సుకుమార్‌తో విభేదాలు వచ్చాయి: మహేశ్ బాబు

హైదరాబాద్: దర్శకుడు సుకుమార్‌తో తనకు క్రియేటీవ్ అంశాల విషయంలో వచ్చిన విభేదాల కారణంగా ఆయనతో చేయాల్సిన సినిమా ఆగిపోయిందని మహేశ్ బాబు చెప్పారు. నేనొక్కడినే మూవీ తర్వాత సుకుమార్, మహేశ్ బాబు కాంబినేషన్‌లో మరో చిత్రం వస్తుందని భావిస్తోన్న సమయంలో మహేశ్ బాబు ఈ విషయాన్ని వెల్లడించారు.

అయితే సుకుమార్ చేయబోతున్న కొత్త ప్రాజెక్టుకు మహేశ్ ఆల్ ది బెస్ట్ చెప్పారు. గొప్ప దర్శకుడిగా తాను సుకుమార్‌ను ఎప్పుడూ గౌరవిస్తాను, 1 నేనొక్కడినే ఒక అద్భుతమైన సినిమా, ఆ సినిమాకు పని చేసినప్పుడు ప్రతి సందర్భాన్ని ఆశ్వాదించానని మహేశ్ అన్నారు.

సుకుమార్, అల్లు అర్జున్ కాంబినేషన్‌లో ఆర్య-3 తీస్తున్నట్టుగా మహాశివరాత్రి సందర్భంగా ప్రకటన వచ్చింది. ఈ నేపథ్యంలోనే సుకుమార్‌కు మహేశ్ బాబు ఆల్ ది బెస్ట్ చెప్పారు. భరత్ అనే నేను మూవీతో మహేశ్, రంగస్థలం మూవీతో సుకుమార్ హిట్‌ కొట్టిన సంగతి తెలిసిందే.

Due to creative differences, my film with Sukumar is not happening. I wish him all the best on the announcement of his new project. Respect always for a film maker par exellence. 1 Nenokkadine will remain as a cult classic. Enjoyed every moment working on that film.

— Mahesh Babu (@urstrulyMahesh) March 4, 2019