కష్టపడుతోన్న నాగార్జున.. రంగంలోకి హాలీవుడ్ టెక్నీషియన్లు..!

టాలీవుడ్ కింగ్ నాగార్జున హిట్ కోసం చూస్తున్నారు. ఈ ఏడాది ఆయన నటించిన మన్మథుడు2 బాక్సాఫీస్ వద్ద బోల్తా కొట్టగా.. ఈ సారి మాత్రం పెద్ద హిట్ కొట్టాలన్న కసిలో ఉన్నాడు. ఈ నేపథ్యంలో కొత్త దర్శకుడు సోలోమెన్‌కు (ఊపిరి మూవీ అసిస్టెంట్) ఛాన్స్ ఇచ్చిన నాగార్జున త్వరలోనే ఆ మూవీలో నటించేందుకు సిద్ధమవుతున్నాడు. ప్రస్తుతం ఈ మూవీకి ప్రీ ప్రొడక్షన్ పనులు జరుగుతున్నాయి. ఇక తాజా సమాచారం ప్రకారం ఇందులో నాగార్జున పోలీస్ పాత్రలో నటించబోతున్నట్లు తెలుస్తోంది.

ఈ పాత్ర గతంలో ఆయన చేసిన పాత్రలకు భిన్నంగా ఉంటుందని.. అందుకోసం నాగార్జున కసరత్తులు చేస్తున్నారని టాక్. ఇక ఇందులో భాగంగా హాలీవుడ్ నుంచి స్టంట్ మాస్టర్, టెక్నీషియన్లను పిలిపించి వారితో వర్క్‌ షాప్ నిర్వహిస్తున్నట్లు సమాచారం. వారి ఆధ్వర్యంలో భారీ యాక్షన్ సీన్లను చేసేందుకు ఆయన రెడీ అవుతున్నారని టాక్. అంతేకాదు దాదాపు 50మందికి ప్రత్యేకమైన శిక్షణ కూడా ఇస్తున్నారట. అలాగే భారీ బడ్జెట్‌తో మ్యట్నీ ఎంటర్‌టైన్‌మెంట్స్ ఈ మూవీని నిర్మించబోతున్నట్లు టాక్. మరి ఇందులో నిజమెంతో తెలియాలంటే కొద్ది రోజులు ఆగాల్సిందే. ఇదిలా ఉంటే ఈ చిత్రంలో హీరోయిన్‌గా కాజల్‌ను సంప్రదిస్తున్నట్లు టాక్ వినిపిస్తోంది.