Galodu: ఓటీటీలోకి వచ్చేస్తున్న సుడిగాలి సుధీర్ గాలోడు.. స్ట్రీమింగ్ ఎప్పుడు.. ఎక్కడంటే..
మినిమమ్ అంచనాలతో విడుదలైన ఈ మూవీ అన్ని వర్గాల ప్రేక్షకుల నుంచి మంచి రెస్పాన్స్ అందుకుంది. ఇందులో సుధీర్ సరసన గెహెనా సిప్పి నటించింది. విడుదలైన మొదటి రోజు నుంచే ఈ సినిమా మంచి
Updated on: Nov 26, 2022 | 5:13 PM
బుల్లితెరపై కమెడియన్గా కెరీర్ స్టార్ట్ చేసి ప్రస్తుతం వెండితెరపై హీరోగా మెప్పిస్తున్నాడు సుడిగాలి సుధీర్. తెలుగు రాష్ట్రాల్లో సుధీర్కు మంచి క్రేజ్ ఉన్న సంగతి తెలిసిందే. అటు హీరోగా పలు చిత్రాల్లో నటిస్తునే.. యాంకర్గానూ సత్తా చాటుతున్నాడు. ఇప్పటికే సాఫ్ట్ వేర్ సుధీర్, 3 మంకీస్ చిత్రాలతో హీరోగా అలరించిన సుధీర్.. ఇటీవల గాలోడు సినిమాతో వెండితెరపై సందడి చేశారు. యాక్షన్ ఎంటర్టైనర్ గా వచ్చిన ఈ మూవీలో సుధీర్ ఫుల్ మాస్ లుక్లో కనిపించి ఆకట్టుకున్నాడు. మినిమమ్ అంచనాలతో విడుదలైన ఈ మూవీ అన్ని వర్గాల ప్రేక్షకుల నుంచి మంచి రెస్పాన్స్ అందుకుంది. ఇందులో సుధీర్ సరసన గెహెనా సిప్పి నటించింది. విడుదలైన మొదటి రోజు నుంచే ఈ సినిమా మంచి కలెక్షన్స్ రాబట్టింది. విడుదలైన నాలుగు రోజుల్లోనే రూ. 3 కోట్ల షేర్ రాబట్టినట్లు తెలుస్తోంది. అంతేకాకుండా ఈ సినిమా సుధీర్ కెరీర్లోనే సూపర్ హిట్ గా నిలిచింది. ఇక ఇప్పుడు ఈ మూవీ ఓటీటీలో సందడి చేసేందుకు సిద్ధమైంది.
ఈ సినిమా డిజిటల్ స్ట్రీమింగ్కు సంబంధించి ప్రముఖ ఓటీటీ సంస్థ భారీ డీల్ కుదుర్చుకున్నట్లుగా టాక్ వినిపిస్తుంది. ప్రస్తుతం సుధీర్ క్రేజ్ దృష్టిలో పెట్టుకుని డిస్నీ ప్లస్ హాట్ స్టార్ ఈ మూవీని రూ. 5 కోట్లకు స్ట్రీమింగ్ హక్కులను సొంతం చేసుకున్నట్లుగా తెలుస్తోంది. త్వరలోనే ఈ మూవీ స్ట్రీమింగ్ డేట్ అనౌన్స్ చేయనున్నారు. మరోవైపు ఈ సినిమా ప్రస్తుతం థియేటర్లలో సక్సెస్ ఫుల్ గా రన్ అవుతుంది.
ఇక కొంతకాలంగా జబర్దస్త్ కామెడీ షోకు దూరంగా ఉన్న సుధీర్.. ఇప్పుడు మళ్లీ రీఎంట్రీ ఇవ్వబోతున్నట్లుగా తెలిపారు. అలాగే ప్రముఖ ఓటీటీ ఆహాలో స్ట్రీమింగ్ అవుతున్న కామెడీ ఎక్సేంజ్ షోలోనూ అలరిస్తున్నారు.
