగా సినిమాలు, వెబ్ సిరీస్ లు స్ట్రీమింగ్ కు రానున్నాయి. పృథ్వీరాజ్ సుకుమారన్ నటించిన బ్లాక్ బస్టర్ మూవీ ఆడు జీవితం ఈ వారం అందరి దృష్టిని ఆకర్షిస్తుంది. అలాగే అంజలి ‘బహిష్కరణ’ వెబ్ సిరీస్, నాగేంద్రన్స్ హనీమూన్ అనే తెలుగు డబ్బింగ్ వెబ్ సిరీస్ లు కూడా ఆసక్తిని రేపుతున్నాయి. వీటితో పాటు ఇంగ్లిష్, హిందీ భాషలకు చెందిన పలు సినిమాలు, వెబ్ సిరీస్ లు స్ట్రీమింగ్ కు రానున్నాయి. మరి జూన్ 3 వారంలో వివిధ ఓటీటీ ప్లాట్ ఫామ్స్ లో స్ట్రీమింగ్ కు రానున్న సినిమాల లిస్ట్ పై ఒక లుక్కేద్దాం రండి.