WWW Movie: యూట్యూబ్లో శివాని రాజశేఖర్ క్రేజ్.. కొత్త రికార్డులను సృష్టిస్తున్న ‘కన్నులు చెదిరే’ సాంగ్..
ప్రస్తుతం సినిమా స్టోరీతో సంబంధం లేకుండా సాంగ్స్ సూపర్ హిట్ అవుతున్నాయి. సినిమా విడుదలకు ముందే విడుదలై రికార్డులు సృష్టిస్తున్నాయి.
ప్రస్తుతం సినిమా స్టోరీతో సంబంధం లేకుండా సాంగ్స్ సూపర్ హిట్ అవుతున్నాయి. సినిమా విడుదలకు ముందే విడుదలై రికార్డులు సృష్టిస్తున్నాయి. మూవీలోని ఒక్క సాంగ్ సూపర్ హిట్ అయితే చాలు.. ఆడియెన్స్కు సినిమా పై ఆసక్తిని కలిగించవచ్చు అనే విధంగా ఆలోచిస్తున్నారు మేకర్స్. అందుకే సినిమాలోని పాటలపై ఎక్కువగా దృష్టి సారిస్తున్నారు. ఇప్పటికే పలు మూవీ సాంగ్స్ యూట్యూబ్లో రికార్డులు సృష్టిస్తుండగా.. తాజాగా మరో సాంగ్ కొత్త రికార్డ్ సృష్టిస్తుంది.
అదిత్ అరుణ్, శివాని రాజశేఖర్ హీరోహీరోయిన్లుగా నటిస్తోన్న చిత్రం డబ్ల్యూడబ్ల్యూడబ్లూ (WWW). ఈ చిత్రానికి ప్రముఖ సినిమాటోగ్రఫర్ కేవి గుహన్ దర్శకత్వం వహిస్తుండగా.. రామంత్ర క్రియోషన్స్ బ్యానర్ పై డా. రవి పి. రాజు దాట్ల నిర్మిస్తున్నారు. అయితే ఈ సినిమాలోని కనులు చెదిరే లిరికల్ వీడియో సాంగ్ ను ఇటీవల మేజర్ అడవి శేఖ్ రిలీజ్ చేసిన సంగతి తెలిసిందే. అయితే ఇప్పుడు ఈ పాట యూట్యూబ్ లో ట్రెండ్ అవుతోంది. ‘కన్నులు చెదిరే అందాన్నె వెన్నెల తెరపై చూశానే.. కదిలే కాలాన్నే నిమిషం నిలిపేశానే…’ అంటూ సాగే ఈ పాట మ్యూజిక్ లవర్స్ ను విపరీతంగా ఆకట్టుకుంటోంది. ఆదిత్య మ్యూజిక్ ద్వారా విడుద‌లైన ఈ పాట శ్రోత‌ల‌ని ఆక‌ట్టుకుంటూ యూట్యూజ్‌లో 1 మిలియ‌న్‌కి పైగా వ్యూస్‌ని సాధించింది. అనంత శ్రీరామ్ లిరిక్స్ అందిచగా.. యాజిన్ నిజార్ గాత్రం.. సైమన్ కె కింగ్ బాణీ అన్నీ కూడా చక్కగా కుదిరాయి. ఈ సాంగ్ ఇంతటి ఆదరణ దక్కించుకున్నందుకు నిర్మాత డా. రవి పి.రాజు మాట్లాడుతూ.. 1 మిలియన్ కి పైగా ఆర్గానిక్ వ్యూస్ సొంతం చేసుకోవడం చాలా సంతోషంగా ఉంది. ఈ సందర్బంగా ఈ పాట విడుదల చేసిన అడవి శేష్ కు, అదిత్య మ్యూజిక్ కు దన్యవాదాలు తెలియజేస్తున్నామని అన్నారు. 118 లాంటి డిఫరెంట్ కాన్సెప్ట్ తెరకెక్కించిన గుహన్.. ఇప్పుడు ఇలా ఇప్పుడు ఇలా wwwతో మరో ప్రయోగాన్ని చేస్తున్నారు. ఈ కరోనా పరిస్థితులు చక్కబడిన వెంటనే విడుదల తేదీని ప్రకటిస్తామని అన్నారు.
వీడియో..
Also Read: Sarkaru Vari Pata: మహేష్ మూవీ నుంచి క్రేజీ అప్డేట్.. ‘సర్కారు వారి పాట’ షూట్ మొదలయ్యేది అప్పుడే..
