Kantara Movie: మరో అరుదైన ఘనత సాధించిన కాంతార.. ఆ జాబితాలో ఫస్ట్‌ ప్లేస్‌లో..
'కాంతార'.. ఇప్పుడు ఎక్కడా చూసినా ఈ సినిమా పేరే వినిపిస్తోంది. కేజీఎఫ్‌ తర్వాత మరోసారి కన్నడ సినిమా స్థాయిని యావత్‌ దేశానికి చాటి చెప్పిందీ సినిమా. రిషభ్ శెట్టి హీరో నటించి దర్శకత్వం వహించిన ఈ మూవీ ఊహించని విజయాన్ని అందుకుంది. బడా బడా మూవీ మేకర్స్‌ను సైతం...
Updated on: Oct 19, 2022 | 6:10 AM
‘కాంతార’.. ఇప్పుడు ఎక్కడా చూసినా ఈ సినిమా పేరే వినిపిస్తోంది. కేజీఎఫ్‌ తర్వాత మరోసారి కన్నడ సినిమా స్థాయిని యావత్‌ దేశానికి చాటి చెప్పిందీ సినిమా. రిషభ్ శెట్టి హీరో నటించి దర్శకత్వం వహించిన ఈ మూవీ ఊహించని విజయాన్ని అందుకుంది. బడా బడా మూవీ మేకర్స్‌ను సైతం ఆశ్చర్యానికి గురి చేసింది. భాషతో సంబంధం లేకుండా విడుదలైన అన్ని చోట్ల రికార్డు కలెక్షన్లను రాబట్టింది. సెప్టెంబర్‌ 30న విడుదలైన ఈ సినిమా బాక్సాఫీస్‌ ముందు వసూళ్ల వర్షం కురిపిస్తోంది.
అనూహ్య కలెక్షన్లతో అద్భుత విజయాన్ని సొంతం చేసుకున్న కాంతార తాజాగా మరో అరుదైన గౌరవాన్ని దక్కించుకుంది. తాజాగా ఐఎండీబీ ప్రకటించిన టాప్ 250 ఇండియన్‌ ఫిల్మ్స్‌ జాబితాలో కాంతార ఏకంగా మొదటి జాబితాలో నిలిచింది. ఈ విషయాన్ని ఐఎండీబీ అధికారికంగా ప్రకటించింది. భారతదేశంలో విడుదలైన టాప్ 250 మూవీస్‌లో కాంతార మొదటి స్థానంలో నిలిచి అరుదైన గౌరవాన్ని దక్కించుకుంది.
India’s Current Top 250 Films:
What are your favourites from this list??
Regularly updated, the IMDb Top 250 is a collection of the most loved & highest-rated Indian films by fans. This list is as of 17th October, 2022.#IMDbTop250 pic.twitter.com/02sYGdDZHL
— IMDb India (@IMDb_in) October 17, 2022
ఈ జాబితాలో టాలీవుడ్ హిట్ చిత్రాలైన బాహుబలి: ది కన్‌క్లూజన్(101), బాహుబలి: ది బిగినింగ్(182), ఆర్ఆర్ఆర్(190) స్థానాల్లో నిలిచాయి. ఇదిలా ఉంటే ఐఎండీబీ జాబితా రెండోస్థానంలో రామాయణ, మూడో ప్లేస్‌లో రాకెట్రీ నిలిచాయి. ప్రేక్షకులకు ఇచ్చే రేటింగ్స్‌ ఆధారంగా ఐఎండీబీ ఈ జాబితాను రూపొందిస్తుంది.
మరిన్ని సినిమా వార్తల కోసం క్లిక్ చేయండి..
