82 ఏళ్ల వయసులో తండ్రి కాబోతున్న ‘గాడ్ఫాదర్’ నటుడు
82 ఏళ్ల అల్ పాసినో, నిర్మాత 29 ఏళ్ల నూర్ అల్ఫల్లాతో గత కొంతకాలంగా ప్రేమాయణం సాగిస్తున్నారు. ఈ క్రమంలో అల్ పాసినో, నూర్ అల్ఫల్లా తమ మొదటి సంతానానికి ఆహ్వానం పలకనున్నారు..
Updated on: Jun 01, 2023 | 9:32 AM
ప్రముఖ హాలీవుడ్ సీనియర్ నటుడు అల్ పాసినో నాలుగోసారి తండ్రి కాబోతున్నాడు. ఎనిమిది పదుల వయసులో ఆయన తండ్రి కాబోతున్నట్లు సోషల్ మీడియా వేదికగా వెల్లడించారు. 82 ఏళ్ల అల్ పాసినో, నిర్మాత 29 ఏళ్ల నూర్ అల్ఫల్లాతో గత కొంతకాలంగా ప్రేమాయణం సాగిస్తున్నారు. ఈ క్రమంలో అల్ పాసినో, నూర్ అల్ఫల్లా తమ మొదటి సంతానానికి ఆహ్వానం పలకనున్నారు. ప్రస్తుతం నూర్ ఎనిమిది నెలల గర్భవతి. ఈ విషయాన్ని అల్ పాసినో ప్రతినిధి ఓ మేగజీన్కు తెలిపారు.
కాగా అల్, నూర్ గతేడాది నుంచి రిలేషన్షిప్లో ఉన్నారు. మువీ ప్రొడ్యూసర్ అయిన అల్ఫాల్లా, గతంలో గాయకుడు మిక్ జాగర్తో డేటింగ్ చేసింది. ఆ తర్వాత బిలియనీర్ నికోలస్ బెర్గ్రూయెన్తో కూడా కొన్నాళ్లు కలిసి ఉన్నట్లు సమాచారం. ఇక ఇప్పటికే అల్ పాసినో ఇద్దరు మహిళతో సహజీవనం చేసి ముగ్గురు సంతానానికి తండ్రి అయ్యాడు. మొదటి మాజీ ప్రియురాలు జాన్ టరంట్తో కుమార్తె జూలీ మేరీ(33), మాజీ ప్రియురాలు బెవెర్లీ డీఆంగెలోతో కవలలు (22) ఉన్నారు.
మరిన్ని సినిమా కథనాల కోసం క్లిక్ చేయండి.
