AA20 : ఫ్యాన్ మేడ్ పోస్ట‌ర్..చింపేశారంతే..

‘అల వైకుంఠపురంలో’మూవీతో చాలాకాలం త‌ర్వాత సాలిడ్ హిట్ త‌న ఖాతాలో వేస‌కున్నాడు స్టైలిష్ స్టార్ అల్లు అర్జున్. కాగా బ‌న్నీ త‌న‌ తర్వాతి మూవీ సుకుమార్‌తో చేస్తున్న సంగతి తెలిసిందే. ఇప్పటికే వీరిద్ద‌రి కాంబినేష‌న్ లో ఆర్య, ఆర్య2 సినిమాలు వ‌చ్చి మంచి విజ‌యాలు సాధించాయి. ఇప్పుడు మూడో మూవీ రాబోతుండ‌టంతో భారీ అంచనాలు ఏర్ప‌డ్డాయి.

ఈ చిత్ర‌ రెగ్యూలర్ షూటింగ్ ఇప్పటికే ప్రారంభం కావాల్సి ఉన్నా, క‌రోనా వైర‌స్ నేప‌థ్యంలో విధించిన‌ లాక్ డౌన్ కారణంగా వాయిదా పడింది. అయితే సినిమాకు సంబంధించిన‌ ఓ ఫ్యాన్ మేడ్ పోస్టర్ సోషల్ మీడియాలో తెగ ట్రెండ్ అవుతోంది. ఈ పోస్టర్‌లో అల్లు అర్జున్ జట్టు వెన‌క్కి దువ్వి, గుబురు గబ్బంతో ఎప్పుడూ లేనంత మాస్ లుక్‌లో దుమ్ము రేపుతున్నాడు. సినిమాలో అల్లు అర్జున్… లారీ డ్రైవర్‌ గెటప్‌లో కనిపిస్తున్నాడ‌ని వార్త‌లు వినిపిస్తోన్న నేప‌థ్యంలో..లుక్ ఆ మాదిరిగానే డిజైన్ చేశారు. కోపంగా చూస్తున్న హీరో వెనక‌ గంధపు చెక్కలు క‌నిపిస్తున్నాయి.

దేవిశ్రీప్రసాద్ ఈ మూవీకి సంగీతాన్ని అందిస్తుండ‌గా… ‘రంగస్థలం’ ఫార్మాట్ లోనే ప‌క్కా విలేజ్ బ్యాక్‌డ్రాప్‌లో సినిమా తెర‌కెక్క‌బోతుంద‌ని వార్తలు వినిపిస్తున్నాయి. అయితే ఈ పోస్టర్ చూస్తుంటే ఫ్యాన్స్‌కి పిచ్చెక్కిస్తుంది. ఇదే అఫిషియల్ పోస్టర్‌ ఏమో అనే అనుమానాలు కూడా క‌లుగుతున్నాయి.