Naga Chaitanya: అక్కినేని యంగ్ హీరో న్యూ లుక్.. బాలీవుడ్ మూవీ కోసం ఆర్మీ జవాన్ గా మారిన నాగచైతన్య

అక్కినేని కుర్ర హీరో నాగచైతన్య ప్రస్తుతం ఫుల్ జోష్ లో ఉన్నాడు. ఇప్పటికే శేఖర్ కమ్ముల దర్శకత్వంలో చేస్తున్న లవ్ స్టోరీ సినిమాను కంప్లీట్ చేసాడు చైతన్య.

Naga Chaitanya

Rajeev Rayala |
Updated on: Jul 09, 2021 | 5:23 PM

Naga Chaitanya: అక్కినేని కుర్ర హీరో నాగచైతన్య ప్రస్తుతం ఫుల్ జోష్ లో ఉన్నాడు. ఇప్పటికే శేఖర్ కమ్ముల దర్శకత్వంలో చేస్తున్న లవ్ స్టోరీ సినిమాను కంప్లీట్ చేసాడు చైతన్య. ఆ వెంటనే థాంక్యూ అనే సినిమాను పట్టలేక్కించాడు. అక్కినేని ఫ్యామిలీకి మనం లాంటి మెమరబుల్ మూవీ అందించిన విక్రమ కుమార్ ఈ సినిమాకు దర్శకత్వం వహిస్తున్నాడు. ఈ సినిమాలో హాకీ ప్లేయర్ గా కనిపించనున్నాడు చైతన్య. ఇదిలా ఉంటే ఈ కుర్ర హీరో బాలీవుడ్ లోకి అడుగు పెడుతున్న విషయం తెలిసిందే. బాలీవుడ్ మిస్టర్ పర్ఫెక్ట్ అమీర్ ఖాన్ నటిస్తున్న లాల్ సింగ్ చ‌ధా సినిమాలో నాగచైతన్య కీలక పాత్రలో నటిస్తున్నాడు. చైతూ ఆర్మీ జ‌వాన్ గా ఈ సినిమాలో కనిపించబోతున్నాడు. ఫ్లాష్ బ్యాక్ ఎపిసోడ్ లో అమీర్ ఖాన్ స్నేహితుడిగా క‌నిపించ‌నున్నాడ‌ట చైతూ.

తాజాగా ఈ సినిమా షూటింగ్ స్పాట్ నుంచి ఓ ఫోటోను షేర్ చేశాడు చైతన్య. ఈ ఫోటోలో అమీర్ ఖాన్ తో పాటుగా ఇటీవల అతని నుంచి విడిపోయిన భార్య కిరణ్ రావు కూడా ఉన్నారు. అలాగే ఆర్మీ జవాన్ గెటప్ లో అమీర్ ఖాన్,నాగ చైతన్య ఈ ఫోటోలో కనిపిస్తున్నారు. ఈ సినిమాకోసం చైతన్య న్యూ లుక్ లోకి మారిపోయాడు. అంతే కాదు ఇప్పటికే త‌న బాడీ షేప్‌ను మ‌రింత డెవ‌ల‌ప్ చేసుకున్నాడు. 1994లో వ‌చ్చిన అమెరిక‌న్ డ్రామా ఫారెస్ట్ గంప్‌కు రీమేక్ గా తెర‌కెక్కుతున్నది లాల్ సింగ్ చ‌ధా. క‌రీనాక‌పూర్ ఈ చిత్రంలో ఫీమేల్ లీడ్ రోల్ పోషిస్తోంది. చైతూ షేర్ చేసిన ఈ ఫోటో ఇప్పుడు సోషల్ మీడియాలో వైరల్ గా మారింది.