మీ జుట్టు చూడటానికి సిల్కీగా ఉండాలా.. ఇలా చేయండి!

అలోవెరాలోని గుణాలు తలలో చుండ్రును తొలగిస్తాయి. అలోవెరా జెల్ నేచురల్ కండిషనర్‌గా పనిచేస్తుంది. వెంట్రుకలను మృదువుగా, మెరిసేలా మారుస్తుంది. జుట్టుకు సహజమైన కాంతిని అందిస్తుంది.ఓన్లీ అలోవెరానే కాకుండా అరటిపండుతో కలిపి కూడా హెయిర్‌ప్యాక్ తయారు చేసుకోవచ్చు. ఈ ప్యాక్‌ మీ జుట్టును సిల్కీగా మారుస్తుంది. ఇందుకోసం బాగా పండిన అరటిపండును మెత్తగా గుజ్జులా చేసుకొని, దానిలో ఒక చెంచా తేనె కలిపి, అందులో అలోవెరా జెల్ వేసి మిక్స్ చేయాలి. ఇలా తయారు చేసిన ఈ మిశ్రమాన్ని జుట్టుకు పట్టించి 30 నిమిషాల పాటు అలాగే వదిలేయాలి. అనంతరం చల్లటినీటితో వాష్ చేసుకోవాలి. అరటిపండులో ఉండే పొటాషియం జుట్టుకు పోషణనిచ్చి మృదువుగా చేస్తుంది. అలోవెరాలో జుట్టుకు అవసరమైన పోషకాలు ఉంటాయి. ఇవి జుట్టును స్మూత్‌గా మారుస్తాయి. కోడిగుడ్లలో ప్రొటీన్లు పుష్కలంగా ఉంటాయి. ఇది జుట్టును పటిష్టంగా చేస్తుంది. జుట్టును మెరిసేలా చేస్తుంది. ఈ రెండింటిని ఉపయోగించి హెయిర్‌ ప్యాక్‌ తయారు చేసుకోవచ్చు. ఇందుకోసం ఒక గుడ్డు, కలబంద జ్యూస్‌ తీసుకుని బాగా మిక్స్ చేసుకోవాలి. ఈ మిశ్రమాన్ని జుట్టు మూలాల నుండి చివర్ల వరకు పూర్తిగా పట్టించాలి. తరువాత జుట్టును క్యాప్‌తో కప్పి 30 నిమిషాలు అలాగే వదిలేసి, తరువాత వాష్‌ చేసుకోవాలి.