Horoscope Today: వారి ఆర్థిక పరిస్థితి చక్కబడుతుంది.. 12 రాశుల వారికి రాశిఫలాలు

దిన ఫలాలు (జనవరి 11, 2025): మేష రాశి వారికి వృత్తి, ఉద్యోగాల్లో అధికార యోగం పట్టే సూచనలున్నాయి. వృషభ రాశి వారి ఆదాయానికి, ఆరోగ్యానికి లోటుండదు. మిథున రాశి వారు ఎటువంటి ప్రయత్నం తలపెట్టినా తప్పకుండా విజయవంతం అవుతుంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..

మేషం (అశ్విని, భరణి, కృత్తిక 1)

ఉద్యోగంలో సానుకూల పరిస్థితులుంటాయి. వృత్తి, ఉద్యోగాల్లో అధికార యోగం పట్టే సూచనలున్నాయి. ఆర్థికంగా ఆశించిన పురోగతి ఉండే అవకాశం ఉంది. వృత్తి, వ్యాపారాలు లాభదాయ కంగా సాగిపోతాయి. అదనపు ఆదాయ మార్గాలు సంతృప్తికరంగా కొనసాగుతాయి. ఆరోగ్యం పట్ల శ్రద్ధ తీసుకోవాలి. ప్రముఖులతో పరిచయాలు పెరుగుతాయి. మీ మాటకు విలువ ఉంటుంది. బంధుమిత్రులు మీ సలహాలు స్వీకరించి లబ్ధి పొందుతారు. నిరుద్యోగులకు ఉద్యోగ యోగం పడుతుంది.

వృషభం (కృత్తిక 2,3,4, రోహిణి, మృగశిర 1,2)

ఆదాయానికి, ఆరోగ్యానికి లోటుండదు. ఏ రంగంలో ఉన్నవారికైనా ఆదాయం పెరగడం జరుగుతుంది. ముఖ్యమైన వ్యక్తిగత సమస్యలు పరిష్కారం అయి, ఊరట కలుగుతుంది. వృత్తి, ఉద్యోగాలు ప్రోత్సాహకరంగా సాగిపోతాయి. వ్యాపారాల్లో లాభాలు పెరుగుతాయి. ఆధ్యాత్మిక చింతన పెరుగుతుంది. కొత్త ఉద్యోగ ప్రయత్నాలు ఫలిస్తాయి. అప్రయత్నంగా పెళ్లి సంబంధం కుదిరే సూచనలున్నాయి. పిల్లలు బాగా పురోగతి చెందుతారు. జీవిత భాగస్వామితో అన్యోన్యత పెరుగుతుంది.

మిథునం (మృగశిర 3,4, ఆర్ద్ర, పునర్వసు 1,2,3)

ఎటువంటి ప్రయత్నం తలపెట్టినా తప్పకుండా విజయవంతం అవుతుంది. వృత్తి, ఉద్యోగాలలో శుభ పరిణామాలు చోటు చేసుకుంటాయి. పదోన్నతితో పాటు జీతభత్యాలు పెరిగే అవకాశం ఉంది. అనేక విధాలుగా ఆదాయం పెరిగే అవకాశం ఉంది. సమాజంలో గౌరవ మర్యాదలు పెరుగు తాయి. తల్లితండ్రుల్లో ఒకరి ఆరోగ్యం కొద్దిగా ఆందోళన కలిగిస్తుంది. కుటుంబ పెద్దల జోక్యంతో సోదరులతో ఆస్తి వివాదం పరిష్కారం అవుతుంది. ఆహార, విహారాల్లో జాగ్రత్తలు పాటించడం మంచిది.

