The Ghost: ఘోస్ట్‌ సినిమా కోసం ఇంత శ్రద్ధ తీసుకున్నారా.? ఆశ్చర్యపరుస్తోన్న మేకింగ్ వీడియో..
The Ghost: కింగ్‌ నాగార్జున హీరోగా తెరకెక్కుతోన్న చిత్రం 'ది ఘోస్ట్‌'. ప్రవీణ్‌ సత్తారు దర్శకత్వంలో తెరకెక్కిన ఈ యాక్షన్ అండ్వాంచర్‌ చిత్రంపై భారీ అంచనాలు ఉన్నాయి. గరుడవేగతో భారీ విజయాన్ని అందుకున్న ప్రవీణ్‌..
Updated on: Sep 23, 2022 | 6:53 AM
The Ghost: కింగ్‌ నాగార్జున హీరోగా తెరకెక్కుతోన్న చిత్రం ‘ది ఘోస్ట్‌’. ప్రవీణ్‌ సత్తారు దర్శకత్వంలో తెరకెక్కిన ఈ యాక్షన్ అండ్వాంచర్‌ చిత్రంపై భారీ అంచనాలు ఉన్నాయి. గరుడవేగతో భారీ విజయాన్ని అందుకున్న ప్రవీణ్‌.. దాదాపు అలాంటి కాన్సెప్ట్‌తో తెరకెక్కిస్తోన్న చిత్రం కావడంతో అందరి దృష్టి ఈ చిత్రంపై పడింది. ఇప్పటికే షూటింగ్ పూర్తి చేసుకున్న ఈ సినిమాను దసరా కానుకగా అక్టోబర్‌ 5న విడుదల చేయడానికి చిత్ర యూనిట్ సన్నాహాలు చేస్తోంది. ప్రమోషన్స్‌లో భాగంగా ఇప్పటికే ట్రైలర్‌ను విడుదల చేసిన చిత్ర యూనిట్ తాజాగా.. సినిమాకు సంబంధించి మేకింగ్ వీడియోను విడుదల చేశారు.
1.13 నిమిషాల నిడివి ఉన్న ఈ వీడియో చూస్తుంటే దర్శకుడు ఘోస్ట్‌ను ఎంత ప్రతిష్టాత్మకంగా తెరకెక్కించాడో అర్థమవుతోంది. ముఖ్యంగా సినిమాలో ఉపయోగించిన కత్తులు, తుపాకులను ప్రదర్శించారు. ‘ది ఘోస్ట్‌: గన్స్‌ అండ్‌ స్వార్డ్స్‌’ పేరుతో విడుదల చేసిన ఈ వీడియో సినిమాపై అంచనాలు పెంచేసింది. నాగార్జున, సోనాల్‌ చౌహాన్‌ సినిమాకోసం భారీ కసరత్తులు చేశారు. పూర్తి స్థాయిలో యాక్షన్ అండ్‌ ఎంటర్‌టైనర్‌గా తెరకెక్కిన ఈ సినిమా ఎలాంటి వండర్స్‌ క్రియేట్‌ చేస్తుందో చూడాలి.
ఈ చిత్రాన్ని నార్త్ స్టార్ ఎంట‌ర్‌టైన్ మెంట్, శ్రీ వెంక‌టేశ్వర సినిమాస్ ఎల్ఎల్‌పీ బ్యాన‌ర్లపై సంయుక్తంగా నిర్మిస్తున్నారు. హై ఆక్టేన్ యాక్షన్ ఎంట‌ర్‌టైనర్ గా వ‌స్తున్న ఈ చిత్రంలో గుల్ ప‌నాగ్‌, అనిఖా సురేంద్ర కీ రోల్స్‌ పోషిస్తున్నారు. ఈ చిత్రానికి మార్క్ కే రాబిన్ మ్యూజిక్ అందిస్తున్నాడు.
మరిన్ని సినిమా వార్తల కోసం క్లిక్ చేయండి..
