Jabardasth Rakesh: వరంగల్ భద్రకాళి ఆలయంలో జబర్దస్త్ కపుల్.. రాకింగ్ రాకేష్- సుజాత కూతురిని చూశారా? ఫొటోస్ వైరల్

జబర్దస్త్ కామెడీ షోతో మంచి గుర్తింపు తెచ్చుకున్న వారిలో రాకింగ్ రాకేష్, జోర్దార్ సుజాత ఒకరు. బుల్లితెరపై జంటగా నవ్వించిన వీరిద్దరు రియల్ లైఫ్ లోనూ దంపతులుగా మారారు. ప్రేమించి పెళ్లి చేసుకున్నారు. కొన్ని రోజుల క్రితం అమ్మానాన్నలుగా ప్రమోషన్ కూడా పొందారు.

Rocking Rakesh And Sujatha

Basha Shek |
Updated on: Jun 07, 2025 | 12:49 PM

జబర్దస్త్ కపుల్ రాకింగ్ రాకేష్, జోర్దార్ సుజాత గతేడాది అక్టోబర్ లో అమ్మానాన్నలుగా ప్రమోషన్ పొందిన సంగతి తెలిసిందే. సుజాత ఒక పండంటి ఆడ బిడ్డకు జన్మనిచ్చింది. తమ ఇంటి మహలక్ష్మకి ఖ్యాతిక అని పేరు పెట్టుకున్నారు. గతేడాది నవంబర్ లోనే ఓరుగల్లు భద్రకాళీ అమ్మవారి సన్నిధిలో తమ కూతురి నామకరణ మహోత్సవం నిర్వహించారు రాకింగ్ రాకేష్- సుజాత. తాజాగా ఇదే ఆలయాన్ని మరోసారి దర్శించుకున్నారు జబర్దస్త్ కపుల్. ఆలయంలో ప్రత్యేక పూజలు నిర్వహించారు. రాకింగ్ రాకేష్, సుజాత దంపతుల వెంట కుటుంబ సభ్యులు కూడా ఉన్నారు. ఈ సందర్భంగా భద్రకాళీ అమ్మవారి దర్శనానికి సంబంధించిన ఫొటోలను సామాజిక మాధ్యమాల్లో షేర్ చేసుకున్నారు రాకేష్- సుజాత. ‘ అమ్మవారి దర్శనంజజఈరోజు కుటుంబ సమేతంగా వరంగల్ లో.. శ్రీ భద్రకాళీ దేవిని దర్శించుకోవడం జరిగింది.. శ్రీ భద్రకాళి దేవి శరణం’ అంటూ తమ ఫొటోలకు క్యాప్షన్ ఇచ్చారు. ప్రస్తుతం ఈ ఫొటోలు నెట్టింట వైరలవుతున్నాయి. అయితే ఈ ఫొటోల్లో తమ కూతురి ముఖం కనిపించకుండా కొన్ని చోట్ల ఎమోజీతో కవర్ చేసింది సుజాత. అదే సమయంలో మరికొన్ని ఫొటోల్లో ఖ్యాతిక ముఖం క్లియర్ గా కనిపిస్తోంది. ప్రస్తుతం ఈ ఫొటోలు నెటిజన్లను అమితంగా ఆకట్టుకుంటున్నాయి. వీటిని చూసిన వారు క్రేజీ కామెంట్స్ చేస్తున్నారు. ఖ్యాతిక చాలా క్యూట్ గా ఉందంటున్నారు.

ఇవి కూడా చదవండి

రాకింగ్ రాకేష్- జోర్దార్ సుజాత లది ప్రేమ వివాహం. జబర్దస్త్ షోలో చేస్తున్నప్పుడే వీరిద్దరూ ప్రేమలో పడ్డారు. ఆ తర్వాత పెద్దల అనుమతితో2203 ఫిబ్రవరి 24న తిరుమల తిరుపతి శ్రీ వేంకటేశ్వర స్వామి సాక్షిగా ఏడడుగులు వేశారు రాకేష్. ఈ ప్రేమ బంధానికి ప్రతీకగా గతేడాది అక్టోబర్ లో ఖ్యాతిక వీరి ఇంట్లోకి అడుగు పెట్టింది. కాగా రాకింగ్ రాకేష్ హీరోగా కేసీఆర్ (కేశవ చంద్ర రమావత్) సినిమా వచ్చిన సంగతి తెలిసిందే. గరుడవేగ అంజి దర్శకత్వం వహించిన ఈ పొలిటికల్ డ్రామాలో సీనియర్ నటి సత్య కృష్ణన్ కూతురు అనన్య కృష్ణన్ హీరోయిన్‏గా నటించింది. ఈ చిత్రానికి కథ, స్క్రీన్ ప్లేను అందిస్తూనే నిర్మాతగానూ వ్యవహరించాడు రాకింగ్ రాకేష్. గతేడాది నవంబర్ 22న థియేటర్లలో విడుదలైన కేసీఆర్ సినిమా ఓ మోస్తరుగా ఆడింది.