కర్కాటకం (పునర్వసు 4, పుష్యమి, ఆశ్లేష)

శ్రమ, తిప్పట ఉన్నప్పటికీ అనుకున్న పనులు అనుకున్నట్టు పూర్తవుతాయి. ఏ ప్రయత్నం తలపెట్టినా విజయవంతం అవుతుంది. వృత్తి, వ్యాపారాల్లో కీలకమైన మార్పులు చేపట్టి లబ్ధి పొందుతారు. ఉద్యోగంలో అధికార యోగానికి అవకాశం ఉంది. ఆదాయం బాగానే పెరుగుతుంది. నిరుద్యోగుల కొత్త ఉద్యోగ ప్రయత్నాలు తప్పకుండా ఫలిస్తాయి. వ్యక్తిగత సమస్యలు తగ్గుముఖం పడతాయి. కుటుంబ జీవితం హ్యాపీగా, సాఫీగా సాగిపోతుంది. పిల్లల నుంచి శుభవార్తలు వింటారు.

సింహం (మఖ, పుబ్బ, ఉత్తర 1)

ఉద్యోగపరంగా మంచి అదృష్టం చోటు చేసుకునే అవకాశం ఉంది. వృత్తి, ఉద్యోగాల్లో ప్రాధాన్యం పెరుగుతుంది. అధికారులు ఎక్కువగా మీ మీద ఆధారపడే అవకాశం ఉంది. వ్యాపారాలు లాభ సాటిగా సాగుతాయి. నిరుద్యోగుల ప్రయత్నాలు సానుకూలంగా ఉంటాయి. బంధువర్గంలో పెళ్లి సంబంధం కుదరవచ్చు. ఒకరిద్దరు బంధుమిత్రులకు ఆర్థికంగా సహాయం చేస్తారు. దైవ కార్యాల్లో పాల్గొంటారు. స్వల్ప అనారోగ్య సూచనలున్నాయి. విదేశాల నుంచి ఆశించిన సమాచారం అందు తుంది.

కన్య (ఉత్తర 2,3,4, హస్త, చిత్త 1,2)

ఆదాయాన్ని వృద్ది చేసుకోవడానికి సమయం బాగా అనుకూలంగా ఉంది. అదనపు ఆదాయ ప్రయత్నాలు చాలావరకు విజయవంతం అవుతాయి. ఒకటి రెండు ముఖ్యమైన ఆర్థిక సమస్యలు పరిష్కారం అవుతాయి. కొత్త ఉద్యోగ, పెళ్లి ప్రయత్నాలకు సానుకూల స్పందన లభిస్తుంది. ఉద్యో గంలో అధికార యోగం పట్టే అవకాశం ఉంది. వృత్తి జీవితంలో ఆశించిన గుర్తింపు లభిస్తుంది. వ్యాపారులు అంచనాలకు మించి లాభాలు గడిస్తారు. ఆరోగ్యం విషయంలో జాగ్రత్తగా ఉండడం మంచిది.

తుల (చిత్త 3,4, స్వాతి, విశాఖ 1,2,3)

వృత్తి, ఉద్యోగాల్లో ప్రాధాన్యం, ప్రాభవం పెరుగుతాయి. కొత్త ఉద్యోగ ప్రయత్నాలు సఫలమవుతాయి. వ్యాపారాల్లో ఆశించిన స్థాయిలో లాభాలు పెరుగుతాయి. నిరుద్యోగులకు దూర ప్రాంతం నుంచి మంచి ఆఫర్ అందే అవకాశం ఉంది. ధనపరంగా ఎవరికీ వాగ్దానాలు చేయడం గానీ, హామీలు ఉండడం గానీ చేయవద్దు. ప్రముఖులతో సాన్నిహిత్యం పెరుగుతుంది. కుటుంబ జీవితంలో ఒక శుభ పరిణామం చోటు చేసుకుంటుంది. ఆధ్యాత్మిక చింతన పెరిగి దైవ కార్యాల్లో పాల్గొంటారు.

వృశ్చికం (విశాఖ 4, అనూరాధ, జ్యేష్ట)

ఉద్యోగ జీవితంలో మీ ప్రతిభకు, సమర్థతకు పాటవాలకు మంచి గుర్తింపు లభిస్తుంది. వృత్తి, వ్యాపారాల్లో ఆశించిన లాభాలు ఇస్తారు. ఆదాయం నిలకడగా ఉంటుంది. ఆహార, విహారాల్లో జాగ్ర త్తగా ఉండాల్సిన అవసరం ఉంది. ఉద్యోగ, పెళ్లి ప్రయత్నాలు సానుకూలపడతాయి. బంధువుల నుంచి శుభవార్తలు వింటారు. మిత్రుల సహాయ సహకారాలతో ముఖ్యమైన వ్యవహారాలు పూర్తి చేస్తారు. ఇతరుల విషయాల్లో తలదూర్చవద్దు. ఎదురు చూస్తున్న సమాచారం అందుతుంది.

