OTT Movie: మైండ్ బ్లోయింగ్ ట్విస్టులు.. ఊహించని మలుపులు.. ఓటీటీలోకి సస్పెన్స్ థ్రిల్లర్..

మలయాళంలో ఎలాంటి అంచనాలు లేకుండా వచ్చిన చిన్న చిత్రాలు బాక్సాఫీస్ వద్ద సూపర్ హిట్ అయ్యాయి. స్టార్స్ లేకుండానే వచ్చిన సినిమాలకు మంచి రెస్పాన్స్ వచ్చింది. హారర్, సస్పెన్స్ థ్రిల్లర్, మిస్టరీ చిత్రాలు ప్రేక్షకులను ఆకట్టుకున్నాయి. తాజాగా ఈ శుక్రవారం ఓటీటీలోకి సరికొత్త చిత్రాలు వచ్చాయి. అందులో మలయాళంలో రూపొందించిన సస్పెన్స్ థ్రిల్లర్ మూవీ సీక్రెట్ ఒకటి. ఇందులో ధ్యాన్ శ్రీనివాసన్, అపర్ణ దాస్ హీరోహీరోయిన్లుగా నటించారు. ఈ చిత్రానికి ఎస్ఎస్ స్వామి దర్శకత్వం వహించగా.. గతేడాది జూలైలో థియేటర్లలో విడుదలైన ఈ సినిమాకు పాజిటివ్ రెస్పాన్స్ వచ్చింది. ఐఎమ్డీబీలో 7.3 రేటింగ్ సొంతం చేసుకుంది. దేవుడు, జాతకాలపై నమ్మకం లేని ఓ వ్యక్తి విధిని ఎదురించి ఎలాంటి పోరాటం చేశాడనే అంశాలతో ఆద్యంత మైండ్ బ్లోయింగ్ ట్విస్టులు.. ఊహించని మలుపులతో ఈ చిత్రాన్ని రూపొందించాడు డైరెక్టర్ స్వామి.

థియేటర్లలో సూపర్ హిట్ అయిన ఈ సినిమా ఇప్పుడు ఓటీటీలోకి వచ్చేసింది. ప్రముఖ ఓటీటీ ప్లాట్ ఫామ్ సన్ నెక్ట్స్ ఓటీటీలో ఈ సినిమా శుక్రవారం నుంచి స్ట్రీమింగ్ అవుతుంది. అలాగే మనోరమా మ్యాక్స్ ఓటీటీలోనూ అందుబాటులోకి వచ్చింది. రెండు ఓటీటీలో కేవలం మలయాళం వెర్షన్ మాత్రమే అందుబాటులోకి వచ్చింది.

కథ విషయానికి వస్తే..

మిథున్ (ధ్యాన్ శ్రీనివాసన్) తన ముగ్గురు ప్రాణ స్నేహితులతో కలిసి ఓ పెళ్లికి వెళతాడు. అనుకోకుండా అక్కడ ఓ జ్యోతిష్యుడిని కలుస్తాడు. మిథున్ పెళ్లి చేసుకోబోయే అమ్మాయి శ్రేయ తొందర్లోనే చనిపోతుందని జ్యోతిష్యుడు చెప్పడంతో జాతకాలపై నమ్మకం లేని మిథున్ అతడి మాటాలను పట్టించుకోడు. కానీ ఆ తర్వాత శ్రేయకు వరుసగా ప్రమాదాలు జరుగుతుంటాయి. శ్రేయను మిథున్ ఎలా కాపాడుకున్నాడు.. ? విధికి, నమ్మకాలకు మధ్య జరిగిన పోరాటంలో మిథున్ ఎలాంటి సంఘర్షణను ఎదుర్కొన్నాడన్నదే కథ.

ఇది చదవండి : Tollywood: చేసిన సినిమాలన్ని ప్లాప్.. అయినా తగ్గని క్రేజ్.. గుర్రపు స్వారీ చేస్తోన్న ఈ హీరోయిన్ ఎవరంటే..

Tollywood: రూ.2 కోట్ల యాడ్ రిజెక్ట్ చేసింది.. స్టార్ హీరోల కంటే ఎక్కువ ఫాలోయింగ్.. ఎవరో తెలుసా.. ?

Tollywood: అరె ఏంట్రా ఇది.. ఇప్పుడు గ్లామర్‏తో మెంటలెక్కిస్తోన్న వయ్యారి.. గుర్తుపట్టారా..?

మరిన్ని సినిమా వార్తల కోసం ఇక్కడ క్లిక్ చేయండి.