Salman Khan: రెమ్యునరేషన్ భారీగా పెంచేసిన సల్మాన్.. బిగ్ బాస్ షో కోసం ఎన్ని కోట్లు తీసుకుంటున్నాడంటే?
బిగ్ బాస్ సీజన్ మళ్లీ ప్రారంభం కానుంది. తెలుగు, హిందీ తదితర భాషల్లో బిగ్ బాస్ రియాలిటీ షో కోసం సన్నాహాలు ప్రారంభమయ్యాయి. ఈసారి కూడా హిందీలో కూడా సల్మాన్ ఖాన్ ఈ షోను హోస్ట్ చేయనున్నారు. కానీ ఈసారి మాత్రం భారీ మొత్తంలో పారితోషికం అందుకోనున్నాడు సల్లూ భాయ్.
Updated on: Jun 08, 2025 | 4:30 PM
బుల్లితెర ఆడియెన్స్ ను అమితంగా అలరించే టీవీ రియాలిటీ షో బిగ్ బాస్. ప్రతి సీజన్‌లోనూ ఈ షో కొత్తగా కనిపిస్తుంది. కొత్త థీమ్ తో ఆడియెన్స్ ను అలరిస్తారు. అలాగే కంటెస్టెంట్స్ ఎంపికలో కూడా వైవిధ్యం ప్రదర్శిస్తారు. అయితే ఒక కన్నడ భాషలో తప్పితే ఏ భాషలోనూ బిగ్ బాస్ హోస్టులు మారడం లేదు. హిందీలోనూ అదే పరిస్థితి. సల్మాన్ గత కొన్ని సంవత్సరాలుగా బిగ్ బాస్ ను హోస్ట్ చేస్తున్నారు. అలాగే తన రెమ్యునరేషన్ లను కూడా బాగా పెంచుకుంటూ పోతున్నాడు. సాధారణంగా మూడు నెలల పాటు కొనసాగే ఈ షో 19వ సీజన్ త్వరలో ప్రేక్షకుల ముందుకు రానుందని తెలిసింది. దీని కోసం సల్మాన్ ఖాన్ ఈ నెలాఖరు నాటికి ప్రోమో షూటింగ్ ప్రారంభించనున్నారు. ప్రతి సీజన్‌లో, ఈ సీజన్‌లో ఏ పోటీదారులు పాల్గొంటారనే దానిపై సోషల్ మీడియాలో చర్చ జరుగుతుంది? కానీ దానితో పాటు, అభిమానులు ఎల్లప్పుడూ మరో విషయం తెలుసుకోవాలని ఆసక్తిగా ఉంటారు. అదే సల్మాన్ ఖాన్ రెమ్యునరేషన్
‘బిగ్ బాస్’ పద్దెనిమిదవ సీజన్ కోసం దాదాపు రూ. 250 కోట్లు అందుకున్నాడు సల్మాన్. అయితే ఈ సారి బిగ్ బాస్ షో రన్నింగ్ టైమ్ పెరగడంతో తన రెమ్యునరేషన్ కూడా పెంచేశాడు. ‘బిగ్ బాస్’ 19వ సీజన్ కోసం సల్మాన్ దాదాపు రూ. 300 కోట్లు వసూలు చేస్తున్నట్లు సమాచారం. బిగ్ బాస్ కోసం ప్రతి సంవత్సరం మూడు నుంచి నాలుగు నెలలు షూటింగ్ లో పాల్గొంటాడు లస్మాన్. కానీ ఈసారి బిగ్ బాస్ నిర్వాహకులు సల్మాన్ నుండి మరిన్ని ఎక్కువ రోజుల డేట్స్ అడుగుతున్నారు. అందుకే ఈ కండల వీరుడు తన పారితోషికాన్ని కూడా భారీగా పెంచినట్లు తెలిసింది.
ఫ్యామిలీతో సల్మాన్ ఖాన్..
Thank u dad for the best mothers in the world . To the most beautiful women in my world . Happy Mother’s Day. pic.twitter.com/nQ6zaJN34l
— Salman Khan (@BeingSalmanKhan) May 11, 2025
బిగ్ బాస్ హిందీ కొత్త సీజన్ జూలై చివరలో లేదా ఆగస్టు ప్రారంభంలో ప్రారంభమయ్యే అవకాశం ఉంది. అపూర్వ ముఖిజా, గౌతమి కపూర్, మూన్ బెనర్జీ, అరిష్ఫా ఖాన్, డైసీ షా, ఖుషీ దుబే, మూన్మున్ దత్తా, మిస్టర్ ఫైజు వంటి సెలబ్రిటీలు ఈ సీజన్‌లో కంటెస్టెంట్లుగా ఉండనున్నారని సమాచారం. గత బిగ్ బాస్ సీజన్ లో టెలివిజన్ నటుడు కరణ్‌వీర్ మెహ్రా ‘బిగ్ బాస్ 18’ టైటిల్‌ను గెలుచుకున్నాడు.
మరిన్ని సినిమా వార్తల కోసం ఇక్కడ క్లిక్ చేయండి..
