టికెట్ ఇస్తే ఎమ్మెల్యేగా పోటీచేస్తా.. ఏపీ, తెలంగాణ ఎక్కడినుంచైనా సరే.. సంచలన కామెంట్లు చేసిన వంటలక్క

ఇంటిల్లిపాది కూర్చొని కాలక్షేపం చేయడానికి టీవీ సీరియళ్లు చాలానే ఉన్నాయి. అయితే వీటిలో కార్తీక దీపం సీరియల్ కు విపరీతమైన క్రేజ్ ఉంది.

Karthika deepam fame premi viswanath

Rajeev Rayala |
Updated on: Jun 04, 2021 | 6:08 AM

Karthika Deepam: ఇంటిల్లిపాది కూర్చొని కాలక్షేపం చేయడానికి టీవీ సీరియళ్లు చాలానే ఉన్నాయి. అయితే వీటిలో కార్తీక దీపం సీరియల్ కు విపరీతమైన క్రేజ్ ఉంది. చిన్న పెద్ద అందరు ఈ సీరియల్ కు ఫ్యాన్స్ అయిపోయారు. ఇక లాక్ డౌన్ పుణ్యమా అని ఈ సీరియల్ వ్యూయర్ షిప్ కూడా బాగానే పెరిగింది. ముఖ్యంగా ఈ సీరియల్ లో దీప అలియాస్ వంటలక్క కు ఫుల్లు పాపులారిటీ వచ్చింది. నలుగురు ఆడవాళ్ళు కలిసి మాట్లాడుకుంటున్నారంటే ఖచ్చితంగా అక్కడ కార్తీక దీపం వంటలక్క టాపిక్ ఉంటుంది. అయితే వంటలక్క పాత్ర పోస్తిస్తున్న ప్రేమీ విశ్వనాథ్ ఇప్పుడు రాజకీయాల్లో రాణించాలని చూస్తున్నారు.

ఈ నేపథ్యంలోనే వంటలక్క ఎమ్మెల్యేగా పోటీ చేస్తానంటున్న ఓ వీడియో సోషల్ మీడియాలో వైరల్ అవుతుంది. వంటలక్కకు సొంతంగా ఒక యూట్యూబ్ ఛానెల్ ఉంది..ఆ ఛానెల్ లో వంటలక్క, కార్తీకదీపం సీరియల్ నిర్మాతతో సరదాగా ముచ్చటించింది. మాటలక్రమంలో ఆమె మాట్లాడుతూ.. కేరళలో మా పార్టీ బంపర్ విక్టరీ కొట్టిందని చెప్పింది.దీంతో నీకు అక్కడ నెక్స్ట్ ఎన్నికల్లో ఎమ్మెల్యే టికెట్ ఇస్తారా? అని అడిగాడు నిర్మాత. ”ఎమ్మెల్యేనా.. నాకు పాలిటిక్స్ ఇంట్రస్ట్ లేదు సార్” అంటూ చెప్పుకొచ్చింది వంటలక్క. కేరళ సంగతి వదిలెయ్.. ఏపీ, తెలంగాణలో ఎమ్మెల్యే టికెట్ ఇస్తే పోటీ చేస్తావా? అని నిర్మాత అడగడంతో ”హా టికెట్ ఇస్తే ఏపీ తెలంగాణ ఎక్కడినుంచైనా ఎమ్మెల్యేగా పోటీ చేస్తా” అంది. ఏ పార్టీలో చేరుతావు అంటే.. అది చేరినప్పుడు చెప్తా అంటూ సమాధానం ఇచ్చింది వంటలక్క.

మరిన్ని ఇక్కడ చదవండి :