చిరు నిర్ణయాన్ని మార్చుకున్నాడా..!
మెగాస్టార్ చిరంజీవి నిర్ణయాన్ని మార్చుకున్నాడా..! అంటే టాలీవుడ్‌లో అవుననే మాటలే వినిపిస్తున్నాయి. చిరు, కొరటాల శివ దర్శకత్వంలో నటించేందుకు సిద్ధమవుతున్న విషయం తెలిసిందే. ప్రస్తుతం ప్రీ ప్రొడక్షన్ పనులు జరుపుకుంటోన్న ఈ చిత్రం ఈ నెల 26 నుంచి సెట్స్ మీదకు వెళ్లనున్నట్లు సమాచారం. ఈ క్రమంలో ఈ మూవీకి సంబంధించిన ఓ విషయంలో మెగాస్టార్ తన నిర్ణయాన్ని మార్చుకున్నారట. మొదట ఈ మూవీని కూడా పాన్ ఇండియా సినిమాగా తీయాలని చిరు భావించారట. ఈ ప్రాజెక్ట్ […]
Updated on: Dec 21, 2019 | 9:46 PM
మెగాస్టార్ చిరంజీవి నిర్ణయాన్ని మార్చుకున్నాడా..! అంటే టాలీవుడ్‌లో అవుననే మాటలే వినిపిస్తున్నాయి. చిరు, కొరటాల శివ దర్శకత్వంలో నటించేందుకు సిద్ధమవుతున్న విషయం తెలిసిందే. ప్రస్తుతం ప్రీ ప్రొడక్షన్ పనులు జరుపుకుంటోన్న ఈ చిత్రం ఈ నెల 26 నుంచి సెట్స్ మీదకు వెళ్లనున్నట్లు సమాచారం. ఈ క్రమంలో ఈ మూవీకి సంబంధించిన ఓ విషయంలో మెగాస్టార్ తన నిర్ణయాన్ని మార్చుకున్నారట.
మొదట ఈ మూవీని కూడా పాన్ ఇండియా సినిమాగా తీయాలని చిరు భావించారట. ఈ ప్రాజెక్ట్ సబ్జెక్ట్ కూడా అన్ని వర్గాలను మెచ్చేలా ఉందని ఆయన ఈ నిర్ణయం తీసుకున్నారట. అయితే సైరా ఫలితంతో తన అభిప్రాయాన్ని మార్చుకున్నారట. ఎన్నో అంచనాల మధ్య తెరకెక్కించిన సైరాను తెలుగులో పాటు తమిళం, మలయాళం, కన్నడ, హిందీలో విడుదల చేసింది చిత్ర యూనిట్. అయితే కొన్ని కారణాల వలన అన్ని భాషల్లోనూ ఈ మూవీ ఆడలేకపోయింది. ఒక్క తెలుగులో మినహాయిస్తే మిగిలిన ఏ భాషలోనూ అనుకున్నంత కలెక్షన్లు రాలేదు. ఇక హిందీలో అయితే పెద్ద పరాజయంగా మిగిలింది సైరా. ఈ క్రమంలో ఇప్పుడు కొరటాల చిత్రాన్ని తెలుగులోనే తీయాలని కొరటాలకు సూచించారట.
ఒకవేళ సినిమా రిలీజ్ అయ్యాక టాక్‌ను బట్టి మిగిలిన భాషల్లో డబ్బింగ్ చేద్దామని ఆయన అన్నారట. దీనికి చిత్ర యూనిట్ కూడా ఓకే చెప్పినట్లు టాక్. కాగా ఈ మూవీలో చిరు సరసన త్రిష కన్ఫర్మ్ అయినట్లు తెలుస్తోంది. కొణిదెల ప్రొడక్షన్స్, మ్యాట్నీ ఎంటర్‌టైన్‌మెంట్స్ సంయుక్తంగా నిర్మిస్తోన్న ఈ మూవీకి మణిశర్మ సంగీతం అందించబోతున్నాడు. వచ్చే ఏడాది ఈ సినిమాను ప్రేక్షకుల ముందుకు తీసుకురావాలని దర్శకనిర్మాతలు భావిస్తున్నారు.