ధనుస్సు (మూల, పూర్వాషాఢ, ఉత్తరాషాఢ 1)

ఉద్యోగ జీవితం ఉత్సాహంగా, అనుకూలంగా సాగిపోతుంది. వృత్తి జీవితంలో డిమాండ్ బాగా పెరుగుతుంది. వ్యాపారాల్లో ఆశించిన లాభాలు ఆర్జిస్తారు. ఆరోగ్యం బాగానే ఉంటుంది. ఆర్థిక పరిస్థితి చక్కబడుతుంది. కుటుంబ జీవితం సజావుగా సాగిపోతుంది. జీవిత భాగస్వామితో అన్యోన్యత పెరుగుతుంది. ఆదాయం బాగా వృద్ధి చెందే అవకాశముంది. చిన్ననాటి మిత్రులతో విందు కార్యక్రమంలో పాల్గొంటారు. నిరుద్యోగులకు విదేశాల నుంచి ఆశించిన సమాచారం అందుతుంది.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో శుభ పరిణామాలు చోటు చేసుకుంటాయి. ఉద్యోగంలో హోదా పెరిగే అవకాశం ఉంది. వృత్తి, వ్యాపారాలు అంచనాలకు మించి అభివృద్ధి చెందుతాయి. కుటుంబ జీవితంలో శుభ వార్తలు వింటారు. అనుకున్న పనులు అనుకున్నట్టు పూర్తవుతాయి. ఆర్థిక పరిస్థితి చాలావరకు మెరుగు పడుతుంది. ఆరోగ్యం సజావుగా సాగిపోతుంది. ఎటువంటి ప్రయత్నం తలపెట్టినా సఫలం అవు తుంది. ఆదాయం కొద్దిగా వృద్ది చెందే అవకాశం ఉంది. ఉద్యోగ, పెళ్లి ప్రయత్నాలు ఒక కొలిక్కి వస్తాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

వృత్తి, ఉద్యోగాల్లో పని భారం బాగా పెరుగుతుంది. అధికారులు అతిగా ఆధారపడే అవకాశం ఉంది. వ్యాపారాల్లో నష్టాల నుంచి కొద్దిగా బయటపడతారు. ఆశించిన స్థాయిలో ఆదాయం వృద్ధి చెందుతుంది. అయితే, ఆర్థికంగా వాగ్దానాలు చేయడం, హామీలు ఉండడం మంచిది కాదు. సొంత పనులు మీద శ్రద్ద పెట్టడం మంచిది. నిరుద్యోగులకు విదేశాల నుంచి కూడా ఆఫర్లు అందే అవ కాశం ఉంది. ఆరోగ్యానికి లోటుండదు. కుటుంబ జీవితం ఉత్సాహంగా, ఉల్లాసంగా సాగిపోతుంది.

మీనం (పూర్వాభాద్ర 4, ఉత్తరాభాద్ర, రేవతి)

ఉద్యోగంలో అనుకోకుండా మంచి అధికార యోగం పట్టే అవకాశం ఉంది. వ్యక్తిగత సమస్యలు ఒకటి రెండు పరిష్కారం అవుతాయి. వృత్తి జీవితంలో యాక్టివిటీ పెరుగుతుంది. వ్యాపారాల్లో లాభాలకు లోటుండదు. ఆర్థిక ప్రయత్నాలు ఆశించిన దాని కంటే ఎక్కువగా సఫలం అవుతాయి. ఆర్థిక సమస్యలతో పాటు ఒకటి రెండు వ్యక్తిగత సమస్యలు కూడా పరిష్కారం అవుతాయి. ఉద్యోగ ప్రయత్నాల్లో శుభవార్త అందుకుంటారు. పిల్లలు సునాయాసంగా ఘన విజయాలు సాధిస్తారు.